13 جولائی، 2017

’چائے والا ‘سے مشہور ہونے والا ارشد خان کی اصلیت سامنے آ گئی، پاکستانی شہری نہیں بلکہ ….

 



اسلام آباد(ٹائمز آف چترال ۔ مانیٹرنگ ڈیسک) سوشل میڈیا اور پاکستانی میڈیا کی جانب سے راتوں رات ہیرو بنائے جانے والے چائے والا ، یعنی ارشد خان دراصل پاکستانی ہی نہیں ۔ اس کے پاس نہ تو پاکستانی کوئی شناخت نامہ ہے اور نہ کسی اور ملک کا۔ اور نہ ہی پاکستان میں رہنے کے لئے کوئی اجازت نامہ ۔ یہ بات آج جب میڈیا پر آئی تو سارے ادارے جاگ اٹھے۔ قانون نافذ کرنے والے اداروں کے لئے یہ بات باعث شرم بھی کہ آج تک اس لڑکے کے بارے میں ان کو علم نہ ہوا وہ بھی اس وقت جب ارشد بہت زیادہ مشہور ہوا۔ اسلام آباد کے اتوار بازار میں چائے بنانے والے ارشدکو پاکستانی میڈیا اور سوشل میڈیا نے راتوں رات شہرت کی ان بلندیوں تک پہنچادیا تھا کہ ارشد کو جگہ جگہ سے ماڈلنگ اور اشتہارات کی پیشکشین آنے لگیں۔ یہانتک کہ انہیں فلموں کی بھی آفر ہوئیں۔ اب معلوم ہوا ہے کہ ارشد خان پاکستانی نہیں بلکہ افغان شہری نکلا۔ اور ایسے افغان شہری کہ جس کے پاس پاکستان میں رہنے کے لئے کوئی اجازت نامہ بھی نہیں ، غیر قانونی طریقے سے پاکستان میں سالوں سے مقیم ہے۔

تفصیلات کے مطابق نجی ٹی وی چینل نے اپنی رپورٹ میں کہا ہے کہ نادرا کے ریکارڈ کے مطابق ارشد خان پاکستانی شہری نہیں بلکہ افغان شہری ہے ۔ نادرا میں ارشد خان کا افغان شہری کے طور پر اندراج ہے تاہم ارشد خان کے پاس افغان مہاجر کارڈ بھی نہیں۔ واضح رہے کہ اسلام آباد میں چائے بنانے والے ایک نوجوان کی تصویر سوشل میڈیا پر وائرل ہوئی تھی۔ اس چائے والے کی تصویر نے دھوم مچادی اور بھارتی خواتین میں اس نوجوان نے بے پناہ مقبولیت حاصل ہوئی۔بھارتی لڑکیوں نےنوجوان کو دنیا کا حسین ترین مرد قرار دیدیا تھا اوربہت سے لوگ تصویر کی خوبصورتی کی تعریف کرتے نظر آ رہے ہیں۔ چائے فروش مردان کا 18 سالہ ارشد خان ہے جو وفاقی دارالحکومت اسلام آباد کے علاقے پشاور موڑ بازار میں چائے کی دکان چلاتا تھا۔ارشد خان پر قسمت کی دیوی اس وقت مہربان ہوئی تھی جب اسلام آباد کے ایک اتوار بازار میں چائے بیچتے ہوئے بنائی گئی ان کی تصویر سوشل میڈیا پروائرل ہوئی اور یوں ’چائے والا‘ کی شہرت ملک کی سرحدوں سے نکل کر پورے جہاں میں پھیل گئی اور چائے والا سوشل میڈیا ویب سائٹس کا ٹاپ ٹرینڈ بن گیا۔

اب انہیں کوئی ’چائے والا‘ کہہ کر پکارے تو یہ فخر محسوس کرتے ہیں ۔ پاکستان کے میڈیا اور سوشل میڈیا نے انہیں بہت جلد وہ شہرت دلا دی ہے جس کی لوگ تمنا کرتے اور اسی حسرت میں زندگی گزار دیتے ہیں ۔ارشد خان کو ان کی خوب صورتی کی بدولت ماڈلنگ کرنے کی کئی پیشکشیں موصول ہوئیں اور ان میں سے کچھ کو انہوں نے قبول بھی کرلیا۔اس کے ساتھ ہی انہوں نے لاہور میں ہونے والے برائیڈل شو میں بھی ریمپ پر واک کی اور دیکھنے والوں کو حیرت میں ڈال دیا۔

کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

مشہور اشاعتیں

تازہ ترین خبریں

Recent Posts Widget