10 نومبر، 2017

بس کھائی میں گرنے سے تبلیغی جماعت کے 24 افراد جان بحق 66 زخمی ہوگئے

 

چکوال (ٹائمز آف چترال ویب ڈیسک)   صوبہ پنجاب کے ضلع چکوال کی تحصیل کلر کہار میں تبلیغی جماعت کی بس کھائی میں گرنے سے 24 افراد جان بحق اور 66 سے زائد زخمی ہوگئے ہیں۔

تفصیلات  کے مطابق حادثہ تحصیل کلرکہار میں ڈھوک پٹھان کے قریب پیش آیا جہاں تیز رفتار مسافر بس بریک فیل ہونے کی وجہ پلُ سے نیچے کھائی میں جاگری جس کے نتیجے میں تبلیغی جماعت کے 24 افراد ہلاک موقع پر ہلاک اور 66 سے زائد زخمی ہوگئے۔

حادثے کی اطلاع ملتے ہی پولیس اور ریسکیو ٹیمیں جائے حادثہ پر پہنچ گئیں اور امدادی کارروائیاں کرتے ہوئے لاشوں اور زخمیوں کو مقامی اسپتال منتقل کردیا جب کہ زخمیوں میں سے 13 افراد کی حالت تشویشناک بتائی جارہی ہے جس کے سبب اموات میں اضافے کا خدشہ ہے۔

ریسکیو ذرائع کے مطابق کوہاٹ سے رائے ونڈ جانے والی بس کو ڈھوک پٹھان کے مقام کے قریب حادثہ پیش آیا، بس میں 80 سےزائد مسافر سوارتھے جو 150 فٹ گہری کھائی میں جا گری ۔  بس میں سوار تمام مسافروں کا تعلق تبلیغی جماعت سے تھا جو رائیونڈ اجتماع میں شرکت کے لیے جا رہے تھے۔


کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں

Recent Posts Widget