اپنے فیس بک آئی ڈی سے بھی آپ ویب سائیٹ پر کسی نیوز
یا بلاگ پر کومنٹ کرسکتے ہیں۔

8 فروری، 2019

وزیراعظم عمران خان کی امریکن بزنس کونسل کے وفد سے گفتگو

 

وزیراعظم عمران خان کی امریکن بزنس کونسل کے وفد سے گفتگو

اسلام آباد (اے پی پی) وزیراعظم عمران خان نے کہا ہے کہ حکومت کی معاشی پالیسیوں کا مقصد ملک میں دولت کی پیداوار، سرمایہ کاروں کو سہولت فراہم کرنا اور کاروبار میں آسانی ممکن بنانا ہے، ان پالیسیوں سے ملک میں روزگار کے مواقع میسر ہوں گے، غربت میں کمی آئے گی اور نوجوانوں کو ہنرمند بنانے کے مواقع فراہم ہوں گے۔ انہوں نے یہ بات امریکن بزنس کونسل کے وفد سے گفتگو کرتے ہوئے کہی جنہوں نے جمعرات کو وزیراعظم آفس میں ان سے ملاقات کی۔ امریکن بزنس کونسل پاکستان میں 65 امریکی کمپنیوں کی نمائندہ تنظیم ہے، یہ امریکی کمپنیاں معیشت کے ہر شعبہ میں موجود ہیں۔ وفد کے اراکین نے اس موقع پر گفتگو کرتے ہوئے حکومتی پالیسیوں پر اعتماد کا اظہار کرتے ہوئے کہا کہ پاکستان کےلئے سفر میں سہولت اور کاروبار میں آسانی کے ضمن میں حکومتی اقدامات مثالی ہیں۔ 

وزیراعظم نے کہا کہ پاکستان میں بیرونی سرمایہ کاری کی بے پناہ صلاحیت موجود ہے، سرمایہ کار دوست پالیسیوں کی بدولت عالمی سرمایہ کار کمپنیاں پاکستان میں مختلف شعبوں میں سرمایہ کاری کر رہی ہیں جو موجودہ حکومت کی معاشی اور اقتصادی پالیسیوں پر بھرپور اعتماد کا مظہر ہے۔

وزیراعظم نے وفد کو پاکستان کے مختلف شعبوں میں سرمایہ کاری میں حکومت کی طرف سے سہولیات فراہم کرنے کی یقین دہانی کرائی اور ملکی ترقی و خوشحالی میں کردار ادا کرنے پر بھرپور حوصلہ افزائی کی۔ وفد میں معروف امریکی اور بین الاقوامی سرمایہ کار کمپنیز کے نمائندے شامل تھے۔ وزیر خزانہ اسد عمر، وزیراعظم کے مشیر عبد الرزاق داو¿د اور چیئرمین بورڈ آف انوسٹمنٹ ہارون شریف بھی ملاقات کے موقع پر موجود تھے۔



کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

نوٹ: ٹائمزآف چترال کی انتظامیہ اور اداراتی پالیسی کا بلاگر کے خیالات سے متفق ہونا ضروری نہیں ہے۔ اگر آپ بھی چاہتے ہیں کہ آپ کا نقطہ نظر پاکستان اور دنیا بھر کے ناظرین تک پہنچے توآپ بھی قلم اٹھائیے اور 400 سے 700 الفاظ پر مشتمل اپنی تحریر تصویر، مکمل نام، فون نمبر، سوشل میڈیا آئی ڈیز اور اپنے مختصر مگر جامع تعار ف کے ساتھ ہمیں ای میل کریں ای میل ایڈریس timesofchitral@outlook.com آپ اپنے بلاگ کے ساتھ تصاویر اور ویڈیو لنک بھی بھیج سکتے ہیں۔

اپنے فیس بک آئی ڈی سے بھی آپ ویب سائیٹ پر کسی نیوز
یا بلاگ پر کومنٹ کرسکتے ہیں۔

تازہ ترین

مشہور اشاعتیں

loading...

تازہ ترین خبریں