18 فروری، 2019

چترال: سنو سکینگ کا دلچسپ کھیل وادی مڈگلشٹ میں احتتا م پذیر۔ اس کھیل میں تین سو کھلاڑیوں نے حصہ لیا۔ بچیوں نے بھی سنو سکینگ کا مظاہرہ کیا۔

 

چترال: سنو سکینگ کا دلچسپ کھیل وادی مڈگلشٹ میں احتتا م پذیر۔ اس کھیل میں تین سو کھلاڑیوں نے حصہ لیا۔ بچیوں نے بھی سنو سکینگ کا مظاہرہ کیا۔


چترال (گل حماد فاروقی) جنت نظیر وادی مڈگلشٹ میں پہلی مرتبہ باقاعدہ طور پر منانے والا سنو سکینگ فیسٹیویل احتتام پذیر۔ اس کھیل میں مقامی کھلاڑیوں کے علاوہ سوات، گلگت ، اسلام آباد، پنجاب اور ملک کے دیگر حصوں سے بھی سنو سکینگ کھلاڑیوں اور چیمپین نے حصہ لیا اور تماشائیوں کو محظوظ کیا۔ 

اس خوبصورت کھیل میں چار کیٹیگریوں پر مشتمل کھلاڑیوں نے حصہ لیا۔ آٹھ سے بار ہ سال جن میں نذیر احمد نے اول پوزیشن حاصل کی روح الامین نے دوسری اور مرتضےٰ نے تیسری پوزیشن حاصل کی۔

تیر ہ سے سولہ کے کھلاڑیو ں میں عباد الرحمان نے اول ، عماد حسین نے دوسری جبکہ انعام اللہ نے تیسری پوزیشن حاصل کی۔

سولہ سے پچیس سال کے عمر کے کھلاڑیوں میں عاشق حسین نے پہلی پوزیشن، واصف علی نے دوسری جبکہ سلطان نے تیسری پوزیشن حاصل کی۔

چبیس سے پچپن سال کے عمر کے کھلاڑیوں میں عبد الحفیظ نے پہلی پوزیشن حاصل کی، برہان نے دوسری اور سید جعفر نے تیسری پوزیشن حاصل کی۔ 

شہزادہ سکندر الملک جو چترال پولو ایسوسی ایشن کا صدر بھی ہے نے ہمارے نمائندے کو بتایا کہ میں صوبائی ٹورزم تھنگ ٹینکر کا رکن بھی ہوں مگر مجھے حیرانگی اس بات پر ہے کہ ایک طرف صوبائی حکومت دعویٰ کرتی ہے کہ وہ سیاحت کو فروغ دیں گے اور چترال سب سے اول نمبر پر ہے مگر دوسری طرف اس دلچسپ کھیل میں کسی نے شرکت بھی نہیں کی اور نہ کوئی فنڈ فراہم کی۔ 

حاجی انذر گل نے کہا کہ یہاں دو کھلاڑیوں کے ٹانگ ٹوٹ گئے مگر انتظامیہ کی جانب سے کوئی ڈاکٹر بھی موجود نہیں ہے اور نہ کوئی میڈیکل کیمپ لگایا گیا ہے۔ 

بریگیڈئیر افندی کا کہنا ہے وہ ساٹ سالوں سے سنو سکینگ کھیل رہا ہے مگر یہاں آکر اس کی خیرانگی کی انتہاء نہ رہی کہ یہ حطہ قدرتی طور پر اس کھیل کیلئے نہایت موزوں ہے انہوں نے اس بات پر نہایت مایوسی کا اظہار کیا کہ صوبائی حکومت یا ضلعی انتظامیہ کی جانب سے مڈگلشٹ میں پہلی بار منعقد کرنے والا سنو سکینگ کھیلنے والے کھلاڑیوں اور تنظیم کے اراکین کی حوصلہ افزائی بھی نہیں کی گئی نہ سڑک کو ٹریفک کیلئے کھول دیا گیا۔ انہوں نے مقامی لوگوں کو خراج تحسین ؛پیش کرتے ہوئے کہا کہ یہاں کوئی ہوٹل، ریسٹورنٹ یا گیسٹ ہاؤس نہیں ہے مگر تین سو مہمانوں کو مقامی لوگوں نے اپنے گھروں میں رکھ کر مہمان نوازی کی مثال قائم کی۔

ہندوکش سنو سپورٹس ایسوسی ایشن کے صدر شہزادہ حشا م الملک نے کہا کہ یہ کھیل پچھلے سو سالوں سے یہاں کھیلا جاتا ہے مگر اسے باقاعدہ طور پر ایک تہوار کے طور پر کبھی نہیں منایا گیا تھا ہم نے پہلی بار اسے منظم طریقے سے منایا جس میں ملک بھر کے کھلاڑیوں نے حصہ لیا اور چترال کے جن علاقوں میں بھی سنو سکینگ کی گنجائش موجود ہیں ہم ضرور وہاں یہ کھیل کھیلیں گے اور اسے بین الاقوامی سطح پر بھی روشناس کرایں گے۔ 

پروگرام کے احتتام میں کرنل معین الدین نے کھلاڑیوں میں انعامات تقسیم کئے۔ راستے پر پہلے سے پڑی ہوئی برف اور مزید برف باری نے لوگو ں کی مشکلات میں اضافہ کیا مگر انتظامیہ کی طرف سے سڑک کھولنے کیلئے کوئی قدم نہیں اٹھایا گیا۔ 

چند بچیو ں نے بھی اس کھیل میں حصہ لیتے ہوئے بتایا کہ ہم بہت خوش ہیں کہ پہلی بار یہاں کی بچیاں بھی سنو سکیگ میں حصہ لے رہے ہیں اور ہماری حواہش ہے کہ آئندہ بھی لڑکیوں کیلئے سنو سکینگ کھیلنے کا اہتمام کیا جائے۔ اس دلچسپ کھیل کو دیکھنے کیلئے کافی تعداد میں لوگ آئے تھے مگر مقامی ناظمین نے شکایت کی ضلعی انتظامیہ نہ صرف باہر سے آنے والے تماشایوں یہاں جانے سے روکتے بھے بلکہ مڈگلشت کے علاوہ چترال کے دیگر علاقوں سے آنے والے مقامی لوگوں کو بھی مڈگلشٹ نہیں چھوڑتے تھے جس کی وجہ سے تماشائیوں کی تعداد کم ررہی مگر اس کے باوجود وادی میں کافی لوگ جمع تھے۔ 











کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

loading...

تازہ ترین خبریں