7 ستمبر، 2018

یوم دفاع کے دن گواں سٹیڈیم کوغزی میں شہداء کو منفرد انداز میں خراج تحسین پیش کیاگیا، فٹبال انتظامیہ کی جانب سے کوغزی کے شہداء کے ورثا میں خصوصی شیلڈ تقسیم

یوم دفاع کے دن گواں سٹیڈیم کوغزی میں شہداء کو منفرد انداز میں خراج تحسین پیش کیاگیا، فٹبال انتظامیہ کی جانب سے کوغزی کے شہداء کے ورثا میں خصوصی شیلڈ تقسیم



کوغزی چترال ( ایم فاروق)  ہر سال کی طرح  اس سال کوغزی چترال میں بھی 6 ستمبر کو "یوم دفاع کا خصوصی پروگرام " ہمیں پیار ہے پاکستان سے" انتہائی جوش و ولولے کے ساتھ منایا گیا، اس مقصد کیلئے گواں سٹیڈیم کوغزی میں انتظامیہ یونیک فٹبال کلب کی جانب سے کوغزی گاؤں سے تعلق رکھنے والے پاک دھرتی پر قربان ہونے والے شہداء کے ورثا کو خصوصی ایوارڈ سے نوازا گیا۔ یاد رہے کہ کوغزی سے تعلق رکھنے والے پانچ بیٹوں نے اس وطن کےلئے اپنے لہو کا نذرانہ پیش کیا ہے ، جو کہ کبھی بھی فراموش نہیں کیا جاسکتا ۔ کوغزی دھرتی کے پہلے نمبر پر شہید ناصر اللّٰہ چترال سکاؤٹس ،2004-01-04 کو کارگل کے محاذ پر شہید ہوا، دوسرے نمبر پر شجاع الاسلام چترال سکاؤٹس ، 2005-05-27 کو کارگل کے محاذ پر شہید ہوا، تیسرے نمبر پر مختار احمد چترال سکاؤٹس، 2008-01-08 کو زیارت چترال میں شہید ہوا، چوتھے نمبر پر سمیع اللّٰہ المعروف طاہر اللّٰہ 43 ایف۔ایف رجمنٹ پاک آرمی، 2009-06-12 کو وانا جنوبی وزیرستان میں آپریشن راہ نجات کے دوران شہید ہوا اور انکی بے لوث بہادری کیوجہ سے حکومت پاکستان کی جانب سے خصوصی ایوارڈ"تمغہ بسالت" سے نوازا گیا جو کہ چترال میں پہلا امتیازی ایوارڈ تھا،، پانچویں نمبر پر حضرت اللّٰہ چترال سکاؤٹس، 2011-08-26 کو ارندو پاک افغان سرحد چترال کے مقام پر دہشت گردوں سے لڑتے ہوئے جام شہادت نوش کی۔ واضح رہے کہ آج کی اس خصوصی تقریب کے اختتام پر کوغزی کی فضا پاک فوج زندہ باد ،پاکستان پائندہ باد کے نعروں سے گونج اٹھی۔



کوئی تبصرے نہیں:
Write comments

تازہ ترین

مشہور اشاعتیں

تازہ ترین خبریں