21 اپریل، 2014

شوہر نے بد چلنی کے شبہے میں بیوی کے جسم پر آپریشن سے ٹریکرلگوادیا۔۔ واہ رے ٹیکنالوجی

 

لاہور: لاہور کے علاقے ہربنس پورہ میں رہنے والی خاتون نے دعویٰ کیا ہے کہ اس کے شوہر نے نقل و حرکت پر نظر رکھنے کیلئے بیوی کے جسم میں ٹریکر لگا دیا ہے۔
 
ہربنس پورہ کی رہائشی خاتون شوہر کے خلاف شکایت لے کر عدالت پہنچی تو شنوائی کے دوران خاتون کی جانب سے دعویٰ کیا گیا کہ شکی شوہر نے میرے جسم میں ٹریکر لگوا دیا، خاتون کا مزید کہنا تھا کہ لاہور کے ایک سرکاری اسپتال میں آپریشن کرکے جسم میں ٹریکر فٹ کیا گیا۔ خاتون نے عدالت میں مؤقف اختیار کرتے ہوئے کہا کہ اسلم ٹریکر سے میری نقل و حرکت پر نظر رکھتا ہے۔

تاہم خاتون عدالت میں شنوائی کے دوران حتمی طور پر کوئی جواب نہ دے سکی اور نہ ہی پوچھے گئے سوالات پر عدالت کو مطمئن کرسکی۔ خاتون کی جانب سے عدالت میں کوئی ثبوت بھی پیش نہیں کیے، جب کہ خاتون مسلسل اس بات کا تقاضا کرتی رہی کہ اس کے جسم میں ٹریکر موجود ہے۔ سماء ٹی وی

کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

مشہور اشاعتیں

تازہ ترین خبریں

Recent Posts Widget