اپنے فیس بک آئی ڈی سے بھی آپ ویب سائیٹ پر کسی نیوز
یا بلاگ پر کومنٹ کرسکتے ہیں۔

17 اکتوبر، 2018

دنیا میں ہر منٹ میں 380 خواتین حاملہ ہوتی ہیں ،190 خواتین کے پاس نئی زندگی کیلئے کوئی منصوبہ بندی نہیں: ہر منٹ میں ایک خاتون زچگی کے دوران فوت ہوجاتی ہے: ڈاکٹرانیلا عطاء الرحمن

 

دنیا میں ہر منٹ میں 380 خواتین حاملہ ہوتی ہیں ،190 خواتین کے پاس نئی زندگی کیلئے کوئی منصوبہ بندی نہیں: ہر منٹ میں ایک خاتون زچگی کے دوران فوت ہوجاتی ہے: ڈاکٹرانیلا عطاء الرحمن

خواتین غیر محفوظ طریقے سے بچے زچگی کرواتی ہیں ، دنیا میں ہر منٹ میں ایک خاتون زچگی کے دوران موت کے منہ میں چلی جاتی ہے، سیمینار سے خطاب

لاڑکانہ (مانیٹرنگ ڈیسک) لاڑکانہ میں خاندانی منصوبہ بندی کے عالمی دن کے موقع پر شیخ زید وومن اسپتال میں منعقدہ سیمنار سے خطاب کرتے ہوئے لیڈی ڈاکٹروں کا کہنا ہے کہ دنیا میں ہر منٹ میں 380 خواتین حاملہ ہوتی ہیں جن میں سے 190 خواتین کے پاس نئی زندگی کے لیے کوئی منصوبہ بندی نہیں، 40 خواتین غیر محفوظ طریقے سے بچے زچگی کرواتی ہیں جبکہ دنیا میں ہر منٹ میں ایک خاتون زچگی کے دوران موت کے منہ میں چلی جاتی ہے۔

شہید محترمہ بینظیر بھٹو میڈیکل یونیورسٹی کی وائس چانسلر پروفیسر ڈاکٹر انیلا عطاالرحمٰن کی زیر صدارت شیخ زید وومن اسپتال میں ایسوسی ایشن آف آبسٹریٹیشن اینڈ گائنو کولاجسٹ پاکستان کے مشترکہ تعاون سے منعقدہ سیمنار سے خطاب کرتے ہوئے خواتین کی پروفیسر ڈاکٹر رفیعہ بلوچ اور ماہر ڈاکٹر شاہدہ مگسی نے کہا کہ ہمارے مذہب میں بھی کہا گیا ہے کہ ایک ماں پر اس کے بچے کا حق ہے تو اس بچے کو کم از کم دو سال تک ماں کا دودھ پلایا جائے اس کے پیچھے ایک فلسفہ ہے کہ دوسرے بچے کے لیے بھی کم از کم دو سال کا وقفہ لازمی ہونا چاہیے۔

سیمنار سے خطاب کرتے ہوئے وائس چانسلر شہید محترمہ بینظیر بھٹو میڈیکل یونیورسٹی پروفیسر ڈاکٹر انیلا عطاالرحمٰن نے کہا کہ مجھے فخر ہے کہ میں پاکستان میں موجود میڈیکل یونیورسٹیوں میں پہلی خواتین وائس چانسلر ہوں، آج سیکھنے اور سکھانے کے معیار مٹتے جارہے ہیں اور ہماری بھی کوشش ہے کہ دنیا میں جو طب کے حوالے سے معیار ہیں ان کی پاسداری کریں۔

سیمنار میں ڈاکٹر شائستہ حفاظ ابڑو، پروفیسر ڈاکٹر سعیداحمد شیخ، پی ایس مشتاق احمد میرانی، میڈیا کوآرڈینیٹر عبدالصمد بھٹی اور دیگر نے بھی شرکت کی۔ بعد ازاں وائس چانسلر پروفیسر ڈاکٹر انیلا عطاالرحمٰن نے شیخ زید وومن اسپتال کا دورہ بھی کیا جہاں پر انہیں یونیورسٹی کی ڈین اور یونٹ انچارج پروفیسر ڈاکٹر رفیعہ بلوچ نے تفصیلی بریفنگ بھی دی۔



کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

نوٹ: ٹائمزآف چترال کی انتظامیہ اور اداراتی پالیسی کا بلاگر کے خیالات سے متفق ہونا ضروری نہیں ہے۔ اگر آپ بھی چاہتے ہیں کہ آپ کا نقطہ نظر پاکستان اور دنیا بھر کے ناظرین تک پہنچے توآپ بھی قلم اٹھائیے اور 400 سے 700 الفاظ پر مشتمل اپنی تحریر تصویر، مکمل نام، فون نمبر، سوشل میڈیا آئی ڈیز اور اپنے مختصر مگر جامع تعار ف کے ساتھ ہمیں ای میل کریں ای میل ایڈریس timesofchitral@outlook.com آپ اپنے بلاگ کے ساتھ تصاویر اور ویڈیو لنک بھی بھیج سکتے ہیں۔

اپنے فیس بک آئی ڈی سے بھی آپ ویب سائیٹ پر کسی نیوز
یا بلاگ پر کومنٹ کرسکتے ہیں۔

تازہ ترین

مشہور اشاعتیں

loading...

تازہ ترین خبریں