8 نومبر، 2018

پلاسٹک سے پھیلنے والی آلودگی ختم کرنے کے لئے، پلاسٹک کی ری سائیکلنگ کاجدید مقابلہ ' دی داسانی ڈسکوری چیلنج '

 

پلاسٹک سے پھیلنے والی آلودگی ختم کرنے کے لئے، پلاسٹک کی ری سائیکلنگ کاجدید مقابلہ  ' دی داسانی ڈسکوری چیلنج ' 



کراچی: کوکا۔کولا کمپنی کے بوتل میں پینے کے صاف پانی کے برانڈ داسانی (Dasani) ملک گیر سطح پر پلاسٹک کی ری سائیکلنگ کاجدید مقابلہ منعقد کروارہا ہے، اس مقابلہ کا عنوان ' دی داسانی ڈسکوری چیلنج ' ہے۔ اس مقابلہ کا اعلان کراچی میں ٹیکنالوجی انکیوبیٹر اور کمیونٹی مرکز پاکستان سوفٹ ویئر ہاؤسز ایسوسی ایشن (پاشا) میں دی نیسٹ آئی/او کی جانب سے دو روزہ دوسری سالانہ ٹیکنالوجی کانفرنس 021 ڈس رپٹ (021Disrupt)میں کیا جائیگا جو 10نومبر سے شروع ہوکر11نومبر کو اختتام پذیر ہوگی۔ اس اوپن مقابلے میں کمپنی کے عالمی عزم 'کچرے سے پاک دنیا ' پر کام میں ہم آہنگی کے ساتھ جدید، موثر، قابل عمل اور کم لاگت کے آئیڈیاز کے ذریعے ہر طرح کے پلاسٹک کچرے کو کم کرنے اور اسے ری سائیکل کرنے کے طریقوں کا جائزہ لیا جائے گا۔ 

داسانی ڈسکوری چیلنج میں شرکاء کو اپنے بہترین نئے آئیڈیاز سامنے لانے کے لئے مدعو کیا جائے گا جو پلاسٹک سے پھیلنے والی آلودگی سے نمٹنے کے لئے قابل عمل اور انتہائی موثر ہوں گے۔ یہ آئیڈیاز چاہے پلاسٹک ویسٹ مینجمنٹ کے وسیع شعبہ میں کسی بھی حصہ سے تعلق رکھتے ہوں، جیسے پلاسٹک کے استعمال میں کمی، پلاسٹک کچرا جمع کرنا، ترتیب سے ان کا انتظام اور ری سائیکلنگ وغیرہ شامل ہیں ۔ اس مقابلہ کے شرکاء کے لئے بنیادی توجہ اس بات پر ہوگی کہ وہ جدید آئیڈیاز سامنے لائیں، جن میں پولی تھائی لین ٹیرفتھالیٹ (پی ای ٹی) پلاسٹک کو جمع کرنے کا ماڈل اور آگہی پیدا کرنے کی حکمت عملیاں، پی ای ٹی کو ترتیب کے ساتھ منظم رکھنے کا ماڈل، کوکا۔کولا کی پی ای ٹی بوتلوں کو عام پلاسٹک کچرے سے الگ کرنا (شاپنگ بیگز، ریپرز، لیبلز، فوڈ پیکجنگ وغیرہ) اور پی ای ٹی کیلئے موثر اور ماہرانہ ری سائیکلنگ ماڈلز شامل ہیں۔ 

کوکا۔کولا کمپنی پاکستان و افغانستان کے جنرل منیجر رضوان خان نے اس سرگرمی کے بارے میں اظہار خیال کرتے ہوئے کہا، "ایک ذمہ دار کاروباری ادارہ ہونے کے طور پر کوکا۔کولا کمپنی ماحولیاتی تحفظ کے لئے وسیع اقسام کے مختلف اقدامات میں پہل کرنے پر یقین رکھتی ہے۔ اس ہدف کے حصول کے لئے کمپنی مقامی تنظیموں، این جی اوز، انڈسٹری، حکومت اور صارفین کے ساتھ فعال انداز سے اشتراک کر رہے ہیں۔ ہم اکھٹے ہو کر اس بات کو یقینی بنانا چاہتے ہیں کہ فیکٹری اور گھروں سے نکلنے کے بعد پیکیجنگ کو تلف ہونے کیلئے اس مقام تک پہنچنے سے روکیں جہاں سے اس کا تعلق نہیں ہے ۔"

ویسٹ مینجمنٹ کے عالمی بحران کے تناظر میں کوکا۔کولا کمپنی نے 19 جنوری 2018 کو اپنی پروڈکٹ پیکیجنگ پالیسی 'کچرے سے پاک دنیا ' کا آغاز کیا ہے جس میں کمپنی بھرپور انداز اور پر عزم ہدف کے ساتھ سال 2030 تک ہر ایک کے لئے بوتل یا کین واپس لینے میں معاونت کرے گی۔ کمپنی کا ہدف یہ ہے کہ سال 2030 تک ری سائیکلنگ کو مزید قابل رسائی بنا کر 100 فیصد کچرا جمع اور ری سائیکل کیا جاسکے، جس سے لوگوں میں آگہی پیدا ہو کہ یہ کچرا کہاں اور کس طرح سے ری سائیکل کیا جاتا ہے ، ہم اپنی پیکیجنگ کو 100 فیصد د وبارہ قابل استعمال بنانے کے لئے مسلسل کوشاں ہیں ۔ 

کوکا۔کولا کی جانب سے انفرادیت اور ماحول دوستی پر مبنی اس مقابلہ کا اعلان ٹیکنالوجی کانفرنس 021 ڈس رپٹ کے دوسرے روز 11 نومبر 2018 کو کیا جائے گا اور اس سلسلے میں انٹریز 11نومبر سے لیکر 11 دسمبر 2018 تک وصول کی جائیں گی۔ اس مقابلے میں حصہ لینے اور مقابلے سے متعلق مزید تفصیلات اس لنک (www.coca-colajourney.com.pk) پر دستیاب ہوں گی۔ اس مقابلے کے بارے میں مزید سوالات کے لئے شرکاء اس ای میل (cpakistanpac@coca-cola.com) پر رابطہ کرسکتے ہیں۔ 




کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں