ستمبر 26, 2017

جوبلی انشورنس کمپنی دبئی میں ہونے والے پاکستان، سری لنکا کرکٹ سیریز کو اسپانسر کررہی ہے


کراچی (پریس ریلیز) پاکستان میں نجی شعبے کی سرفہرست لائف انشورنس کمپنی جوبلی لائف نے رواں ماہ متحدہ عرب امارات میں منعقد ہونے والی پاکستان اور سری لنکا کے درمیان کرکٹ سیریز کے لئے پاکستان کرکٹ بورڈ (پی سی بی) کے ساتھ کو اسپانسر زکے معاہدے پر رضامند ی ظاہر کردی ہے۔ 

دونوں ایشیائی ٹیمیں اس ٹور میں دلچسپ پرفارمنس کا مظاہرہ کرنے کے لئے بے تاب ہیں۔ اس ٹور میں 3 ٹیسٹ میچز، 5 ایک روزہ میچز اور تین ٹوئنٹی 20 انٹرنیشنل میچز شامل ہیں۔ پہلا ٹیسٹ میچ ابوظہبی کے شیخ زید اسٹیڈیم میں 28 ستمبر کو شروع ہوگا۔ 

اس بات کا اعلان لاہور میں پی سی بی کی جانب سے پریس کانفرنس میں کیا گیا۔ اس پریس کانفرنس میں پی سی بی کے چیف سیلیکٹر انضمام الحق اور پی سی بی کے ڈائریکٹر میڈیا، کورآڈی نیشن اینڈ امپلی منٹیشن امجد حسین کے ہمراہ جوبلی لائف کے چیف منیجر مارکیٹنگ سید عثمان قیصر بھی موجود تھے۔ 

سید عثمان قیصر نے بتایا، "اس ٹور کے لئے کو اسپانسرزکے طور پر معاہدہ اس بات کا ثبوت ہے کہ جوبلی لائف پاکستان میں کھیلوں کے فروغ کے فلسفے کو آگے بڑھانے کے لئے کوشاں ہے۔ حال ہی میں ورلڈ الیون سیریز کی تکمیل کے بعد ملک میں کرکٹ کے لئے دلچسپ ماحول نظر آرہا ہے۔ بطور کواسپانسرز ہماری خواہش ہے کہ پاکستان میں کرکٹ کے لئے پورا تعاون فراہم کریں ،امید ہے کہ کرکٹ کی بحال کا یہ عمل جاری رہے گا اور ہم منفرد سنگ میل عبور کرتے رہیں گے۔" 

جوبلی لائف پاکستان میں کھیلوں کے فروغ کے لئے طویل عرصے سے کوشاں ہے ۔ وہ پاکستان سپرلیگ (پی ایس ایل) کے گزشتہ سیزن میں کوئٹہ گلیڈی ایٹرز کا مرکزی اسپانسر تھا۔ کرکٹ کے علاوہ جوبلی لائف نے پاکستان میں دیگر کھیلوں کے لئے بھی اپنی خدمات پیش کی ہیں جن میں اسنوکر اور گالف شامل ہیں۔ یہ پہلا موقع ہوگا جب جوبلی لائف کسی بین الاقوامی دورے کے لئے پاکستان کرکٹ بورڈ کے ساتھ اسپانسر بنا ہے۔ 

پاکستان کرکٹ بورڈ کے ترجمان نے بتایا، "اس دورے کے لئے کواسپانسرز کے طور پر جوبلی لائف کا ساتھ ہمارے لئے خوش آئند ہے۔ یہ دیکھنا انتہائی باعث مسرت ہے کہ مقامی کاروباری ادارے آگے بڑھ رہے ہیں اور پاکستان میں کرکٹ کے فروغ کے لئے اپنا مالی تعاون بڑھا رہے ہیں۔ ہم ملک میں کرکٹ کی بحالی کے راستے پر گامزن ہیں اور جوبلی لائف جیسے اداروں کے تعاون کی وجہ سے ان اہداف کے حصول میں بھرپور کامیابی حاصل ہوگی۔ ہم امید کرتے ہیں کہ پاکستانی ٹیم کا دورہ کامیاب ہو ۔" 

جوبلی انشورنس آغا خان فنڈ فار اکنامک ڈیولپمنٹ (AKFED) کا عالمی برانڈ ہے جو زندگی، صحت اور جنرل کے شعبوں میں انشورنس کے منفرد منصوبے پیش کرتا ہے ۔جوبلی لائف بینک اشورنس کی فراہمی کا آغاز کرنے والا اولین ادارہ ہے اور پاکستان میں نجی شعبے کی لائف انشورنس کمپنیوں میں سب سے نمایاں ہے۔ گزشتہ پانچ سالوں کے دوران 38 فیصد اوسط ترقی کے ساتھ جوبلی لائف اسٹاک ایکسچینج میں سب سے زیادہ منافع بخش اور سب سے اہم لائف انشورنس کمپنی ہے۔ 


کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں

Recent Posts Widget