29 جولائی، 2016

چترال گرم چشمہ روڈ کی بلیک ٹاپنگ کاافتتاح، پیپلزپارٹی نے ہمیشہ عوام کی خدمت کے لئے سیاست کی ہے: ایم پی اے سلیم خان

 

چترال (نذیرحسین شاہ نذیر: ٹائمز آف چترال ) چترال سے صوبائی اسمبلی کے رکن اور چیئرمین ڈیڈک سلیم خان نے بدھ کے روز چترال گرم چشمہ روڈ کی بلیک ٹاپنگ کاافتتاح کرتے ہوئے کہا کہ اس پراجیکٹ پر چارسال پہلے کام شروع ہوچکا تھا لیکن دودفعہ سیلاب آنے اورچترال میں اسفالٹ پلانٹ کی عدم دستیابی کی وجہ سے کام میں تاخیرہوئی ۔

انہوںنے کہاکہ اسفالٹ پلانٹ کی دستیابی کے بعد گرم چشمہ روڈ کی چودہ کلومیٹرکی بلیک ٹاپنگ کاکام ڈیڑھ ماہ کے اندر اندر مکمل ہوگا۔ انہوں نے کہا کہ یہ پراجیکٹ جاپان حکومت کے تعاون سے صوبائی حکومت نے شروع کیاہے جس پر32کروڑروپے کی لاگت آئے گی۔ انہوں نے متعلقہ کنسلٹنٹ نسپاک اورٹھیکہ دارمحمدارشاد کوسختی سے ہدایت کی کہ وہ کام کی رفتارکوتیزکرنے کے ساتھ ساتھ معیار کوبھی تسلی بخش کریں۔

انہوں نے کہاکہ چترال گرم چشمہ روڈ چترال سے تاجکستان تک صرف 205 کلومیٹرہے سابق صدراصف علی زرداری نے اس کوتاجکستان تک تعمیرکرنے کا پلان بنایا تھا ۔ چترال گرام چشمہ تاجکستان روڈ مکمل تعمیر ہوجائے توچترال بھی ترقی کے راہ میں گامزان ہوگا یہاں بے روزگاری بھی ختم ہوجائے گا۔

اس روڈ کے بننے سے چترال میں ایک بڑی تبدیلی آئے گی۔ ایم پی اے سلیم خان نے کہاکہ پیپلزپارٹی نے ہمیشہ عوام کی خدمت کے لئے سیاست کی ہے۔ انہوں نے کہا کہ الیکشن کے وقت پاکستان تحریک انصاف نے عوام کو سہانے خواب تو بڑے دکھائے لیکن حکومت سنبھالتے ہی ان غریب عوام کو یکسر نظراندازکردیا گیا ہے حکومت نے عوام کو اندھیروں میں رکھا ہواہے۔ 
انہوں نے پی ٹی آئی حکومت پرتنقید کرتے ہوئے کہاکہ اقتدار حاصل کرکے بعد میں عوام کو ہی تنگ کرتی ہے ترجیحی بنیادوں پر غریب عوام کے بنیادی مسائل کو حل  کرنا ان کے ایجینڈے میں شامل ہی نہیں ہے۔ سلیم خان نے نوجوان طبقے پر زور دیا کہ وہ فنی تعلیم کی طرف توجہ دیں اور چینی زبان سمیت دوسری غیر ملکی زبانیں سیکھنے کا اہتمام کریں تاکہ وہ آسانی سے باروزگار ہوسکیں۔ انہوں نے 132میگاواٹ پیدواری گنجائش کے حامل شوغورسین ہائیڈروپاﺅر پراجیکٹ پر بھی جلد کام شروع کرنے کی خوشخبری سناتے ہوئے کہا کہ وہ مختلف اداروں سے را بطہ کرکے فنڈ کے حصول کے لئے تگ ودو کررہے ہیں بہت جلد کامیابی ہونگے۔ اس موقع پر سلطان ولی سین لشٹ، قاضی فیصل، ویلج چیئرمین سین لشٹ، صدرعبدالولی خان کمپیس چترال ذیشان نصیراوردیگرمقریرین نے ایم پی اے سیلم خان کی خدمات کوسراہا۔

کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

مشہور اشاعتیں

تازہ ترین خبریں

Recent Posts Widget