9 فروری، 2018

سیلفی ایکسپرٹ اوپو موبائل ایچ بی ایل - پی ایس ایل 2018 کا آفیشل اسمارٹ فون پارٹنر بن گیا، رنگا رنگ تقریب میں اعلان

 


لاہور: اسمارٹ فون اور سیلفی ایکسپرٹ کے شعبے میں رہنما اوپو (OPPO) نے ایچ بی ایل پاکستان سوپر لیگ (پی ایس ایل) 2018 میں آفیشل اسمارٹ فون پارٹنر بن کر نئی تاریخ رقم کردی۔ اس شراکت داری کا اعلان آج ایک شاندار تقریب میں صحافیوں کے سامنے کیا گیا۔ اس تقریب میں بہت سی قابل ذکر اسپورٹس و میڈیا شخصیات بشمول حسن علی، پاکستانی قومی کرکٹ ٹیم کے کپتان سرفراز احمد کے ساتھ اوپو کی سینئر انتظامیہ، ، پی سی بی حکام اور صحافی موجود تھے۔ اس موقع پر معروف اسپورٹس صحافی زینب عباس نے ایک خصوصی سیشن کیا جس میں حسن علی کا انٹرویو بھی کیا گیا۔ اس اہم تقریب میں دستخط کے موقع پر اوپو پاکستان کے سی ای او جارج لانگ اور پاکستان کرکٹ بورڈ (پی سی بی) کی ڈائریکٹر سیلز اینڈ مارکیٹنگ نائلہ بھٹی بھی موجود تھے جنہوں نے اس معاہدے پر دستخط کئے۔ 


انڈسٹری رپورٹس (جی ایف کے) کے مطابق اوپو 17 فیصد مارکیٹ شیئر کے ساتھ پاکستان میں دوسرا سب سے بڑا اسمارٹ فون برانڈ ہے۔ اوپو ایف 5 اور اوپو اے 37 اسمارٹ فون پاکستان میں دسمبر 2017 کی ٹاپ تین اسمارٹ فونز فہرست میں شامل ہیں۔ اوپو ہمیشہ سے ہی عالمی سطح پر کھیلوں اور انٹرٹینمنٹ کے ساتھ وابستہ رہا ہے اور کمپنی نے پی ایس ایل کا پہلا بین الاقوامی اسمارٹ فون برانڈ بن کر کرکٹ کے شعبے میں ایک بار پھر نیا معیار قائم کردیا ہے۔ ایچ بی ایل پی ایس ایل 2018 کا تیسرا سیزن ٹوئنٹی 20 کرکٹ لیگ کی فرنچائز ہے جسے پاکستان کرکٹ بورڈ نے 2015 میں قائم کیا۔ اس کا آغاز 22 فروری کو دبئی میں ہوگا۔ اوپو انٹرنیشنل کرکٹ کونسل (آئی سی سی) کا گزشتہ چار سال سے اب تک گلوبل پارٹنر بھی رہا ہے۔ 


اس موقع پر خطاب کرتے ہوئے اوپو پاکستان کے سی ای او جارج لانگ نے کہا، "یہ میرے لئے اعزاز کی بات ہے کہ اوپو ایچ بی ایل پاکستان سوپر لیگ کے ساتھ پہلے بین الاقوامی اسمارٹ فون برانڈ کے طور پر شراکت داری کررہا ہے۔ بطور برانڈ اوپو نوجوانوں کی حوصلہ افزائی کرتا ہے اور یہ ہمارا عزم ہے کہ ہر وہ چیز فراہم کریں اور اسے فروغ دیں جس میں نوجوان دلچسپی لیتے ہیں اور اس میں مشغول ہوتے ہیں۔ پاکستانی نوجوانوں کے لئے کرکٹ محض ایک کھیل نہیں بلکہ ایک طرح کا کلچر ہے جو اسپورٹس، گلیمر اور انٹرٹینمنٹ سمیت سب کا ایک منفرد امتزاج فراہم کرتا ہے۔ پی ایس ایل اور نوجوان پاکستانی کرکٹر حسن علی سے شراکت داری کے ساتھ میں پرامید ہوں کہ اوپو ملک میں کرکٹ سے محبت کرنے والے لاکھوں نوجوانوں کے دلوں کے مزید قریب آئے گا۔" 

پی سی بی کی ڈائریکٹر سیلز اینڈ مارکیٹنگ نائلہ بھٹی نے کہا، "پاکستان کرکٹ بورڈ کی طرف سے مجھے ایچ بی ایل پاکستان سوپر لیگ 2018 کے لئے اوپو کے ساتھ بطور آفیشل اسمارٹ فون پارٹنر کی شراکت داری پر انتہائی خوشی ہے۔ یہ ہمارے لئے انتہائی اعزاز کا مقام ہے کہ ہم پی ایس ایل کی تاریخ میں انٹرنیشنل اسمارٹ فون برانڈ کے طور پر پہلی بار شراکت داری کررہے ہیں جو پی ایس ایل کی بڑھتی ہوئی مقبولیت کا منہ بولتا ثبوت ہے۔ نوجوانوں میں کرکٹ اور اوپو بہت مقبول ہے اور مجھے یقین ہے کہ اس وابستگی سے پاکستان کے نوجوانوں میں کرکٹ کی حقیقی روح کو مزید فروغ دینے میں مدد ملے گی۔" 


پاکستان میں نوجوانوں میں کرکٹ کا جذبہ اور دلچسپی رکھنے کی زیادہ سے زیادہ کوششیں کرنے کے ساتھ اوپو نے پاکستان میں باصلاحیت نوجوان کرکٹ حسن علی پر مبنی پہلا ٹی وی کمرشل بھی متعارف کرایا ہے۔ اس تقریب میں زینب عباس کے ساتھ خصوصی سیشن میں انتہائی دلچسپ گفتگو کے دوران حسن علی نے اوپو کے ساتھ شراکت داری پر اظہار خیال کرتے ہوئے کہا، "میں تھوڑا نروس تھا، یہ ایک مختلف نوعیت کی پرفارمنس تھی لیکن میں یہ کہنا چاہتا ہوں کہ یہ تجربہ شاندار رہا۔ مجھے امید ہے کہ میرے پرستار میرا پہلا ٹی وی کمرشل پسند کریں گے جس کے اندر میں نے اپنا بھرپور جذبات کا اظہار کیا ہے۔"

دنیا کے صف اول کے کیمرا فون برانڈ کے ساتھ شراکت داری پر گفتگو کرتے ہوئے حسن علی نے کہا، "میں اوپو کی نمائندگی کرنے پر انتہائی خوش ہوں، کیونکہ اس سے پاکستان کے نوجوانوں کی ترجمانی ہوتی ہے۔ میں نے اوپو ایف 5 استعمال کیا ہے اور میں اپنے نئے اوپو ایف 5 میں متاثر کن سیلفی فیچرز کا انتہائی مداح ہوں۔ شائقین کے لئے اوپو کی آرٹیفیشل انٹیلیجنس بیوٹی ریکاگنیشن ٹیکنالوجی، 20 ایم پی سیلفی کیمرا فل اسکرین اور دیگر نمایاں فیچرز کی بدولت کرکٹ کی دنیا میں اسے ویژول ڈیوائس کے طور پر استعمال کیا جاسکتا ہے۔"


کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں