17 اکتوبر، 2017

گزشتہ دنوں پاک فوج کے کیپٹن سمیت 4 جوان شہید ، جبکہ 3 زخمی ہوئے

 


راولپنڈی (ویب ڈیسک) گزشتہ دنوں کرم ایجنسی میں بارودی مواد کے دھماکے کے نتیجے میں کیپٹن سمیت 4 سیکیورٹی اہلکار شہید اور 3 زخمی ہوگئے۔  پاک فوج کے شعبہ تعلقات عامہ ISPR  کے مطابق کرم ایجنسی کے سرحدی علاقے خرلاچی میں سرچ آپریشن کے دوران پہلے سے نصب بارودی مواد کے پھٹنے سے فوجی افسر سمیت 4 اہلکار شہید اور تین زخمی ہوگئے۔ شہید اور زخمی ہونے والے اہلکار کرم ایجنسی سے غیر ملکیوں کی بازیابی کے بعد وہاں اغوا کاروں کی تلاش کرنے والی سرچ آپریشن ٹیم کا حصہ تھے۔ 

آئی ایس پی آر کی جانب سے جاری کردی تفصیلات کے مطابق شہید فوجی جوانوں میں کیپٹن حسنین، سپاہی سعید باز، سپاہی قادر اور سپاہی جمعہ خان جب کہ زخمیوں میں نائیک انور ، سپاہی ظاہر اور لانس نائیک شیر افضل شامل ہیں۔ 

بارودی دھماکے میں شہید ہونے والے فوجی جوانوں کی نماز جنازہ ایف سی گراؤنڈ میں ادا کی گئی جس کے بعد میتیں ان کے آبائی علاقوں کو روانہ کردی گئی ہیں۔ شہدا کی نماز جنازہ میں کور کمانڈر پشاور نذیر احمد بٹ، جی او سی میجر جنرل اطہر عباسی، بریگیڈئیر علیم اختر، پولیٹیکل ایجنٹ بصیر خان اور سول انتظامیہ کے افسران نے شرکت کی۔ 



کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں

Recent Posts Widget