16 اکتوبر، 2018

سرگودھا میں تیز رفتار بس اور وین میں تصادم کے نتیجے میں 5 طالبات سمیت 7 افراد جان بحق ہوئے

 

سرگودھا میں تیز رفتار بس اور وین میں تصادم کے نتیجے میں 5 طالبات سمیت 7 افراد جان بحق ہوئے



سرگودھا (ویب ڈیسک) تیز رفتار بس اور وین میں تصادم، 5 طالبات سمیت 7 افراد جاں بحق ہوگئے ہیں۔ صوبہ پنجاب کے شہر سرگودھا میں تیز رفتار بس اور کالج وین میں تصادم ہوا ہے جس کے نتیجےمیں 5 طالبات، استانی اور ڈرائیور سمیت 7 افراد جاں بحق جبکہ 4 زخمی ہوگئے ہیں۔  حادثہ سرگودھا کی تحصیل بھلوال میں  اس وقت پیش آیا جب وین طالبات کو لے کر کالج جارہی تھی کہ سالم انٹر چینج کے قریب سامنے سے آنے والی بس نے وین کو کچل دی۔  خوفناک حادثے میں وین میں کالج جانے والی 5 طالبات، ایک استانی اور ڈرائیور موقع پر ہی جاں بحق ہوگئے۔ 
جاں بحق ہونے والوں میں وین ڈرائیور ذوالفقار، استانی انعم زہرہ، طالبات ایمان سعید ،عروبہ ریاض، فاطمہ شجاع، امنہ ملک اور زینب شامل ہیں۔ تصادم کے فوری بعد مشتعل افراد نے بس کو آگ لگا دی، تاہم اس دوران بس ڈرائیور موقع سے فرار ہونے میں کامیاب ہوگیا۔ پولیس کے مطابق حادثہ تیز رفتاری کے باعث پیش آیا جبکہ عینی شاہدین کا کہنا تھا کہ حادثہ اس قدر شدید تھا کہ متعدد طالبات کو وین کاٹ کر نکالنا پڑا۔



کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں