22 دسمبر، 2017

افغانستان سے ایک بار دہشتگردوں کا حملہ، فرنٹئر کور کے 3 اہلکار شہید

 

راولپنڈی (ٹائمزآف چترال: ویب ڈیسک) افغان دہشت گردوں کی فائرنگ سے فرنٹئر کور کے تین اہلکار شہید ہوگئے ہیں۔ تفصیلات کے مطابق افغانستان کی سرحد سے دہشت گردوں کی جانب سے پاکستانی علاقے پر فائرنگ کی گئی جس سے 3 ایف سی اہلکار شہید ہوگئے ہیں۔


آئی ایس پی آر کے مطابق اہلکار مہمند ایجنسی میں پاک افغان سرحدی علاقے شنکرائی میں نئی سرحدی چوکی کی تعمیر کے کام میں مصروف تھے کہ افغانستان سے دہشت گردوں نے ان پر فائرنگ کردی۔ جوابی فائرنگ میں 5 دہشت گردوں کو ہلاک کردیا جبکہ متعدد زخمی ہوگئے۔

آئی ایس پی آر کا مزید کہنا تھا کہ سرحد پار افغان فورسز کی صلاحیت میں کمی کی قیمت پاکستان چکا رہا ہے۔ یاد رہے کہ 12 دسمبر کو شمالی وزیرستان میں دہشت گردوں نے پاک فوج کی گاڑی پر حملہ کردیا تھا جس کے نتیجے میں سیکنڈ لیفٹیننٹ عبدالمعید سمیت 2 جوان شہید ہوگئے تھے۔



کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں