8 دسمبر، 2015

داعش نواز ویب سائٹ چلانے والے 50 سے زائد افراد گرفتار

 

ایران (ٹی او سی مانیٹرنگ ڈیسک) ایران کی سائبر پولیس کے سربراہ نے نیوز ایجنسی رائٹرز کو بتایا ہے کہ انہوں نے کم از کم 53 افراد کو داعش نواز ویب سائٹ چلانے پر گرفتار کیا ہے انہوں نے اس بات کی تصدیق بھی کردی ہے۔ ایران کے پولیس چیف بریگیڈیئر جنرل حسین اشتری نے کہا کہ "وہ دراصل ہمارے سرحدی علاقوں کے قریب یا ہماری سرحدوں کے قریبی صوبوں میں موجود تھے اور وہیں سے گرافتار کئے گئے ہیں۔ "

ایران نے ملک میں سائبر قوانین کو سخت کرتے ہوئے اکتوبر میں مقبول پیغام رسان مسیجنر ٹیلی گرام کو بھی بند کردیا تھاجسے داعش محفوظ پیغام رسانی کے لئے اور یرغمالیوں کے بارے میں بات چیت کے لئے استعمال کرتی تھی۔ ایران نے ٹیلی گرام تک ایران کی سپریم کونسل برائے سائیبر اسپیس کی رسائی مانگی تھی تاکہ ایرانی شہریوں کے پیغامات کی نگرانی کرسکیں لیکن ٹیلی گرام نے رسائی دینے سے انکار کردیا تھا۔

داعش کو سوشل میڈیا میں مضبوط موجودگی کے لئے جانا جاتا ہے اور یہ تنظیم غیر ملکیوں کی بھاری تعداد آن لائن بھرتی کرتی ہے ۔

کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

مشہور اشاعتیں

تازہ ترین خبریں

Recent Posts Widget