6 ستمبر، 2018

یوم دفاع پاکستان شایان شان طریقے سے منایا گیا، چترال سکاؤٹس گراؤنڈ میں طلباء طالبات نے رنگا رنگ پروگرامز پیش کئے

 


چترال (گل حماد فاروقی)6 ستمبر1965 کو ہمارے پا ک فوج کے جوانوں نے اپنے سے تین گنا بڑے فوج کو شکست سے دوچارکیا تھا اور اپنی جانوں کا نذرانہ پیش کرکے وطن عزیز کی دفاع کی۔ ان شہیدوں کو خراج تحسین پیش کرنے کیلئے ملک کے دیگر حصوں کی طرح چترال میں بھی یوم دفاع نہایت جوش و خروش سے منایا گیا اس سلسلے میں سب سے بڑا پروگرام چترال سکاؤٹس کے گراؤنڈ میں ہوا جس میں کمانڈنٹ چترال سکاؤٹس کرنل معین الدین مہمان حصوصی تھے جبکہ ڈپٹی کمشنر چترال خورشید عالم محسود، اسسٹنٹ کمشنر ساجد نواز، ضلع ناظم مغفرت شاہ ، سول اور فوجی افسران، ایس پی نور جمال اور والدین کے علاوہ ان شہیدو ں کے ورثاء نے بھی شرکت کی جو دہشت گردی کے ضد میں آکر شہید ہوئے تھے۔

کرنل معین الدین نے شہیدوں کے ورثاء میں سووینر اور انعامات بھی تقسیم کیئے۔ گراؤنڈ کے عقب میں کیلاش اور مسلم ثقافت کے محتلف سٹال لگے تھے اور پاک فوج نے محتلف ہتھیاروں کی بھی نمائش کا انتظام کیا تھا۔ اس کے ساتھ پولیس نے بھی بم ڈسپوزل اور دیگر ہتھیار کی نمائش کرایا۔ سکول کے بچوں نے حمد، نعت اور قومی نغمے پیش کئے۔ 



خصوصی طور پر نجی سکول کے طلباء ا ور طالبات نے پانچوں صوبوں میں بولنے والے زبانوں اور وہاں کے لوگوں کی ثقافت کا بہترین مظاہرہ کرتے ہوئے ان زبانوں میں گا کر رقص بھی پیش کیا اور ساتھ ہی اسی قوم کا لباس کا بھی مظہر کیا۔ چترال سکاؤٹس، پولیس اور طلباء نے سلامی بھی پیش کی۔ چند طلباء اور طالبات نے ان قومی ہیرو کو خراج عقیدت بھی پیش کئے جنہوں نے وطن کی حاطر اپنی جان قربان کردی۔اس موقع پر چترال اے اور چترال بی پولو ٹیموں کے درمیان دوستانہ میچ بھی کھیلا گیا جو دونوں نے دو ، دو گول کرکے میچ حتم ہوا۔ اور پیرا گلائنڈنگ کا بھی مظاہرہ کیا گیا۔ مہمان حصوصی نے طلباء اور بہترین کارکردگی کے حامل طلباء اور طالبات میں انعامات تقسیم کئے۔ آحر میں شہداء کی روح کی ایصال ثواب کیلئے فاتحہ خوانی بھی کی گئی۔ 

سکول کے طلباء نے پاک بہارت جنگ کا عملی مظاہرہ بھی پیش کیا جس میں میجر عزیز بھٹی شہید نے جان کا نذرانہ پیش کرتے ہوئے وطن عزیز کی دفاع کی۔ اس رنگارنگ تقریب میں کثیر تعداد میں خواتین اور حضرات، طلباء طالبات ، سول اور فوجی افسران نے شرکت کرتے ہوئے اس رنگا رنگ تقریب سے محظوظ ہوئے۔ آحر میں کمانڈنٹ نے تمام شرکاء کا شکریہ ادا کیا اور اس امر کا مصمم ارادہ کیا کہ پاک فوج، سکاؤٹس، پولیس کے جوان کبھی بھی ملک کی دفاع کیلئے اپنی جانوں کی نذرانے سے دریغ نہیں کرے گا۔ 






کوئی تبصرے نہیں:
Write comments

تازہ ترین

مشہور اشاعتیں

تازہ ترین خبریں