18 جنوری، 2018

لیڈی ریڈنگ ہسپتال میں آکسیجن کی کمی سے 6 بچے جان بحق ہوگئے

 

لیڈی ریڈنگ ہسپتال میں آکسیجن کی کمی سے 6 بچے جان بحق ہوگئے

نمونیا میں مبتلا بچوں کو ہسپتال کے ایمرجنسی وارڈ میں لایا گیا تھا، بروقت آکسیجن نہ ملنے سے موت ہوئی : والدین کا موقف
ہسپتال میں روزانہ 700 سے 800 بچے لائے جاتے ہیں، چلڈرن اسپیشلسٹ ڈاکٹر ولی۔ موت کی وجہ آکسیجن نہیں : ہسپتال ترجمان


پشاور(کرٹیسی مشرق)  خیبر پختونخوا کے سب سے بڑے اور پرانے طبی ادارہ لیڈی ریڈنگ ہسپتال میں آکسیجن کی کمی کے باعث نمونیا میں مبتلا 6بچوں کی موت واقع ہوگئی۔ لیڈی ریڈنگ ہسپتال کے ایمرجنسی وارڈ ذرائع کے مطابق نمونیا میں مبتلا بچوں کو ہسپتال لایا گیا جہاں آکسیجن کی کمی کی وجہ سے ان کی بر وقت علاج ممکن نہ ہو سکا۔نمونیا میں مبتلا ہسپتال لائے گئے 6 ماہ کے ذاکر خان، ایک سالہ حمزہ اور محمد عبید سمیت نمونیا میں مبتلا اور6 بچوں کی موت واقع ہوئی۔ 

ذرائع کے مطابق ہسپتال لائے گئے بچوں کو بر وقت آکسیجن فراہم نہیں کی گئی جبکہ والدین بار بار اصرار کر رہے تھے کہ ان کے بچوں کی حالت خطرے میں ہے اور انہیں فوری طور پر آکسیجن فراہم کی جائے تاہم ہسپتال انتظامیہ کی جانب سے بروقت علاج کو ممکن نہیں بنایا جا سکا جس کے باعث 6بچے زندگی کے بازی ہار گئے۔ لیڈی ریڈنگ ہسپتال کے چلڈرن سپیشلسٹ ڈاکٹر ولی کے مطابق ان کے پاس روزانہ کی بنیاد پر صوبے کے قبائلی علاقہ جات سے700سے800کے قریب نمونیا میں مبتلا بچوں کو لایا جاتا ہے جنہیں خصوصی نگہداشت اور فوری طور پر آکسیجن کی ضرورت ہوتی ہے فوری طور پر علاج نہ ہونے اور آکسیجن فراہم نہ کرنے کی صورت میں نمونیا میں مبتلا بچوں کی موت واقع ہوتی ہے۔ اس سلسلے میں خود مختار لیڈی ریڈنگ ہسپتال کے ترجمان سے رابطہ کیا گیا تو انہوں نے نمونیا میں مبتلا اور آکسیجن کی عدم فراہمی کے باعث6بچوں کی اموات سے متعلق خبر کی تردید کرتے ہوئے کہا کہ ہسپتال میں آکسیجن کی کوئی کمی نہیں ، یہ بہت بڑا ادارہ ہے موت ضرور واقع ہو سکتی ہے تاہم آکسیجن کی کمی سے کسی کی موت واقع نہیں ہوئی، وارڈز میں مریضوں کو تمام سہولیات فراہم کی جارہی ہیں۔

اشاعت رونامہ مشرق 17 جنوری 2018


کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں