18 ستمبر، 2018

عمران خان پہلے سرکاری دورے پر برادر اسلامی ملک روانہ، روضہ رسول ﷺ پر حاضری اور عمرہ کی سعادت بھی حاصل کریں گے

 

اسلام آباد (مانیٹرنگ ڈیسک) عمران خان پہلے سرکاری دورے پر برادر اسلامی ملک روانہ ہو گئے۔ وزیراعظم عمران خان اپنے 2 روزہ سرکاری دورے پر سعودی عرب روانہ ہوگئے۔ ذرائع کے مطابق وزیراعظم عمران خان وفد کے ہمراہ  جن میں  وزیرخارجہ شاہ محمود قریشی، وزیر خزانہ اسد عمر، وزیر اطلاعات فواد چوہدری اور وزیراعظم کے مشیر عبدالرزاق داؤد شامل ہیں، سعودی عرب روانہ ہوئے ۔ ذرائع کے مطابق  وزیراعظم عمران خان متحدہ عرب امارات کے ولی عہد کی دعوت پر متحدہ عرب امارات بھی جائیں گے۔ واضح رہے کہ وزیراعظم سعودی عرب کے بادشاہ سلمان بن عبدالعزیز اور ولی عہد محمد بن سلمان کی دعوت پر یہ دورہ کر رہے ہیں۔  دفتر خارجہ کے ترجمان مطابق وزیراعظم عمران خان دورہ سعودی عرب کے دوران سعودی فرمانروا اور ولی عہد سے الگ الگ ملاقاتیں کریں گے۔ اس دوران وہ مدینہ منورہ میں زیارت اور عمرہ  کی سعادت بھی حاصل کریں گے۔ وزیراعظم سے اسلامی تعاون تنظیم (او آئی سی) کے سیکریٹری جنرل ڈاکٹر یوسف بن احمد بھی ملاقات کریں گے۔ اور توقع ظاہر کیا جارہا ہے کہ وزیراعظم دبئی میں پاک انڈیا میچ بھی دیکھیں گے۔



کوئی تبصرے نہیں:
Write comments

تازہ ترین

مشہور اشاعتیں

تازہ ترین خبریں