دسمبر 22, 2017

صوبہ خیبر پختوںخواہ نے امام مساجد کے لئے مہانہ وظیفہ مقرر کردیا، ماہانہ کتنا وظیفہ دیا جائے گا؟ تفصیل جانیں

پشاور(ٹی او سی : ویب ڈیسک) صوبہ خیبر پختوںخواہ نے امام مساجد کے لئے مہانہ وظیفہ مقرر کردیا ہے، جس کے مطابق امام مساجد کو ماہانہ 10 ہزار روپے کا وظیفہ دیا جائے گا۔ وزیراعلیٰ خیبرپختونخوا پرویز خٹک نے صوبے کے امام مساجد کے لیے ماہانہ 10 ہزار روپے وظیفہ  مقرر کر دیا ہے۔ 

تفصیلات کے مطابق گزشتہ دنوں وزیراعلیٰ کے پی کے پرویز خٹک نے بدرشی اور کوترپان میں شمولیتی جلسوں سے خطاب کرتے ہوئے کہا تھا کہ اب تحریک انصاف کی صوبائی حکومت صوبے میں تیس ہزار پیش امام صاحبان کو دس ہزار روپے ماہانہ وظیفہ دے گی۔

جس کا باقاعدہ اعلان وزیراعلیٰ خیبرپختونخوا نے ڈاک اسماعیل خیل میں جامعہ کریمیہ غفوریہ کے زیراہتمام سیرت النبیؐ کانفرنس سے بطور مہمان خصوصی خطاب کرتے ہوئے کہا کہ یہ ماہانہ وظیفہ صوبے کی تمام جامع مساجد کے امام صاحبان کو اگلے چند ہفتوں میں ضابطے کی کارروائی مکمل ہونے کے بعد  باقاعدگی سے ملنا شروع ہوگا۔ وزیراعلیٰ پرویز خٹک نے واضح کیا کہ اتنی معمولی رقم دراصل تنخواہ نہیں بلکہ صوبائی حکومت کی جانب سے علماء اور آئمہ کے بلند مقام کا علامتی اعتراف ہے، ہم معاشرے میں علماء کا احترام بڑھانے میں مزید اقدامات بھی اٹھائیں گے۔


کوئی تبصرے نہیں:
Write comments

تازہ ترین

مشہور اشاعتیں

تازہ ترین خبریں