حبیب بینک نے اپنے صارفین کو ڈیٹا محفوظ ہونے کی یقین دہانی کرادی، بینک کے مطابق سسٹم پر کوئی سائبر حملہ نہیں ہوا

حبیب بینک نے اپنے صارفین کو ڈیٹا محفوظ ہونے کی یقین دہانی کرادی، بینک کے مطابق سسٹم پر کوئی سائبر حملہ نہیں ہوا



کراچی : دنیا بھر بشمول پاکستان میں ای کامرس اور پلاسٹک منی (کارڈز) کے استعمال کا بڑھتا ہوا رجحان دیکھنے میں آیا ہے،جس کے بعد کسٹمرز کے فنانشل ڈیٹا کو نقصان پہنچانے کی کوششوں اور واقعات میں بھی اضافہ ہوا ہے۔جہاں دنیا بھر میں مالیاتی ادارے اپنے کسٹمرز کو محفوظ اور باسہولت ماحول فراہم کرنے کے لیے ان چیلنجز سے نبردآزما ہورہے ہیں ، HBL بھی اس سے مستثنیٰ نہیں۔ 

سائبر حملوں سے متعلق حالیہ خبروں کے پیشِ نظر ، HBL اپنے کسٹمرز کو یقین دہانی کراتا ہے کہ HBL اور اس کے کسٹمرز اِن حملوں سے محفوظ ہیں۔ ہمارے تمام سسٹم باخوبی آپریٹ کررہے ہیں اسی لیے اب تک کسٹمرز کی معلومات کو نقصان پہنچنے کا کوئی واقع پیش نہیں آیا۔ برائے مہربانی HBL کی تمام سروسز اور پروڈکٹس بلا جھجک اور پُراعتماد انداز میں استعمال کرتے رہیں۔

پاکستان کا سب سے بڑا بینک ہونے کی حیثیت سے ،HBL اپنے کسٹمرز کی معلومات کو محفوظ بنانے کے لیے ریگولیٹرز اور گلوبل پیمنٹ سروس فراہم کنندگان کے ہمراہ کام کرتا ہے۔اپنے کسٹمرز کے اعتماد اور بھروسے کو قائم رکھنے کے لیے ہم مسلسل مصروفِ عمل ہیں۔ ہم اپنے کسٹمرز کے تحفظ اور سیکورٹی کو یقینی بنانے کے لیے مسلسل اپنے سسٹم کو بہتر بنانے میں کوشاں ہیں۔ ہم اپنے کسٹمرز کو دھوکہ دہی کی سرگرمیوں سے بچنے کی آگاہی اوررہنمائی کے لئے باقاعدگی سے بذریعہ ایس ایم ایس، ای میلز ، سوشل میڈیا، لیف لیٹس/بروشرز اور معلوماتی پیغامات بذریعہ اپنے ڈیجیٹل پلیٹ فارمزکئی اقدامات کررہے ہیں ۔

HBL اپنے کسٹمرز کی فنانشل سیکورٹی کو اوّلین ترجیح دیتا ہے اور HBL کی مینجمنٹ اپنے تمام کسٹمرز کو اس بات کی یقین دہانی کراتی ہے کہ ہم اپنے سسٹم کو اس قسم کے چیلنجز سے نبردآزما ہونے اور اپنے کسٹمرز کی معلومات اور ڈیٹا کو محفوظ بنانے کے لیے مسلسل بہترین اقدامات کررہے ہیں۔ 


Post a Comment

Thank you for your valuable comments and opinion. Please have your comment on this post below.

Previous Post Next Post