18 جون، 2014

ShahbazSharif must resign – Shujaat - شہباز شریف فوری استعفیٰ دیں، شجاعت حسین، ذمہ داروں کو سزا ملنی چاہئے، فضل الرحمن

 

 
 
 
اسلام آباد(دنیا نیوز)مسلم لیگ قائد اعظم کے سربراہ چوہدری شجاعت حسین کا کہنا ہے شہباز شریف پہلے استعفیٰ دیں پھر کمیشن کے سامنے پیش ہوں ، جمیعت علمائے اسلام ف کے سربراہ مولانا فضل الرحمان کہتے ہیں واقعہ کے ذمہ داروں کو سزا ملنی چاہئے۔

اسلام آباد میں ہونے والی ایک ملاقات کے بعد مسلم لیگ ق کے سربراہ چودھری شجاعت حسین اور جمیعت علمائے اسلام ف کے سربراہ نے میڈیا سے بات چیت کی ۔ چوہدری شجاعت حسین نے کہا آپریشن کے نام پر ہونے والی تخریب کاری کا پتہ نہیں چل سکا ۔ حالات ایک ہفتے میں بہت تبدیل ہوئے ہیں سانحہ لاہور سے بڑھ کر اور کیا ہوسکتا ہے ۔ چودھری شجاعت حسین نے کہا جن کی کلہاڑی ہے پاؤں بھی ان ہی کے ہیں۔ مولانا فضل الرحمان نے کہا ملک کسی بھونچال یا ہنگامہ آرائی کا متحمل نہیں ہو سکتا ۔ پنجاب حکومت سخت اقدام نہیں کر رہی ۔ انہوں نے کہا کہ واقعے پر سب رنجیدہ ہیں جس کی غلطی ہو اسے سزا ملنی چاہئے۔ مولانا فضل الرحمان نے کہا مذاکرات کی سنجیدہ کوششوں میں حکومت کے ساتھ ہیں ، دنیا میں جہاں بھی امن ہوا مذاکرات سے ہی ہوا۔

کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

مشہور اشاعتیں

تازہ ترین خبریں

Recent Posts Widget