8 مئی، 2017

چترال کے دو مختلف مقامات پر موٹر سائیکل حادثات میں 2 افراد جان کی بازی ہار گئے

 

چترال (نمائندہ ٹائمز آف چترال ) چترال کے دو الگ الگ مقامات پر موٹر سائیکل حادثات میں 2 افراد جان بحق ہوگئے ہیں۔ تصیلات کے مطابق پہلا واقعہ چترال دنین میں پیش آیا ہے۔ جہاں منظور احمد ولد وزیر احمد نامی نوجوان تیز رفتاری وجہ سے بائیک پر قابو نہ رکھ سکا اور حاڈثے کا شکار ہوگیا۔ متوفی کا تعلق چترال کے شیاقو ڈوک دنین سے تھا، جس کی نماز جنازہ آبائی علاقے میں ادا کردی گئی۔

دوسرے واقعے میں بونی کے قریب جونالی کوچ کے مقام پر تیز رفتار موٹر سائیکل سوار نے ایک راہ گیر کو ٹکر ماردی۔  حادثے کا شکار ہونے والے شخص کا نام زین العابدین اور تعلق تریچ سے تھا۔ ٹکر مارنے سے زین شدید زخمی ہوا جسے فوری طور بونی ہسپتال لے جایا گیا جہاں وہ زخموں کی تاب نہ لاتے ہوئے جان بحق ہوگئے۔ متوفی چترال سے آبائی گاؤوں جارہا تھا۔ جنال کوچ میں گاڑی سے اتر کر روڈ عبور کررہا تھا کہ تیز رفتار موٹر سائیکل آئی اور ٹکر ماردی۔ موٹر سائیکل سوار محمد اعجاز ولد بلبل محمد خان کا تعلق بونی سے ہے، پولیس نے انہیں گرفتار کرکے دفعہ 320 کے تحت مقدمہ درج کرلیا ہے۔ موٹر سائیکل سوارخود بھی معمولی زخمی ہے۔


کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں

Recent Posts Widget