9 نومبر، 2018

آن لائن اشتہارات کے لئے مشہور ویب سائیٹ OLX نے اپنی ویب سائیٹ یکسر تبدیل کردی، لوگو بھی نیا بنادیا

 

کراچی (ٹیکنالوجی ڈیسک) اولیکس OLX سنہ 2006ء سے آن لائن کلاسیفائیڈ اشتہاروں کا مارکیٹ لیڈر ہے اور دنیا بھر میں کسٹمرز کو تقریباً ہر شے کی خریداری، فروخت اور تبادلے میں مدد فراہم کرتا ہے۔عالمی سطح پر OLX پینتیسسے زائد مارکیٹوں اور پچاس سے زائد زبانوں میں لاکھوں کسٹمرز کو خدمات فراہم کرتا ہے۔گزشتہ روز، OLXنے اپنے قیام کے وقت سے اب تک کا سب سے بڑا اپ ڈیٹ جاری کیا ہے اورپوری ایپ اور ویب کے تجربہ کو تبدیل کرنے کے ساتھ برانڈ کی نئی شناخت متعارف کرائی ہے۔

دنیا بھر میں سے پاکستان وہ پہلا ملک ہے جہاں OLX نے اپنا نیا برانڈ اور پلیٹ فارم متعارف کرایا ہے ؛ اس کا مطلب ہے کہ پاکستان میں OLX استعمال کرنے والے باقی دنیا کے OLXاستعمال کرنے والوں سے بھی پہلے ان تبدیلیوں کا تجربہ حاصل کر سکیں گے۔

اس تبدیلی سے کلاسیفائیڈ اشتہاروں کے تجربہ کو جدید بنانے اور پاکستان کے بارے میں ایک اہم مارکیٹ کاتصور اجاگر کرنے کے لیی OLX کے ارادے کا اظہار ہوتا ہے۔

 آن لائن اشتہارات کی ویب سائٹ نے لگ بھگ 12 سال بعد اپنی سب سے بڑی اپ ڈیٹ کرتے ہوئے لوگو، ایپ اور ویب سائٹ کو مکمل طور پر تبدیل کردیا ہے۔ کمپنی کے مطابق دنیا بھر میں سے پاکستان پہلا ملک ہے جہاں او ایل ایکس نے اپنا نیا برانڈ اور پلیٹ فارم متعارف کرایا ہے۔ کمپنی کا کہنا ہے کہ یہ تبدیلی پاکستان کو ایک اہم مارکیٹ کے طور پر اجاگر کرنے، روایتی کلاسیفائیڈ اشتہاروں کو جدید بنانے کا حصہ ہے، اس نئی اپ ڈیٹ کے ذریعے زیادہ اینڈ-ٹو-اینڈ سروسز پیش کی گئی ہیں

جبکہ استعمال کرنے والوں کو خریدو فروخت کے لیے زیادہ آپشنز فراہم کیے گئے ہیں۔ تاہم کمپنی کے نئے لوگو کو پہلے کے مقابلے میں برکشش قرار نہیں دیا جا سکتا ۔ اگر پہلے لوگو 3 رنگوں کے ساتھ زیادہ نمایاں تھا، تو اب تینوں الفاظ یعنی او ایل ایکس کے پس منظر کو نیلا کر دیا گیا ہے جبکہ ایل کو اس طرح تحریر کیا گیا ہے کہ آئی کی طرح نظر آ رہا ہے، جو کہ صارف کو الجھن میں ڈال سکتا ہے کہ یہ او ایل ایکس (OLX) ہے یا او آئی ایکس (OIX)۔ کمپنی کے مطابق یہ نیا لوگو لندن کی ڈیجیٹل ایجنسی کی مدد سے تیار کیا گیا مگر جیسا اوپر لکھا جاچکا ہے کہ یہ دیکھنے میں کچھ متاثرکن نہیں، ویسے آپ کیا سوچتے ہیں یہ بتانا مت بھولیں۔ اس موقع پر کمپنی کے کنٹری منیجر بلال باجوہ نے اپنے بیان میں کہا کہ ہم اپنے پلیٹ فارم میں بڑی تبدیلیاں لا رہے ہیں، ان تبدیلیوں میں چیٹ، پوسٹنگ، براؤزنگ اور سوشل ایکسپیرینس شامل ہیں۔ ان کا کہنا تھا کہ متعدد ایسے نئے فیچرزشامل کیے گئے ہیں جو اس سروس کو استعمال کرنے والوں کے لیے اشیاءکی خرید و فروخت کو زیادہ آسان اور تیزتر بناتے ہیں۔

OLXکے اعلان کے مطابق یہ تبدیلی روایتی کلاسیفائیڈ اشتہاروں سے بڑھ کر توسیع کی خواہش کا حصہ ہے۔ اس میں زیادہ اینڈ-ٹو-اینڈ سروسز پیش کی گئی ہیں اور استعمال کرنے والوں کو خریدو فروخت کے لیے زیادہ دانشمندانہ آپشنز فراہم کیے گئے ہیں۔اس موقع پر OLX Pakistan کے کنٹری منیجر، بلال باجوہ نے کہا،’’یہ ہمارا سب سے بڑا پلیٹ فارم ہے اور اس میں ہم بڑی تبدیلیاں لا رہے ہیں۔
ان تبدیلیوں میں چیٹ، پوسٹنگ، براؤزنگ اور سوشل ایکسپیرئینس شامل ہیں جب کہ ایپ کا سائز 40 فیصد چھوٹا ہو گیا ہے۔‘‘ بلال باجوہ نے مزید کہا،’’یہ نیا ورژن، استعمال کرنے والوں کے تجربہ کو نمایاں طور پر بہتر بنائے گا۔ اس میں متعدد ایسے نئے فیچرزشامل کیے گئے ہیں جو استعمال کرنے والوں کے لیے خریدنا، اوربیچنا زیادہ آسان اور تیزتر بناتے ہیں۔



کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

تازہ ترین خبریں