20 جنوری، 2018

کرکٹر حسن علی کرکٹ کے بعد انٹرٹینمنٹ کا میدان بھی مارنے کو تیار ہیں

 

لاہور (نیوز ڈیسک)  ارے دیکھیں ہم نے گراﺅنڈ فیلڈ پر کسے پکڑا ہے؟ یہ تو انتہائی باصلاحیت نوجوان کرکٹر حسن علی ہیں اور وہ کیمروں میں مصروف نظر آتے ہیں۔ ہم یقین سے نہیں کہہ سکتے ہیں کہ یہ کوئی پریکٹس سیشن ہے یا پھر کچھ اور؟ 


ہم سب اس بات سے واقف ہیں کہ سال 2017 میں اپنی جرات مندانہ کارکردگی اور چیمپیئنز ٹرافی میں حیران کن پرفارمنس پیش کرنے کے باعث آج کل حسن علی کے ستارے عروج پر ہیں۔ حسن علی غیرمعمولی بالنگ ایکشن اور مختلف ورائیٹیز کے امتزاج کے ساتھ ایک میڈیم فاسٹ بالر ہیں۔ انہوں نے پہلا فرسٹ کلاس میچ صرف 19 سال کی عمر میں کھیلا۔ وہ ایک نمایاں اور ابھرتے ہوئے فاسٹ بالر ہیں جن کی بالنگ کی مہارت غیرمعمولی اور مزاج جارحانہ ہے۔ وہ اپنے بالنگ ایکشن کی بدولت لاکھوں دلوں پر راج کرتے ہیں۔ سال 2017 میں حسن علی ون ڈے کے نمایاں بالر کے طور پر سامنے آئے اور 18 میچز کھیل کر 45 وکٹیں حاصل کیں اور 17 کی ایوریج اور 20.3 کے اسٹرائیک ریٹ کے ساتھ سال کے سب سے زیادہ وکٹیں لینے والے بالر بن گئے۔ 

پھر یہ کونسا پروجیکٹ ہے جس پر حسن علی کام کرتے نظر آرہے ہیں؟ کیا وہ کرکٹ کو خدا حافظ کہہ رہے ہیں اور شوبز کو خوش آمدید کہہ رہے ہیں؟ کیا حسن کے پاس ایسا ٹیلنٹ باقی ہے جس سے ابھی تک قوم ناواقف ہے؟ کیا وہ اپنے آپ کو پہلے سے زیادہ منظرعام پر لا رہے ہیں اور نیا کام شروع کررہے ہیں؟ ایسے بہت سے سوالات ہیں۔ 

حسن علی اس سے قبل مختلف پروجیکٹس میں کام کرچکے ہیں اور ان دلچسپ مناظر میں نظر آنے سے ہمیں یقین ہے کہ وہ کسی بڑے کام میں مصروف ہیں۔ ہماری طرح پاکستان کی مقبول اسپورٹس صحافی/میزبان زینب عباس بھی ان تصاویر کے پیچھے چھپی حقیقت جاننے کے لئے متجسس ہیں اور انہوں نے ایک ٹویٹ بھی کی ہے۔ "دلچسپ، حسن آپ کی تصاویر دیکھیں۔ آپ کیا کررہے ہیں؟ "

ان روشنیوں کے ساتھ ہم بھی اس نئے کام کے بارے میں جاننے کی دلچسپی رکھتے ہیں جس میں حسن آج کل مصروف ہیں ۔ ہم بے چینی سے دم سادھے کوئی کڑی ڈھونڈ رہے ہیں۔ دیکھتے ہیں کہ کیا ہم اس پراسرار معمہ کو حل کرپائیں گے۔ اگر آپ اس کام تک پہنچ گئے ہیں اور اس ہیش ٹیگ (#WhatisHassanUpto) کے ساتھ شامل ہوگئے ہیں تو ہمیں بتائیں۔ 



کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں