نومبر 21, 2017

بھارت خفنہ ایجنسی ’را‘ کی مدد سے سی پیک کو سبوتاژ کرنے کے لئے 50 کروڑ ڈالر کا سیل قائم کردیا ہے : جنرل زبیر

 

اسلام آباد (ویب ڈیسک) چیئرمین جوائنٹ چیف سٹاف کمیٹی کے چیئرمین جنرل زبیر محمود حیات نے انکشاف کیا ہے کہ ہے بھارتی خفیہ ایجنسی ‘‘ را’’ نے پاک چین معاشی راہداری کے منصوبہ کو سبوتاژ کرنے کیلئے 50 کروڑ ڈالر کی لاگت سے نیا سیل قائم کر رکھا ہے۔ 


پاکستان کے خلاف بھارت کی روایتی اور نیم روایتی جاری جنگ کسی بھی وقت بڑی جنگ میں بدل سکتی ہے۔ مسئلہ کشمیر ایٹمی جنگ کے خطرات کی وجہ بن سکتی ہے۔ بھارت سے بہتر تعلقات کا راستہ صرف کشمیر سے ہو کر گزرتا ہے۔

گزشتہ دنوں ایک مقامی تھنک ٹینک کے زیر اہتمام عالمی کانفرنس سے خطاب کرتے ہوئے کہا۔ مذکورہ کانفرنس سے سینیٹر سید مشاہد حسین، بھارت میں پاکستان کے سابق ہائی کمشنر عبدالباسط اور پاکستان مین جرمن ناظم الامور نے بھی خطاب کیا۔ 

جنرل زبیر محمود حیات نے کہا کہ بھارت آگ سے کھیل رہا ہے ، بلوچستان میں دہشت گردی کو ہوا دے رہا ہے۔ پاکستان کا پانی روک ر ہا، خون اور پانی ایک ساتھ نہیں بہہ سکتا ۔ بھارت خطے کے امن سے کھیل کر رہا ہے۔ بھارت نے گزشتہ ماہ فائر بندی کی خلاف ورزی کی، جس سے ایک ہزار پاکستانی شہری اور 300 فوجی جوان شہید ہوچکے ہیں۔ 

افغانستان میں دہشت گردوں کے ٹھکانے مسائل میں اضافہ کر رہے ہیں اور افغانستان میں مستقل عدم استحکام کی پاکستان بھاری قیمت چکا رہا ہے۔ گذشتہ 16 برس سے جاری دہشت گردی کے خلاف جنگ میں پاکستان نے بے پناہ قربانیاں دیں۔  جنوبی ایشیا کو موجودہ وقت میں مختلف چیلنجز کا سامنا ہے جس میں بھارت کی کولڈ اسٹارٹ ڈاکٹرائن، میزائل شکن دفاعی نظام شامل ہیں۔ بھارت سیکولر سے انتہاپسند ہندو ملک بن چکا، وہاں انتہاپسندی عروج کو پہنچ چکا ہے۔ 

پاکستان ایک ذمہ دار ریاست ہے مگر بھارت پر یہ واضح ہوجانا چاہئے کہ ہم اپنے دفاع سے ہر گز غافل نہیں ، افغانستان میں عدم استحکام خطے کیلئے نقصان دہ ہے، افغانستان میں کمزور گورننس اورمفاہمتی عمل میں عدم تسلسل مسائل کا بڑا سبب ہے۔ 


کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں

Recent Posts Widget