5 مئی، 2017

سیلفی اور گروپ سیلفی کا بڑھتا ہوا رجحان: اوپو نے پاکستان میں سیلفی ایکسپرٹ فون اوپو ایف 3 متعارف کردیا

 

سیلفی اور گروپ سیلفی کا بڑھتا ہوا رجحان: اوپو نے پاکستان میں سیلفی ایکسپرٹ فون اوپو ایف 3 متعارف کردیا



لاہور:  دنیا میں اسمارٹ فون کی جدت پر کام کرنے والے صف اول کے ٹیکنالوجی ادارے اوپو نے سیلفی ایکسپرٹ ایف تھری (F3)کے نام سے درمیانی رینج کا ایک اور جدید ترین اسمارٹ فون متعارف کرانے کا اعلان کیا ہے۔ اس کی قیمت 34 ہزار 899 روپے ہوگی۔ اوپو کے حال ہی میں ایف تھری پلس (F3 Plus)اسمارٹ فون کے متعارف ہونے کے بعد یہ نیا اسمارٹ فون بھی ڈوئل سیلفی ایکسپرٹ اسمارٹ فون ہے جس میں سیلفی جنریشن کا خاص خیال رکھا گیا ہے۔




F3 اسمارٹ فون ڈوئل سیلفی کیمرا ہے جس میں 16 میگا پکسل کا ایک سیلفی کیمرا اپنی انفرادی سیلفیز لینے کے لئے ہے جبکہ دوسرا وائیڈ اینگل لینس گروپ سیلفی لینے کے لئے ہے۔ 

F3 اسمارٹ فون کی ملک گیر سطح پر فروخت کا آغاز 13 مئی سے ہوگا جبکہ پری آرڈرز پانچ مئی سے 12 مئی تک جاری رہے گا۔ اوپو پری آرڈر انٹریز کے ذریعے قرعہ اندازی بھی کرے گی جس میں جیتنے والے آٹھ افراد کو لندن میں منعقد ہونے والی آئی سی سی چیمپینز ٹرافی کا لائیو فائنل دیکھنے کا موقع ملے گا۔ 

اوپو پاکستان کے سی ای او جارج لونگ نے بتایا، "اوپو کی طرف سے ہمارے صارفین ہمیشہ سے پہلی ترجیح رہے ہیں اور جدید ترین ٹیکنالوجی کے ساتھ اپنی جدت انگیز مصنوعات کے ذریعے ہم نے وعدہ کیا کہ ان کی ضرورت پوری کرکے انہیں فراہم کریں گے۔ اپنے صارفین کے تعاون اور فیڈ بیک کی مدد سے ہمیں یہ موقع ملتا ہے کہ ایسا فون فراہم کرکے اس وعدے کی تکمیل کریں جس میں ڈوئل سیلفی کیمرے کی بدولت اہم چیزوں کو محفوظ کرکے انہیں آپ کی یادوں کا حصہ بنادے۔ ڈوئل سیلفی کیمرا اسمارٹ فون F3کے آغاز کے ساتھ ہمارا ویژن ہے کہ گروپ سیلفی کا نیا رجحان متعارف کرائیں اور سیلفی ایکسپرٹ کے طور پر اپنی پوزیشن کو مزید مستحکم بنائیں۔" 

ڈوئل سیلفی کیمرا۔ ایک سیلفی کے لئے، دوسرا گروپ سیلفی کے لئے 
دو گنا منظر کشی کرنے والے گروپ سیلفی کیمرے میں ایک کیمرا اپنی سیلفی کے لئے ہے، دوسرا گروپ سیلفی کے لئے ہے۔ اس کی بدولت وسیع منظر کشی ہوتی ہے اور عام سیلفی کیمرے کے مقابلے میں دو گنا بڑا منظر پیش کرتا ہے۔ اس میں P6لینس اعلیٰ معیار کا پیشہ ورانہ امیج کوالٹی برقرار رکھتا ہے جو بہترین گروپ سیلفیز کھینچنے کو یقینی بناتا ہے۔ 

اپنی الگ سے سیلفی لینے کے لئے دوسرے فرنٹ کیمرے کو تبدیل کرلیں جس میں 16 میگا پکسل ریزولوشن، 1/3 انچ سینسر اور بڑے ایف/2.0 اپرچر استعمال ہوتا ہے۔ یہ ہائی ڈائنامک رینج، روشن گہرائی اور کم سے کم شور کی خصوصیات سے مزین ہیں۔ تیز روشنی والے بیک گراو ¿نڈ میں سیلفی کو خراب نہیں ہوتی بلکہ مجموعی طور پر زیادہ حقیقی لگتی ہے۔ کم روشنی والے مقامات یا رات میں تصویر کھینچنے پر ارد گرد کا شور بھی نمایاں طور پر کم ہوجاتا ہے جس سے سیلفی مزید روشن اور واضح ہوجاتی ہے۔ 

اسمارٹ فیشل ریکوگنیشن فیچر کے ساتھ F3اسمارٹ فون اس وقت گروپ سیلفی کا خود ہی آپشن دیتا ہے جب فریم میں تین سے زائد افراد ہوں۔ کوئی بھی شخص ایک ہاتھ سے سیلفی لینے کے دوران کسی رکاوٹ کے بغیر آسانی سے گروپ سیلفی لے سکتا ہے 

