18 فروری، 2019

سعودی ولی عہد کی خیبر پختونخوا میں فرمان خان شہید کے نام پر طبی مرکز قائم کرنے کی ہدایت

 

سعودی ولی عہد کی خیبر پختونخوا میں فرمان خان شہید کے نام پر طبی مرکز قائم کرنے کی ہدایت



اسلام آباد (سعودی پریس ایجنسی) سعودی عرب کے ولی عہد اور وزیر دفاع شہزادہ محمد بن سلمان بن عبدالعزیز نے صوبہ خیبر پختونخوا میں پاکستانی شہری فرمان خان شہید کے نام پر اس کے آبائی علاقے میں ایک طبی مرکز قائم کرنے کی ہدایت جاری کی ہے۔

پاکستان کے دورے پر آئے ہوئے سعودی ولی عہد کی یہ خصوصی ہدایت مملکت میں انسان دوست کارنامہ انجام دینے والے دلیر پاکستانی شہری کے اہل خانہ کے حوالے سے شہزادہ محمد بن سلمان کی ذاتی دل چسپی کو ظاہر کرتی ہے۔ ساتھ ہی اس سے دونوں برادر ملکوں کے درمیان اخوت اور انسانیت کے منفرد تعلق کا بھی اندازہ ہوتا ہے۔

طبی مرکز کے قیام کی ہدایت سعودی ولی عہد کی جانب سے فرمان خان کے گھرانے کی براہ راست اور صوبے کے لوگوں کی بالواسطہ فکر کی عکاس ہے۔

یاد رہے کہ سعودی عرب میں مقیم پاکستانی شہری فرمان خان نے جدہ میں 1430 ہجری میں آنے والے سیلاب کے دوران بے مثال دلیری کا مظاہر کرتے ہوئے 14 افراد کو ڈوبنے سے بچا لیا تھا۔ بعد ازاں مزید افراد کو سیلابی ریلے سے نکالنے کے دوران فرمان نے خود جام شہادت نوش کر لیا۔ اس کارنامے کے اعتراف میں فرمان خان کو کنگ عبدالعزیز ایوارڈ سے نوازا گیا جب کہ جدہ شہر کی ایک سڑک بھی اس کے نام سے موسوم کر دی گئی تھی۔




کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

loading...

تازہ ترین خبریں