12 اپریل، 2016

زلزلے سے متاثرہ پہاڑی تودہ گرنے سے چترال میں خاتون اور بیٹی جان بحق ہوگئیں

چترال (نمائندہ ٹائمز آف چترال 12 اپریل 2016) گزشتہ سال اکتوبر میں اور گزشتہ روز یعنی 10 اپریل ک بروز و اتوار کوآنے والے زلزلےنے پہاڑوں کو ریزہ ریزہ کرکے رکھ دیا ہے۔ جس کے دور رس اثرات ہونگے۔ پیر کے روز چترال، عشیرت میں زلزلے سے متاثرہ پہاڑی تودہ گرنے سے خاتون اور اس کی بیٹی زد میں آکر جان بحق ہوگئیں۔ خاتون کا نام امتیاز محل اور متوفی وسیم نامی شخص کی اہلیہ ہے۔ پہاڑی تودہ گرتے وقت متوفی قریب موجود تھی مگر بچ نکلنے میں ناکام رہی ، پہاڑی تودہ ان کے اوپر آگرا، جس سے ماں بیٹی ملبے تلے دب گئیں، مقامی لوگوں نے بعد ازاں دونوں کی لاشیں نکال لیں۔خاتون کی عمر 35 برس اور بیٹی کی عمر 16 سال تھی۔ 

زلزلے سے اب تک چترال کے اندر 3 افراد جان بحق ہوچکے ہیں۔ اور چترال کے مختلف دیہات کو ملانے والی اہم سڑکیں سنگ باری کی وجہ سے بند ہوگئی تھیں جنہں بعد ازاں پتھر ہٹا کر کھول دیا گیا۔ زلزلے سے چترال بونی، چترال گرم چشمہ اور کیلاش روڈ زیادہ متاثر ہوئے تھے۔ مسلسل آنے والے زلزلوں اور قدرتی آفات سے لوگ بہت زیادہ خوف زدہ نظر آتے ہیں کہیں ایسا نہ ہو کہ رات کو زلزلے آئے اور مسلسل زلزلوں سے متاثر گھر گر نہ جائیں۔ 


کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں

Recent Posts Widget