اوپو کا F3اسمارٹ فون 13 میگا پکسل کیمرے سے لیس ہے جس میں 1/3 انچ کا سینسر ہے۔ یہ روشنی کی حساسیت کو بہت زیادہ بڑھا سکتا ہے جس کی بدولت رات کے اوقات میں اسکی حیران کارکردگی دیکھنے کو ملتی ہے۔ اس میں PDAFٹیکنالوجی شوٹنگ کی شاندار سہولت فراہم کرتی ہے۔ شوٹنگ میں حرکت کرتی ہوئی چیزوں کو بھی F3اسمارٹ فون کسی دھندلاہٹ کے بغیر فوکس کرلیتا ہے، یوں اب اہم مواقع پر بہترین تصاویر کھینچنا کبھی بھی مشکل کام نہیں رہا ہے۔ 

اوپو میں بیوٹیفکیشن ایڈیٹنگ سوفٹ ویئر بیوٹیفائی 4.0 دونوں سیلفی کیمرے اور بیک کیمرے کے لئے دستیاب ہے۔ یہ اپنے صارفین کو مختلف بیوٹیفکیشن موڈز کے انتخاب کی سہولت فراہم کرتا ہے جس کی بدولت تصاویر میں مطلوبہ ایفکٹس آسکیں۔ 

اس میں دیگر دلچسپ فیچرز بھی ہیں جس کی بدولت سیلفی کا استعمال بڑھ جاتا ہے۔ جیسے پام شٹر فیچر کی بدولت جب آپ کیمرے کے سامنے ہاتھ لہراتے ہیں تو خودکار سیلفی کاو ¿نٹ ڈاؤن کو ایکٹو کرکے ہلتی ہوئی تصویر لی جاسکتی ہے۔ 

آپ کی مکمل ضروریات پوری کرنے کے لئے فعال 

F3اسمارٹ فون میں آکٹا کور پروسیسر ہے جس میں 4 جی بی ریم اور 64 جی روم ہے اور یہ کلر او ایس 3.0 سے چلتا ہے۔ جو روانی کے ساتھ بہترین کارکردگی یقینی بناتا ہے۔ اس کی تین سلاٹ کارڈ کی ٹرے میں دو نینو سم کارڈز اور ایک مائیکرو ایس ڈی کارڈ بیک وقت استعمال کئے جاسکتے ہیں۔ 

F3 اسمارٹ فون میں 3200 ایم اے ایچ کی بیٹری ہے جو زیادہ دیر تک کارآمد رہتی ہے۔ آزمائش کے دوران 15 گھنٹے سے زائد وقت تک اسکی بیٹری کارآمد رہی۔ اس کا مطلب ہے کہ اب اپنا بھاری پاور بینک رکھنے کی ضرورت نہیں یا دوران سفر چارجر ڈھونڈھنے کی ضرورت نہیں پڑتی۔ 

پرائیویسی کی حفاظت اور سیکورٹی اوپو کی اولین ترجیح ہے۔ F3اسمارٹ فون میں جدید مستحکم فنگر پرنٹ ریڈر ہے تاکہ ڈیوائس کو آسانی سے ان لاک کیا جاسکے۔ اس میں ہائیڈروفوبک میمبرین کے ساتھ فنگرپرنٹ ریڈر میں زیادہ کامیابی کا تناسب ہوتا ہے یہاں تک کہ انگلی میں نمی بھی ہو۔

حیران کن ڈیزائن، خوبصورتی اور مہارت کا شاہکار

اپنے ہلکے وزن ، پتلی باڈی اور 5.5 انچ کے ساتھ F3اسمارٹ فون پکڑنے والے کے لئے گرفت بہترین ہے۔ اس کا چمکدار دھاتی بیک پینل ہموار ٹیکسچر دھول کو روکتا ہے اور جب اسے ہاتھ میں لیں تو الگ ہی مزہ آتا ہے ۔ F3اسمارٹ فون دیکھنے میں خوبصورت اور باوقار نظر آتا ہے۔ ان سیل ٹیکنالوجی کے ساتھ F3کا ایف ایچ ڈی کا ان سیل ڈسپلے عام اسکرین کی موٹائی کے مقابلے میں ¼ کم ہوتا ہے جس کی بدولت مجموعی تصویر میں روشنی اور رنگوں کی بلند شرح ہوتی ہے اور یوں قابل ذکر طور پر سورج کی روشنی میں بھی تصویر زیادہ روشن اور واضح ہوگی۔ 

اہم خصوصیات:
  • سکرین سائز 5.5 انچ
  • مکمل ایچ ڈی اسکرین
  • ریئر کیمرا 13 ایم پی، ڈوول پی ڈی اے ایف
  • فرنٹ کیمرا 16 ایم پی، فرنٹ کیمرا وائیڈ اینگل 8 ایم پی
  • آپریٹنگ سسٹم: کلر او ایس 3.0
  • پروسیسر 1.5 جی ایچ زیڈ، ریم 4 جی بی، انٹرنل اسٹوریج 64 جی بی، ایس ڈی سپورٹ اپ ٹو 128 جی بی
  • ڈول سم

قیمت : 34000 پاکستانی روپے


کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں

Recent Posts Widget