اکتوبر 9, 2017

چترال ڈی ایچ کیو ہسپتال کی ایمبولینس کچرا منتقلی کے لئے استعمال ہورہی ہے، نئے ڈی سی نے بڑا ایکشن لیا

 

چترال ( نمائندہ ٹائمز آف چترال) چترال کے ڈی ایچ کیو ہسپتال کی ایمبولینس کو مریضوں کی منتقلی کے بجائے کچرا منتقلی کے لئے استعمال ہورہی ہے۔ جس کی ایک ویڈیو سوشل میڈیا پر وائرل ہوتے ہی نئے ڈی سی چترال ارشاد سدھیر نے ہسپتال کے میڈیکل سپرینٹنڈنٹ کو ہدایت کی ہے کہ فوری طور پر واقعے میں ملوث افسران اور عملے کو معطل کردے۔


معاملے کی چھان بین کے لئے ایک فیکٹ فائنڈنگ کمیٹی بھی تشکیل دے دی گئی ہے اور اسے 2 دن میں رپورٹ دینے کی ہدایت کی گئی ہے۔ ڈی سی نے کہا کہ  ایم ایس کو ہسپتال کے سرکاری املاک کا ذمہ دار ہوتا ہے اور اسے ایسے معاملات کی سنجیدگی سے نوٹس لینی چاہئے۔ ڈی سی نے کہا کہ سرکاری املاک کا اس قسم کا غیر ذمہ درانہ استعمال مزید برداشت نہیں کیا جائے گا اور ملوث افراد کے خلاف کاروائی ہوگی۔ ڈی سی کی وارننگ کے بعد ہسپتال کے ایم ایس نے ڈپٹی میڈیکل سپرنٹنڈنٹ ڈاکٹر اسرار الدین، ہجوم خان، ڈبلیو اینڈ سی انچارچ اور مراد خان کو معطل کردیا ہے۔


کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں

Recent Posts Widget