اسلام آباد میں سڑک حادثے میں زخمی ہونے والے جماعت اسلامی چترال کے ناظم مالیات نثار احمد شاھنوی کے جوان سال فرزند ٹھیکدار الطاف احمد زخموں کی تاب نہ لاتے ہوئے چل بسے

اسلام آباد میں سڑک حادثے میں زخمی ہونے والے جماعت اسلامی چترال کے ناظم مالیات نثار احمد شاھنوی کے جوان سال فرزند ٹھیکدار الطاف احمد زخموں کی تاب نہ لاتے ہوئے چل بسے



اسلام آباد ( ایم۔فاروق) جماعت اسلامی ضلع چترال کے ناظم مالیات نثار احمد شاھنوی(آیون) کے جوان سال فرزند ارجمند ھردل عزیز نوجوان اور جماعت کے سرگرم کارکن الطاف احمد شاھنوی  اسلام آباد میں روڈ ایکسیڈنٹ میں شدید زخمی ہوا تھا ،گذشتہ رات 8 بجے قائد اعظم ھسپتال میں انتقال کرگیے ہیں۔ 

تفصیلات کے مطابق اتوار کی صبح اسلام آباد میں ایک تیز رفتار گاڑی کی ٹکر سے آیون چترال کے رہائشی ٹھیکدار الطاف احمد شدید زخمی ہوئے تھے جسے جائے وقوعہ پر موجود لوگوں نے پمز ہسپتال پہنچا دیا تھا جہاں پر وہ رات گئے بیہوشی کی حالت میں پڑے رہے ۔اس حادثے کی اطلاع ملتے ہی انکے رشتے دار اور دوست چترال سے اسلام آباد پہنچ گئے ۔ڈاکٹروں کے مشورے کے مطابق انکے دماغ میں خون جمع ہوگیا تھا جسکی باعث بروقت آپریشن نہیں کیا گیا ۔بعدازاں انکو اسلام آباد کے ایک پرائیویٹ ہسپتال" قائد اعظم ہسپتال" میں ان کا باقاعدہ طور پر آپریشن ہوا تھا۔ تاہم آخری اطلاعات کے مطابق وہ گزشتہ شب زخموں کا تاب نہ لاتے ہوئے جان کی بازی ہارگئے ۔


Post a Comment

Thank you for your valuable comments and opinion. Please have your comment on this post below.

Previous Post Next Post