30 نومبر، 2018

ایم۔پی۔اے چترال مولانا ہدایت الرحمان کا یو۔سی کوہ کا دورہ، گولین گول پراجیکٹ ڈائریکٹر جاوید افریدی سے ملاقات ،اہم امور پر بات چیت اور کوغزی میں شریف حسین کے دولت خانے پر عوام کیساتھ نشست

 

ایم۔پی۔اے چترال مولانا ہدایت الرحمان کا یو۔سی کوہ کا دورہ، گولین گول پراجیکٹ ڈائریکٹر جاوید افریدی سے ملاقات ،اہم امور پر بات چیت اور کوغزی میں شریف حسین کے دولت خانے پر عوام کیساتھ نشست



چترال، کوغزی ( ایم۔فاروق )  تفصیلات کیمطابق جمعرات کے سہ پہر ممبر صوبائی اسمبلی چترال مولانا ہدایت الرحمان کوغزی کا مختصر دورہ کیا ۔ اس دوران ان کے ہمراہ پارٹی کے ارکان بھی موجود تھے۔ وہ آج یو۔سی کوہ کے دورے پر تھے ۔اس دوران واپڈا آفس کوغزی میں گولین گول ہائیڈرو پاور کے پراجیکٹ ڈائریکٹر جاوید آفریدی اور واپڈا آفیشل سٹاف کے ساتھ بھی ملاقات کی ۔ اس ملاقات میں گولین گول پراجیکٹ کی عوام کی بنیادی مطالبات(مقامی لوگوں کی ملازمتیں، بجلی کی رائیلٹی، فنڈ کی منظوری اور دیگر مسائل ) کے حوالے سے اظہار خیال کیا گیا۔

بعد ازاں ایم۔پی۔اے مولانا ہدایت الرحمان نے گولین ویلی ، مروئی ،موری لشٹ اور برنس سمیت یوسی کوہ کے دیگر دیہات کی عوام سے ملاقات کے بعد واپسی پر کوغزی میں پاکستان پیپلز پارٹی ضلع چترال کے سینئر وائس پریزیڈنٹ جناب شریف حسین کے دولت خانے پر کوغزی کے لوگوں سے ملاقات کی ۔ 

کوغزی کی عوام نے اپنے مہمان کا پر رونق استقبال کیا اور شریف حسین صاحب کے دولت خانے پر ایک مختصر نشست ہوئی ۔ اس اجلاس کا آغاز باقاعدہ طور پر تلاوت قرآن پاک سے ہوا جسکی مہتمم جامعہ تعلیم القرآن کوغزی قاری بشیر احمد نے حاصل کرلی۔ بعد ازاں چئیرمن گولین گول پاور کمیٹی کوغزی شریف حسین نے اپنے مہمان کا خصوصی طور شکریہ ادا کرتے ہوئے کہا کہ کوغزی میں تعمیر شدہ گولین گول پراجیکٹ سے علاقے میں ترقی تو ہوئی لیکن متاثرین اپنے حقوق کےلئے ابھی تک در بدر ٹھوکریں کھا رہے ہیں ،انکے بنیادی مطالبات منظور نہیں ہوئے جن میں لائن بچھاتے کے دوران درختوں کی بے دریغ کٹائی کے جائز معاوضے، مشیلیک کی زمینات مکمل ادائیگی ، واٹر چینلز کی بحالی ، رائیلٹی بنیاد پر بجلی کی فراہمی اور CBM کے تحت منظور شدہ تین کروڑ رقم شامل ہیں جو کہ ابھی تک کوغزی کے متاثرین کو ادا نہیں کی گئی ہے۔

واضح رہے کہ ایم۔پی۔اے مولانا ہدایت الرحمان نے کہا کہ واپڈا میں دوسرے اضلاع کے لوگوں کو ملازمت دینے کے حوالے سے من گھڑت باتوں کی یقین دہانی کے لیے تمام ریکارڈ چیک کرلیا جس میں کچھ روز قبل چترال کے دوسرے علاقوں کے دو افراد کو بھرتی کیا گیا ہے باقی سٹاف کو سزا کے طور پر دیگر اضلاع سے کوغزی تبادلہ ہوا ہے۔ انھوں نے مزید کہا کہ CBM فنڈ(3 کروڑ) کے حوالے سے پی۔ڈی جاوید آفریدی کے بقول کوغزی کی عوام کی نا اتفاقی کی وجہ سے یہ فنڈ تاخیر کا شکار ہے جبکہ گولین کی عوام کو عنقریب ادا کی جائے گی ۔ تاہم حتمی طور پر یہ فیصلہ طے ہوا کہ پاور کمیٹی کی میٹنگ کے بعد ایم۔پی۔اے چترال مولانا ہدایت الرحمان پراجیکٹ ڈائریکٹر سے ملاقات کرکے یہ فنڈ اور دیگر مسائل حل کرنے میں اپنا کردار ادا کرے گا جس پر شرکاء نے ان کا شکریہ ادا کیا۔



کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں