8 دسمبر، 2017

ہز ہائینس پرنس کریم آغاخان جمعرات کی شام پاکستان پہنچے، ایئر پورٹ پر شاندار استقبال، 9 دسمبر کو چترال تشریف لائیں گے

 


اسلام آباد (نمائندہ ٹائمز آف چترال) شیعہ امامی اسماعیلی مسلمانوں کے روحانی پیشوا ہزہائینس پرنس کریم آغا خان کل بروز جمعرات شام کو پاکستان کے 13 روزہ دورے پر اسلام آبا د پہنچے۔ ایئر پورٹ پر وزیرخارجہ خواجہ آصف دیگر وزراء کے ہمراہ معزز مہمان کا استقبال کیا۔ اس موقع پر بچوں نے پاکستان اور اسماعیلی پرچم لہرا کر مہمانِ خاص کو خوش آمدید کیا۔ ایک بچے نے پرنس کریم کو گلدستہ پیش کیا۔ اسلام آباد میں قیام کے دوران آپ  صدر ممنون حسین ، وزیر اعظم شاہد خاقان عباسی اور دیگر اعلی حکومتی شخصیات سے ملاقاتیں کریں گے ۔ اور 9 دسمبر کو چترال تشریف لے جائیں گے۔ پاکستان میں اپنے قیام کے دوران پرنس کریم آغاخان چترال، گلگت ،بلتستان کا بھی دورہ کریں گے اور بعد میں کراچی بھی جائیں گے۔


پرنس کریم آغا خان وزیر اعظم شاہد خاقان عباسی کی دعوت پر اسلام آباد پہنچ گئے ہیں، وہ 19 دسمبر کو واپس فرانس روانہ ہو جائیں گے۔ پاکستان میں قیام کے دوران پرنس کریم آغا خان کراچی میں آغا خان ہیلتھ اینڈ سائنس یونیورسٹی کے کانووکیشن میں شرکت کرینگے، جہاں طلباء و طالبات میں اسناد تقسیم کرینگے۔

یہ بھی پڑھیں:  ہمدرد انسانیت اسماعیلیوں کے روحانی پیشوا ہزہائینس پرنس کریم آغاخان کی چترال آمد، مثالی والٹیئرزم اور مذہبی ہم آہنگی کی اعلیٰ مثال 

نو دسمبر کو چترال، 10 دسمبر کو گلگت بلتستان، بارہ سے چودہ دسمبر کو اسلام آباد میں اپنے پیروکاروں سے ملاقاتیں کرینگے جب کہ پندرہ سے انیس دسمبر تک کراچی میں قیام کریں گے۔ پرنس کریم آغا خان اسلام آباد اور کراچی میں وفاقی و صوبائی حکومتوں کے اعلیٰ حکام سے بھی ملاقاتیں کرینگے۔






کوئی تبصرے نہیں:
Write comments

تازہ ترین

مشہور اشاعتیں

تازہ ترین خبریں