15 جنوری، 2019

ویلنٹائن ڈے کی جگہ سسٹرز ڈے نے لی، پاکستان کے ایک مقامی یونیورسٹی کی جانب سے بڑا اعلان سامنے آگیا

 

ویلنٹائن ڈے کی جگہ سسٹرز ڈے نے لی، پاکستان کے ایک مقامی یونیورسٹی کی جانب سے بڑا اعلان سامنے آگیا


فیصل آباد (ویب ڈیسک) ویلنٹائن ڈے کی جگہ سسٹرز ڈے نے لی، ایک مقامی یونیورسٹی کی جانب سے بڑا اعلان سامنے آگیا ہے۔ تفصیلات کے مطابق فیصل آباد کی زرعی یونیورسٹی نے مغربی کلچر کیخلاف اعلان جنگ کردیا ہے، 14فروری کو ویلنٹائن ڈے کی جگہ سسٹرز ڈے منانے کا اعلان کردیا ہے ۔

پاکستان میں مغربی کلچر کے انکار کی صدائیں بلند ہونے لگیں، ویلنٹائن ڈے کے حوالے سے فیصل آباد کی زرعی یونیورسٹی نے بڑا فیصلہ کرلیا ۔ اسلامی روایت کو پروان چڑھانے کے لئے 14 فروری کو ویلنٹائن کی جگہ سسٹرز ڈے منایا جائے گا۔ اور کیمپس کی فیمیل طالب علموں کو سکاف اور عبایہ تخفے میں دئیے جائیں گے۔ یونیورسٹی کے وائس چانسلر ظفر اقبال رندھاوا نے کہا ہے کہ بعض مسلمانوں ویلنٹائن ڈے خوف میں بدل دیا ہے، میری سوچ یہ ہے کہ اگر اس دن آپ کو خوف ہورہا ہے تو اسے ایک موقع میں تبدیل کردیں۔ 

جامعہ کے وائس چانسلر ڈاکٹر ظفر اقبال رندھاوا کا کہنا ہے کہ لڑکے چودہ فروری کو اسکارف اور عبایا تحفے میں دیں گے، مخیر حضرات آگے آئیں اور اسکارف وغیرہ کیلئے فنڈز مہیہ کریں۔

وائس چانسلر زرعی یونیورسٹی فیصل آباد کہتے ہیں کہ اُن کے ہی ذہن میں یہ آئیڈیا آیا کہ ویلنٹائن ڈے کی جگہ بہنوں کا دن منانا چاہیئے جبکہ طلبہ کی جانب سے اس عمل کو سراہا جارہا ہے ۔

انہوں نے کہا کہ ہم اپنی ثقافت کو بھول رہے ہیں اور مغربی ثقافت کو اپنے اوپر حاوی کر رہے ہیں، طالبات کو اسکارف، شال تحفے میں دیئے جائیں گے، استاد ہونے کے ناطے ہمیں ہی اپنی روایات زندہ کرنا ہوں گی ۔



کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

loading...

تازہ ترین خبریں