11 اپریل، 2019

لکی سیمنٹ نے مینجمنٹ ایسوسی ایشن کی جانب سے کارپوریٹ ایکسلنس ایوارڈ حاصل کرلیا

 

لکی سیمنٹ نے مینجمنٹ ایسوسی ایشن کی جانب سے کارپوریٹ ایکسلنس ایوارڈ حاصل کرلیا


کراچی: لکی سیمنٹ نے سیمنٹ سیکٹر کی کیٹگری میں مینجمنٹ ایسوسی ایشن کی جانب سے کارپوریٹ ایکسلینس ایوارڈ جیت لیا ہے۔ لکی سیمنٹ کے ایگزیکٹو ڈائریکٹرسید نعمان حسن نے مینجمنٹ ایسوسی ایشن آف پاکستان کے 34 ویں سالانہ ایکسلنس ایوارڈ کے موقع پر ایوارڈ وصول کیا۔ مینجمنٹ ایسوسی ایشن آف پاکستان(ایم اے پی) کی جانب سے اس ایوارڈ کا آغاز 1982ء میں کیا گیا تھا، جو ترقی اور انتظامی امور میں شاندار کارکردگی کا مظاہرہ کرنے والی کمپنیوں کو ان کی کارکردگی کے اعتراف میں دیا جاتا ہے۔

اس موقع پر لکی سیمنٹ کے چیف ایگزیکٹو آفیسر محمد علی ٹبہ نے کہا کہ یہ ایوارڈ لکی سیمنٹ فیملی کیلئے شاندار کامیابی ہے جو سیمنٹ انڈسٹری میں لکی سیمنٹ کے مارکیٹ لیڈر ہونے کی عکاسی کرتا ہے۔

انہوں نے مزید کہا کہ ہمارے پاس قابل لوگوں کی پوری ٹیم موجود ہے جو کمپنی کو نئی بلندیوں تک لے جانے کیلئے انتھک محنت کرتی ہے، اپنے سٹیک ہولڈرز کی ضروریات پوری کرنا ہماری اوّلین ترجیح ہے، ہم اعلیٰ کاروباری طریقوں پر عمل پیرا ہیں اور ملک میں معاشی ترقی جیسے عظیم مقصد کو پورا کرنے کی کوشش کر رہے ہیں۔

انہوں نے کہا کہ لکی سیمنٹ کو سیمنٹ سیکٹر میں بہترین کارپوریٹ پریکٹسز اور اعلیٰ انتظامی امور پر عمل کرنے کی بنیاد پر یہ ایوارڈ دیا گیا ہے۔ میپ ایوارڈ بنیادی طور پر کسی کمپنی کی مینجمنٹ کی جانب سے بہترین کارپوریٹ اینڈ مینجمنٹ پریکٹسز، کارپوریٹ گورننس، کسٹمر اور مارکیٹ فوکس، ایچ آر سٹریٹجک پلاننگ اینڈ کمیونیکیشن، سماجی ذمہ داریوں، رسک مینجمنٹ، آئی ٹی انفرا سٹرکچر، سروس ڈیلوری اور سیکورٹی کی کارکردگی کی بنیاد پر دیا جاتا ہے۔


کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

تازہ ترین

مشہور اشاعتیں

loading...

تازہ ترین خبریں