30 نومبر، 2018

گولین گول پاور کمیٹی کے چیئرمین کی کوششوں سے کوغزی اور گولین متاثرین کے مطالبات منظور

 

گولین گول پاور کمیٹی کے چیئرمین  کی کوششوں سے کوغزی اور گولین متاثرین کے مطالبات منظور، پراجیکٹ ڈائریکٹر جاوید آفریدی کا چئیرمن گولین گول پاور کمیٹی شریف حسین کو پراجیکٹ شروع کرانے کے حوالے سے خط ارسال



چترال، کوغزی (ایم۔فاروق ) گولین گول پاور پراجیکٹ کے متاثرین کےلئے جو کہ اس پراجیکٹ کے آغاز سے ابتک اپنے مطالبات کے حق میں آواز اٹھاتے رہے اور "کوغزی پوسٹ" ٹیم بھی ان کی آواز بنی رہی، بار بار خبر شائع کی گئی اور وقت کے ساتھ ساتھ گولین گول پاؤر کمیٹی بھی متحرک رہی ۔ کئی بار جلسے جلوس کئے گئے لیکن کسی کا بھی  ٹس سے مس نہیں ہورہا تھا ۔کچھ روز قبل واپڈا گیٹ کے سامنے ایک احتجاجی مظاہرہ بھی ہوا تھا جس میں متعلقہ محکمہ کو CBM کی ادائیگی کیلئے ڈیڈ لائن دی گئی تھی۔ 

آخر کار ان متاثرین کی محنت رنگ لے آئی۔ گزشتہ روز ممبر صوبائی اسمبلی چترال مولانا ہدایت الرحمان نے گولین گول پراجیکٹ ڈائریکٹر محمد جاوید افریدی سے ملاقات کی تھی جس میں گولین گول پراجیکٹ کی متاثرہ عوام کی بنیادی مطالبات(مقامی لوگوں کی ملازمتیں، بجلی کی رائیلٹی، فنڈ  کی منظوری اور دیگر مسائل ) سمیت خصوصی طور پر سی۔بی۔ایم (  CONFIDENT BUILDERING MEASURE) فنڈ کے حوالے سے تفصیلی بات چیت ہوئی۔ جس کے بعد ایم۔پی۔اے مولانا ہدایت الرحمان نے گولین گول پاور کمیٹی کے چیئرمین شریف حسین سے بھی انکے دولت خانے پر ملاقات کی اور مندرجہ بالا مسائل پر گفتگو ہوئی ۔ 

واضح رہے کہ اس کامیاب میٹنگ کے بعد پراجیکٹ ڈائریکٹر جاوید آفریدی نے واپڈا کے افسران بالا کی مشاورت سے گولین گول پاور کمیٹی کے چیئرمین شریف حسین کو خط ارسال کیا جس میں انھوں نے لکھا ہے کہ تمام پراجیکٹ کا تخمینہ تیار کیا گیا اور اور عنقریب اس پر غور کرکے حتمی شکل دی جائے گی۔


کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں