18 فروری، 2018

جمعیت علماء اسلام چترال کی مجلس عاملہ کے اجلاس چترال میں خواتین کے لئے الگ شاپنگ سنٹر کے قیام کو مسترد کردیا گیا

چترال (پریس ریلیز)  جمعیت علماء اسلام چترال کی مجلس عاملہ کا اجلاس مؤرخہ 17 فروری 2018 ء بمقام جامعہ اسلامیہ ریحانکوٹ چترال زیر صدارت ضلعی امیر قاری عبدالرحمن قریشی منعقدہوا۔ جسمیں ضلعی عاملہ کے اراکین شریک ہوئے اور ذیل فیصلے ہوئے۔

1۔ JUI چترال کی مجلس شوری کا اجلاس 24فروری 2018 بروز ہفتہ ہوگا۔

2۔ تحصیل چترال کے امیر اور ناظم عمومی کے انتخاب کے لئے تحصیل عمومی کا اجلاس 4مارچ 2018 بروزاتوار ہوگا۔

3۔ 28 فروری 2018 کو JUI یوتھ کنونشن پشاور میں چترال سے بھرپور شرکت ہوگی اور اس کے لئے لائحہ عمل طے کیا گیا۔

4۔ یکم اپریل 2018 غلبہ اسلام کانفرنس پشاور کی کامیابی کے حوالے سے چندہ مہم ،چترال بھر میں اجتماعات کا انعقاد اور مختلف کانر میٹنگیں ہونگی۔

اجلاس میں متفقہ طور پر ایک قرارداد منظور کی گئی۔

کہ چترال میں خواتین کے لئے الگ شاپنگ سنٹر کے قیام کو مسترد کردیا جاتا ہے اور قرارداد ھذا کے ذریعے مسلمانان چترال سے مطالبہ کرتے ہیں کہ وہ ایسے عناصر کی حوصلہ شکنی کریں جو اسلامی اقدار اور چترالی روایات کو ختم کرکے یورپی تہذیب کو چترال میں رواج دینا چاہتے ہیں ، الگ شاپنگ سنٹر کا قیام کے پی کے کے کسی ضلع میں نہیں ہے چترال میں اس کا قیام خواتین کوسرعام بازاروں کی طرف نکلنے کی دعوت ہے ،جوہمیں کسی طور پرقبول نہیں۔

لہذا انتظامیہ اور متعلقہ افراد کو بروقت آگاہ کرنا چاھتے ہیں کہ وہ اپنے فیصلے پر نظرثانی کریں،خصوصا انتظامیہ متعلقہ افراد کو بلاکر ان کو سمجھائیں کہ وہ الگ کاروبار کا سوچیں ، بصورت دیگر چترال کے امن وآمان کی ذمہ داری متعلقہ افراد پر ہوگی۔

اجلاس میں مولانا عبدالسمیع صاحب فیض آباد ہون کی ہمشیرہ کے لئے فاتحہ خوانی اور دعا کی گئی۔



کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں