نومبر 17, 2017

ایل جی کی جدت انگیز مصنوعات سی ای ایس 2018 ایوارڈز کے لئے منتخب

 

سیول:  کنزیومر ٹیکنالوجی ایسوسی ایشن (سی ٹی اے) نے جدت انگیز ٹیکنالوجی اور ڈیزائن میں مہارت پر ایل جی الیکٹرانکس (ایل جی) کی مختلف مصنوعات کو سی ای ایس 2018 ایوارڈز کے لئے منتخب کیا ہے۔ اس تقریب کی رونمائی جنوری میں منعقد ہوگئی جس میں ایل جی کے اولیڈ ٹی وی اور ریفریجریٹرز کو مختلف اعزازات حاصل ہوں گے۔ 


یہ مسلسل چھٹا سال ہے جس میں ایل جی کے اولیڈ ٹی وی، ہوم ایپلائنسز اور بنیادی نوعیت کے اسمارٹ فونز سی ای ایس اننویشن ایوارڈز حاصل کریں گے۔ یہ ہوم ایپلائنس انڈسٹری میں ایل جی کی جدت انگیز مصنوعات کا باقاعدہ اعتراف ہے جن کی نمائش سال 2018کے اوائل میں منعقد ہونے والی سالانہ کنزیومر ٹیکنالوجی شو (سی ای ایس) میں کی جائے گی۔ اس تقریب میں ایل جی کو 12 واں سی ای ایس بیسٹ آف اننویشن ایوارڈ بھی ملے گا ۔ 

ایل جی نے سی ای ایس 2018 اننویشن ایوارڈز آٹھ کٹیگریوں میں حاصل کیا ہے جن میں ویڈیو ڈسپلے، ہوم ایپلائنسز، وائرلیس ہینڈ سیٹس، اسمارٹ ہوم، ڈیجیٹل ایمیجنگ، ہوم آڈیو اور ویڈیو کمپونینٹس، کمپیوٹر پیریفیرلز اور ایمبڈڈ ٹیکنالوجیز شامل ہیں۔ 

ایل جی کے سی ای ایس 2018 اننویشن ایوارڈ میں اسکے ڈور ان ڈور ریفریجریٹرز کے ساتھ اسمارٹ تھنک ٹیکنالوجی شامل ہے جبکہ ایل جی کے اولیڈ ٹی وی بہترین بلیکس، لامتناہی کنٹراسٹ، رنگوں کے وسیع انتخاب کے ساتھ انتہائی چوڑے زاویئے سے منظر کشی کرتے ہیں ۔ ایوارڈ جیتنے والی ایل جی کی دیگرمصنوعات میں نیا واشر اور ڈرائر، جدید ویڈیو پروجیکٹر، 4Kیو ایچ ڈی اسمارٹ ٹی وی اور دیگر مصنوعات شامل ہیں۔ 

سی ٹی اے کے اسپانسر کے تعاون اور انڈسٹریل ڈیزائنرز سوسائٹی آف امریکہ کے ثبات سے سی ای ایس اننویشن ایوارڈز ٹیکنالوجی ڈیزائن اور انجینئرنگ میں جدت کو سامنے لاتا ہے۔ یہ ایوارڈز مستند انڈسٹری ڈیزائنرز، انجینئرز اور جرنلسٹس کے پینل کی جانب سے منتخب معیار کے ساتھ ہر سال منتخب کئے جاتے ہیں جس میں استعمال کی اہمیت، خوبصورتی، جدت انگیز ڈیزائن، معیار اور بہتر طرز زندگی میں معاونت جیسے پہلو مدنظر رکھے جاتے ہیں۔ 

ایل جی کے سی ای ایس اننویشن ایوارڈز کی مکمل فہرست میں بیسٹ آف اننویشن ایوارڈ بھی شامل ہے جس کا اعلان امریکی ریاست نیواڈا کے شہر لاس ویگاس میں 8 جنوری 2018 کو ایل جی کی سی ای ایس کے اشتراک سے منعقدہ پریس کانفرنس میں کیا جائے گا۔ 




کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں

Recent Posts Widget