علی بابا گروپ کی ٹیلی نار مائیکروفائنانس بینک میں 45 فیصد حصص کے حصول کی منظوری

اسلام آباد: کمپیٹیشن کمیشن آف پاکستان نے مشہور کمپنی علی پے ہولڈنگ لمیٹڈ کی ٹیلی نار مائیکرو فائنانس بینک لمیٹڈ میں 45% شیئرز کے حصول کی درخواست منظور کر لی ہے جس سے دنیا کے سب سے بڑے موبائل پیمنٹ پلیٹ فارم کی پاکستان میں داخلے کی راہ ہموار ہو گئی ہے۔علی پے 2004 میں جیک ما کی
سربراہی میں بنائی گئی تھی جو کہ چین کے کثیرالقومی علی با با گروپ کا حصہ ہے اور ای کامرس ، ریٹیل، انٹر نیٹ اور ٹیکنالوجی میں خاص مہارت رکھتا ہے۔

جبکہ ٹیلی نار مائیکروفائنانس بینک پاکستا ن کا پہلا Scheduled مائیکروفائنانس بینک ہے جو کہ پاکستان میں مائیکروفائنانس اور متعلقہ مالیاتی خدمات فراہم کر رہا ہے۔کمپیٹیشن کمپیشن آف پاکستان نے رواں سال ابتک مختلف سیکٹرز میں 66 مرجرز، ایکووزیشنز اور جوائنٹ وینچرز کی منظوری دی ہے۔

ان سیکٹرز میں پاور جنریشن ،آٹوموٹیو، انفارمیشن ٹیکنالوجی، آئل اور گیس اور فوڈ سیکٹرز شامل ہیں۔

اس سال کی گئی خاص ٹرانزیکشنز میں علی بابا سنگا پور ہولڈنگ کی جانب سے دراز۔کام کا حصول، ڈریگن پرائم ہانگ کانگ لمیٹڈ کی جانب سے OMV Pakistan Exploration GMBH کا حصول، ریاض بوٹلرز پرائیویٹ لمیٹڈ اور Lotte Chilsung Beverages میں جوائنٹ وینچر، پاک عرب ریفائنری کی جانب سے ٹوٹل پارکو لمیٹڈ میں شئیر ز کا حصول شامل ہیں ۔



Post a Comment

Thank you for your valuable comments and opinion. Please have your comment on this post below.

Previous Post Next Post