17 اکتوبر، 2017

چترال کے مسافر اڈوں میں سہولیات کا فقدان ۔ ڈپٹی کمشنر چترال ارشاد سودھر کا دورہ سہولیات فراہم کرنے کی ہدایت

 



چترال (نیوز ڈیسک :ٹائمز آف چترال) ٹائمز آف چترال نے گزشتہ دنوں اڈوں کے حوالے سے ایک خبر شائع کی تھی کہ چترال کے اڈوں دیگر سہولیات کے ساتھ واش روم کی سہولت بھی میسر نہیں ہے۔  شاید اسی خبر کا ٹوٹس لیتے ہوئے...

نئے تعینات ہونے والے ڈپٹی کمشنر چترال ارشاد سودھر بروزاتوار اتالیق بازارکے قریب اَڈے کا معائنہ کرنے پہنچ گئے۔ اَڈے کے اندرانتظارگاہ اورواش روم کامعائنہ کرکے اَڈہ اہلکاروں سختی سے ہدایات کردیں کہ ائندہ صفائی کامکمل خیال رکھا جائے تاکہ  مسافروں کو کسی قسم کی تکلیف نہ پہنچنے پائے ۔

اس موقع پر انہوں نے کہا کہ  ہم ’’صفائی نصف ایمان‘‘ کا زبان سے اقرار کرتے ہیں لیکن بدقسمتی سے عمل نہیں کرتے۔ معاشرے میں ہمارا رویہ اس کے بالکل الٹ ہے۔ ہم اپنا کوڑا کرکٹ گلیوں میں ڈال کرگندگی کا ڈھیر لگا دیتے ہیں۔ راہ چلتے بازاروں میں کھاتے پیتے ہوئے لفافے اور شاپنگ بیگ جگہ جگہ  پھینک دیتے ہیں ۔  ہمارے بچے ہمارے اس عمل کی تقلید کرتے ہیں اور یہی طرزِ عمل اپنا لیتے ہیں۔ 

ڈپٹی کمشنر  چترال نے اڈہ مالکان اور ٹرانسپورٹرز کو مسافروں کوہرقسم کی سہولیات دینے کی سختی سے ہدایت کی۔ اس موقع پر ڈی پی اوچترال سیدعلی اکبرشاہ، اسسٹنٹ کمشنر چترال عبدالاکرم ، ڈی ایم او چترال قادرناصراوردیگراہلکارڈپٹی کمشنر کے ہمراہ تھے۔


کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں

Recent Posts Widget