12 اکتوبر، 2018

ایل جی الیکٹرانکس نے 5 کیمروں والا اسمارٹ فون اور پہلی ہائبرڈ اسمارٹ واچ متعارف کرادی

 

ایل جی الیکٹرانکس نے 5 کیمروں والا اسمارٹ فون اور پہلی ہائبرڈ اسمارٹ واچ متعارف کرادی

کراچی:- ایل جی الیکٹرانکس (ایل جی) نے ڈبلیو 7 (W7) کے نام سے پہلی ہائبرڈ اسمارٹ واچ اور اپنا نیا پانچ کیمروں والا اسمارٹ فون متعارف کرادیا ہے۔ ایل جی کی جانب سے اسکی وی سیریز کے جدید ترین ایڈیشن وی 40 تھنک (V40 ThinQ) ایک طاقتور ملٹی میڈیا پاور ہاو ¿س ڈیوائس ہے جسے آج کی نسل کے لئے تیار کیا گیا ہے جو وژیولز اور ویڈیوز کے ذریعے رابطوں بالخصوص سوشل میڈیا کو ترجیح دیتی ہے ۔ 



ایل جی کے V40تھنک میں اسکی Vسیریز کے تصور کو برقرار رکھا گیا ہے جس کے ساتھ 6.4 انچ کا فل ویژن اولیڈ ڈسپلے اور پہلے کے مقابلے میں زیادہ پتلا ہے۔ یہ کوالکم اسنیپ ڈریگن 845 موبائل پلیٹ فارم سے چلتا ہے جس کے ساتھ 6GBریم اور 64GBیا 128 GB انٹرنل اسٹوریج شامل ہوگی۔ ایل جی کا V40تھنک ایک بار پھر ایسی نئی جدت فراہم کرتا ہے جس کی وجہ سے ایل جی کی وی سیریز صارفین میں انتہائی مقبول ہے۔ 

ایل جی وی 40 کی اہم خصوصیات: کول کوم سنپ ڈرگن 845 موبائل پلیٹ فارم، 6.4 کیو ایچ ڈی + اولیڈ فل ویڑن ڈسپلے، 64 جی بی۔ ایل پی ڈی ڈی آر4 ایکس ریم، 64 جی بی اور 128 جی بی یو ایس ایف 2.1 روم، مائکرو ایس ڈی 2 ٹیرا بائیٹ تک سپورٹڈ، 16 میگا پکسل سپر وائیڈ، 12 میگا پکسل سٹینڈرڈ، 12 میگا پکسل ٹیلی فوٹو ریئر کیمرے، اور 8 میگا پکسل سٹینڈرڈ اور 5 میگا پکسل وائیڈ فرنٹ کیمرے، 3300 ایم اے ایچ بیٹری، انڈرائیڈ 8.1 اوریو ا?پریٹنگ سسٹم سمیت بے شمار خصوصیات کا حامل ہے۔

آج کے دور میں مواد تخلیق کرنے والی نسل کے لئے الگ سے نظر آنے والے اسمارٹ فون کی فراہمی کے لئے ایل جی نے V40تھنک ڈیوائس تیار کی ہے جس کا کیمرا حقیقی طور پر تمام چیزوں کا احاطہ کرتا ہے۔ ایل جی کے V40تھنک میں بیک کیمرا ماڈیول تین مختلف لینسز 16 میگا پکسل سوپر وائیڈ اینگل، 12 میگا پکسل اسٹینڈرڈ اینگل اور 12 میگا پکسل ٹیلی فوٹو شامل ہیں۔ یہ تین لینسز تصویر کی پوزیشن تبدیل کئے بغیر شٹر بگز سے مختلف فریم شاٹس لئے جاسکتے ہیں۔ اس میں 107 ڈگری کا سپر وائیڈ اینگل لینس تصویر کے پس منظر کی بہت آسانی سے شاٹ لیتا ہے جبکہ ٹیلی فوٹو کے ساتھ 2 ایکس آپٹیکل زوم کے ذریعے تصویر کے معیار پر کسی سمجھوتہ کے بغیر دور سے بھی انتہائی واضح تصویر لی جاسکتی ہے۔ اس میں ٹرپل شاٹ فیچر تینوں لینسز سے کھینچی گئی تصاویر کو اکھٹی ایک مختصر ویڈیو فائل بنادیتا ہے تاکہ اسکی آسانی سے شیئرنگ ہوسکے۔ 

اس میں فرنٹ کیمرا ماڈیول پانچ میگا پکسل کے چوڑے زاویئے کے لینس اور 8 میگا پکسل کے اسٹینڈرڈ زاویئے کے ساتھ کام کرتا ہے تاکہ بہترین انداز سے اسکرین سلائیڈ پر پس منظر کو دھندلا کرکے بوکے ایفکٹ لایا جاسکے۔ دیگر فیچرز کے ذریعے سیلفی کے شوقین اپنی تصویروں میں منفرد لائٹنگ اور اسپیشل ایفکٹس کے ساتھ خصوصی طور پر تبدیلی لاسکتے ہیں۔ 

اس کے بیک کیمرے کے سینسر میں پکسل سائز V30اسمارٹ فون کے مقابلے میں 40 فیصد تک بہتر ہوچکا ہے۔ اس میں V30اسمارٹ فون کے مقابلے میں امیج سینسر 18 فیصد زیادہ بہتر ہے۔ ایل جی کے کسی بھی اسمارٹ فون کے مقابلے میں یہ سب سے روشن اور سب سے اچھی تصاویر لینے کے ساتھ اس کا F1.5 اپرچر منظر کی گہرائی سے تصویر لیتا ہے۔ 

V40اسمارٹ فون میں ڈوئل پی ڈی اے ایف (فیز ڈیٹکشن آٹو فوکس) خودکار فوکسنگ میں 50 فیصد زیادہ تیز ہے اور انڈسٹری کی اوسط سطح کے مقابلے دو گنا تیز ہے۔ اس میں جدید ایچ ڈی آر فیچر بہترین انداز سے روشن مناظر تخلیق کرنے کے لئے بالکل درست ایکسپوژر کا تعین کرتا ہے اور ضرورت سے زائد نمایاں پس منظر اور چیزوں کو پس پشت ڈالتا ہے۔ اس میں منظر کا ہمیشہ بہترین فوکس آتا ہے کیونکہ کیمرا مستقل طور پر منظر میں اس وقت تک رنگوں کا جائزہ لیتا رہتا ہے جب شٹر بٹن نہیں دب جاتا۔ 

ایل جی نے V40تھنک اسمارٹ فون میں کیمرے کو اپ گریڈ کرکے اسے پہلے کے مقابلے میں بہترین رنگوں، کمپوزیشن، وائٹ بیلنس اور شٹر اسپیڈ کے اعتبار سے مزید طاقتور اور باسہولت بنادیا ہے۔ آرٹیفشل انٹیلی جنس CAMکی نئی آرٹیفیشل انٹیلی جنس کمپوزیشن فیچر میں فون کی انٹیلی جنس سے فریم، کیپچر اور متبادل شاٹ تجویز کرتا ہے۔ اس میں آرٹیفیشل آٹو وائٹ بیلنس (اے آئی اے ڈبلیو بی) خودکار طور پر رنگوں کے مختلف حالات میں درجہ حرارت کو کنٹرول کرلیتا ہے۔ اس کے ساتھ آرٹیفیشل انٹیلی جنس شٹر کے ذریعے تیزی سے حرکت کرنے والی مناظر کی شٹر اسپیڈ بالکل درست رہتی ہے۔ 

دیگر نئے فیچرز میں سائن شاٹ،3Dلائٹ ایفکٹ، میک اپ پرو، کسٹم بیک ڈراپ، مائی ایواٹار اور اے آر ایموجی کے ذریعے V40اسمارٹ فون میں فوٹوگرافی بالکل نئی سطح پر پہنچ جائے گی۔ سائن شاٹ سے سنیما گرافکس، تصاویر کے ساتھ اینی میشن انتہائی آسان اور دلچسپی کا باعث ہے۔ فون کے تین بیک کیمروں سے مختصر ویڈیو شوٹ کرکے اس میں فیچرز کے استعمال کے بعد اسکے نتائج پر آپ حیران رہ جائیں گے۔ اس میں3Dلائٹ ایفکٹ تصویر کو پیشہ ورانہ انداز سے نظر آنے والی لائٹنگ کی بدولت میک اپ پرو یا پس منظر تبدیل کرکے کسٹم بیک ڈراپ کے ساتھ مختلف سیلفی تصاویر لی جاسکتی ہیں۔ وہ لوگ جو آگمنٹڈ ریالٹی کے شوقین ہیں وہ مائی ایواٹار اور اے آر ایموجی کے ساتھ اپنی تصویر یا کسی بھی تصویر پر فراہم شدہ کرداروں کے ذریعے اپنی خصوصی ایموجیز تیار کرکے شیئر کرسکتے ہیں۔ 

V40تھنک میں نیا اور پہلے سے بہتر 6.4 انچ کا کیو ایچ ڈی پلس (QHD+) اولیڈ فل ویژن ڈسپلے اور باٹم بیزل ہے جو گزشتہ ڈیوائس کے مقابلے میں زیادہ پتلا ہے۔ اس میں نیا پلاسٹک اولیڈ ڈسپلے کو اس طرح سے ڈیزائن کیا گیا ہے جو رنگ کو زیادہ درستی اور بہتر روشنی کو برقرار رکھتا ہے۔ اولیڈ ڈسپلے میں 4.5 ملین پکسلز آج کے کسی بھی کیو ایچ ڈی پلس اسمارٹ فون کے مقابلے میں سب سے زیادہ ہیں جن کی بدولت اسکرین اور اسکا سسٹم روانی اور فعال انداز سے ایسے بہترین نتائج فراہم کرتا جس طرح ایل جی کا اولیڈ ڈسپلے ہوتا ہے۔ 

ایل جی نے ہمیشہ اپنے اسمارٹ فونز میں واضح آڈیو کو انتہائی زیادہ ترجیح دی ہے اور اس میں ایل جی کے V40کو کوئی استثنیٰ حاصل نہیں ہے۔ یہ ایل جی کا پہلا فون ہے جو میری ڈیان لیبل کی جانب سے آڈیو ٹیون سرانجام دیتا ہوں۔ اس میں 32 بٹ ہائی فائی کواڈ ڈی اے سی متوازن ساو ¿نڈ سگنیچر پیدا کرتا ہے جو اصلی ریکارڈنگ کے معیار سے انتہائی زیادہ قریب ہوتا ہے۔ اس میں بوم بکس اسپیکر اصل میں ایل جی کے G7تھنک اسمارٹ فون میں متعارف ہوا جس میں روایتی اسمارٹ فونز کے اسپیکر کے مقابلے میں بیس دو گنا ہے، جب اسے ایل جی V40تھنک ووفر کے طور پر کام کرتا ہے۔ 

ایل جی کا V40تھنک کا سائز پتلا رکھا گیا ہے اور وی سیریز کے ہلکا ڈیزائن کو برقرار رکھا گیا۔ اس کا وزن 169 گرام اور چوڑائی 7.7 ملی میٹر ہے۔ V40تھنک اسمارٹ فون امریکی محکمہ دفاع کی پائیداری کے 14 ٹیسٹوں میں سرخرو ہوا ہے۔ 

ایل جی الیکٹرانکس موبائل کمیونکیشنز کمپنی کے صدر ہوانگ جیونگ ہوان نے کہا، ©"ایل جی V40تھنک کی تیاری کا مرکزی مقصد یہ ہے کہ وہ صارفین کو بہترین استعمال کی سہولت فراہم کرے۔ اس میں کیمرے کی اہم خصوصیات کے ساتھ صارفین کے لئے Vسیریز کا پریمیئم اسمارٹ فون V40ایک سنجیدہ انتخاب ہوگا۔ ©"

V40تھنک کے ساتھ ایل جی نے اپنی پہلی ہائبرڈ اسمارٹ واچ متعارف کرانے کا بھی اعلان کیا ہے۔ W7کے نام سے ایل جی واچ ایک پہنے جانے والی ڈیوائس ہے جو ڈیجیٹل آپشنز کے ساتھ میکانکی حرکت کے امتزاج سے کام کرتی ہے۔ یہ ایل کی پہلی پہنی جانے والی ڈیوائس ہے جس میں گوگل پلیٹ فارم نیا ویئر او ایس ایسے صارفین کے لئے تیار کیا گیا ہے جو نہ صرف روایتی ٹائم پیس کو اہمیت دیتے ہیں بلکہ وہ باسہولت کنیکٹڈ اسمارٹ واچ کے افعال بھی سرانجام دیتی ہے۔ 





کوئی تبصرے نہیں:
Write comments

تازہ ترین

مشہور اشاعتیں

تازہ ترین خبریں