27 ستمبر، 2018

تاجر یونین کے کال پر چترال بازار میں مکمل شٹر ڈاؤ ن ہڑتال۔ دکانوں کے علاوہ ہوٹل، ادویات کی دکانیں، نانبائی، سبزی فروش سب بند رہے۔

 

تاجر یونین کے کال پر چترال بازار میں مکمل شٹر ڈاؤ ن ہڑتال۔ دکانوں کے علاوہ ہوٹل، ادویات کی دکانیں، نانبائی، سبزی فروش سب بند رہے۔

چترال(گل حماد فاروقی) تاجر یونین کے کال پر چترال کے تمام بازاروں میں بدھ کے روز صبح سے مکمل شٹر ڈاؤن ہڑتال جار ی ہے۔ چترال کے مین بڑے بڑے بازار بند رہے جن میں شاہی بازار، بائی پاس بازار، کڑوپ رشت بازار، اتالیق بازار، دنین بازار اور جغور بازار بھی بند رہے۔ ہڑتال کے دوران تاجر یونین کے عہدہ داران نے پرانا پی آئی اے چوک میں احتجاجی دھرنا بھی دیا۔ 



 ہمارے نمائندے سے باتیں کرتے ہوئے تاجر یونین کے صدر شبیر احمد نے بتایا کہ ضلعی انتظامیہ نے بغیر کسی نوٹس کے چند دکانوں کو سر بمہر کیا ہے اور پرانے بازار میں ٹریفک کو یک طرفہ کیا ہے۔

ایک اور دکاندار نے کہا کہ ضلعی انتظامیہ نے بغیر نوٹس کے چند دکانوں کو سیل کیا ہے اور بازار میں بجلی نہیں ہے حالانکہ چترال میں اتنی وافر مقدار میں بجلی پیدا ہوتی ہے کہ ہم دوسرے اضلاع کو بھی بجلی فراہم کرتے ہیں مگر ہمارے ساتھ یہ ظلم ہورہا ہے کہ بلا وجہ یہاں طویل لوڈ شیڈنگ کیا جا تا ہے۔

چارویلو احمد خان نے کہا کہ پورے بازار میں انتظامیہ کی طرف سے کوئی پبلک باتھ روم نہیں ہے اور شمسی توانائی سے چلنے والا جو سٹریٹ لائٹ نصب کئے گئے ہیں جس پر تقریباً ایک کروڑ روپے کی لاگت آئی ہے مگر وہ رقم غبن ہوا ہے اس نے صرف چھ دن کام کیا ہے اور اس کے بعد بند ہے۔ 

چترال بازار شام کے بعد ایک قبرستان کا منظر پیش کرتا ہے۔اندھیرے کی وجہ سے دکاندار اکثر نالیوں میں گرتے ہیں اور باؤلے کتوں کی بہتات کی وجہ سے گاہک بھی شام کے بعد ڈرتے ہیں۔ 

ان دکانداروں نے کہا کہ پولیس نے سڑک پر ون وے یعنی یک طرفہ ٹریفک شروع کیا ہے مگر اس سڑک سے ٹیکسی سٹینڈ بنایا گیا ہے تمام با اثر لوگ اپنی گاڑیاں لاکر سڑک پر کھڑے کرتے ہیں جس سے ہماری کاروبار اور بھی بری طرح متاثر ہوتی ہے۔ 

ان دکانداروں نے متنبہ کیا کہ جب تک ہماری مطالبات تسلیم نہیں ہوتے تو ہم اپنے مطالبات پورے ہونے تک ہڑتال جاری رکھیں گے۔ ہڑتال کی وجہ سے نہ صرف عام لوگو ں کو مشکلات کا سامنا کرنا پڑا بلکہ باہر سے آئے ہوئے سیاحوں کو بھی ہوٹل اور تندور بند ہونے سے روٹی نہیں ملی۔


کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں