19 اکتوبر، 2017

بابر سلطان، چترال سے تعلق رکھنے والا پہلا نیوز اینکر

بابر سلطان،  چترال سے تعلق رکھنے والا پہلا نیوز اینکر


چترال (رپورٹ : ابوالحسنین)  یوں ہر میدان میں چترالی نوجوان اپنا لوہا منوا چکے ہیں۔ 2015 کی ایک رپورٹ کے مطابق چترال تعلیم کی درجہ بندی میں پاکستان  کے تمام اضلاع میں 30 ویں نمبر پر رہا اور اس کا تعلیمی سکور 76.6 رہا۔  جو  کہ 2016 میں کم ہوکر 71.10 اور رینکنگ میں نمبر 47 پر آگیا۔  اور انرولمنٹ سکور 76.41 رہا۔  یوں  گوناں مسائل اور  سخت موسم کے باجود یہ سکور کم نہیں  لیکن اس میں امپرومنٹ کی گنجائش موجود ہے۔ 

چترالی ہر شعبہ ہائے زندگی میں آپ کو ملیں گے۔ ایسے ہی قابل سپوتوں میں ایک بابر سلطان ہیں جو ایک ابھرتا ہوں نیوز اینکر ہیں اور روز ٹیلی ویژن سے اپنے صحافتی کیریئر کا  آغاز نیوز اینکر کے طور پر کرچکے ہیں۔  بابر نمل یونیورسٹی اسلام آباد سے میڈیا اور ماس کمیونیکیشن میں  ماسٹرز کررہے ہیں۔  بابر کو بچپن سے نیوز اینکر بننے کا شوق تھا  ۔ اس سے قبل  وہ پاکستان نیشنل کونسل آف آرٹس سے  بھی منسلک رہے ہیں۔ بابر  اپنی تعلیم مکمل کرنے کے بعد ایکٹر کے طور پر بھی کام کرنا چاہتے ہیں۔  آٹھ سال کی عمر سے وہ  ریڈیو پاکستان پشاور میں  چترالی ، پشتوں   اور اردو کے پروگراموں میں جونیئر آرٹسٹ کے طورپر کام پرفارم کرچکے ہیں۔ 

بابر کو ایکٹر بننے کا شوق ہے اپنے اس شوق کو پورا کرنے کے لئے پہلے نیوز کاسٹر (اینکر) بننے کا فیصلہ کیا۔ کیونکہ ایکٹر کو بھی الفاظ ،مواقع اور  حالات کے مطابق  اپنا ایکسپریشن دینا پڑتا ہے جو کہ آگے چل کر ایکٹر بننے میں ان کی مدد کرسکتا ہے۔  اس مقصد  کو پورا کرنے کے لئے یعنی نیوز اینکر بننے کے لئے بابر نے گھر میں پریکٹس کرنی شروع کی۔ اپنی اردو  درست کرنے کے لئے  مسلسل مشق کئے۔ 7 سے 8 ماہ تک اپنی  ریڈنگ سکل، اردو اور ایکسپریشنز کے لئے کام کیا۔  2016 میں نمل یونیورسٹی میں میڈیا  اینڈ ماس کمیونیکیشن میں داخلہ لیا اور نمل ریڈیو میں خبریں پڑھنا شروع کیں۔ استاتذہ کی ہدایات پر  پی ٹی  وی  نیوز میں انٹرنشپ لیا  ، جہاں انہوں نے  مایہ ناز نیوز کاسٹر زبیر احمد صدیقی سے  نیوز کاسٹنگ سیکھ لی۔  اپریل 2017 میں بابر نے روز ٹیلی ویژن کو آڈیشن دیا، اور یہاں ان کی محنت رنگ لے آئی اور روز ٹی وی  نے انہیں نیوز کاسٹر کے طور پر ہائر کر لیا۔  اور یوں بابر پاکستان کے عمر ترین نیوز کاسٹر کے طور پر پاکستان کے قومی چینل سے وابستہ ہوگئے۔ بابر سلطان کی عمر ابھی 20 سے ہے۔ ہم  ان کی کامیابی کے لئے دعاگو ہیں۔ 

بابر سلطان کی ویڈیوز ملاحظہ کریں:  

کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں

Recent Posts Widget