اپنے فیس بک آئی ڈی سے بھی آپ ویب سائیٹ پر کسی نیوز
یا بلاگ پر کومنٹ کرسکتے ہیں۔

25 جون، 2019

ایمریٹس موسم گرما کے دوران اپنی پروازوں میں پھلوں سے تیار کردہ کھانے پیش کرے گا

 

ایمریٹس موسم گرما کے دوران اپنی پروازوں میں پھلوں سے تیار کردہ  کھانے پیش کرے گا



کراچی: ایمریٹس موسم گرما کے دوران اپنی پروازوں کے مینو میں موسم کے پھلوں سے تیار کردہ اشیاء خورد نوش پیش کرے گی۔ ایمریٹس کی پروازوں پر سالانہ 110 ملین کھانے پیش کئے جاتے ہیں۔ ایمریٹس کے شیفس دنیا بھر کے ممالک سے تعلق رکھنے والے مسافروں کے لئے موسم کے پھلوں سے تیار کردہ  علاقائی کھانوں کی تیاری میں مسلسل مصروف رہتے ہیں۔

اگلے دو ماہ میں ایمریٹس مخصوص پروازوں پر موسمی کھانوں کی مختلف اقسام پیش کرے گا۔ ان مخصوص کھانوں میں برطانیہ کی پرواز پر اسٹرابیریز سے تیار کردہ  Eton Mess    اور بھارت جانے والی پروازوں پر ایلفونسو آموں سے تیار کردہ کھیر اور کیک پیش کئے جائیں گے۔

جولائی میں برطانیہ اور آ ئرلینڈ کا سفر کرنے والے فرسٹ اور بزنس کلاس کے کسٹمرز تازہ  اسٹرا بیریز کھانے  کے ساتھ ساتھ بر طانیہ کے پسندیدہ میٹھےEton Mess سے بھی لطف اندوز ہوسکتے ہیں۔اس کے علاوہ  اسٹرابیری Eclairs ، وائٹ چاکلیٹ کریم، پیسٹری کرپس بھی پیش کئے جائیں گے۔ ایمریٹس کی برطانیہ اور آئر لینڈ کی پروازوں پر جولائی کے مہینے میں مختلف میٹھے تیار کرنے کیلئے 200 کلوگرام سے زیادہ تازہ  اسٹرا بیریز  استعمال ہوں گی۔ 

جولائی میں بھارت کا سفر کرنے والے مسافر  پرواز کی تمام کلاسز میں  ایلفو نسو آموں سے تیار کردہ میٹھے مسافروں کو پیش کریں گے۔فرسٹ کلاس اور بزنس کلاس کے مسافر ایلفونسو آموں  سے تیار کردہ کیک سے لطف اندوز ہو سکیں گے جبکہ اکانومی کلاس کے مسافر ایلفونسو آموں  اور ساگو کھیر تناول فرمائیں گے۔اس ایک مہینے تک جاری رہنے والے مینو میں تقریباََ چھ ٹن ایلفونسو آم استعمال ہوں گے۔ 

ایمڑیٹس اپنے کسٹمرز کو پورے سال خاص مواقعوں جیسے کہ چا ئنا کا نیا سال، رمضان اور ایسٹر کے تہواروں کے دوران موسمی پھلوں سے تیار کردہ انواع و اقسام کے کھانے پیش کرتی ہے۔ ایمریٹس نے جاپان، جرمنی، ایمسٹریڈم اور فرانس جانے والی پروازوں پر بھی موسمی پھلوں سے تیار کردہ علاقائی کھانے متعارف کروائے ہیں۔

ایمریٹس کے کچن سے روزانہ 520 پروازوں کیلئے طعام تیار کیا جاتا ہے۔ ایمریٹس کی 1,800  شیفس پر مشتمل ٹیم کے پاس  12,450 کھانوں کی تراکیب ہیں اور یہ ایک منٹ میں 209  کھانے پیش کرتے ہیں 

کھانے کے شوقین لوگ ایئر لائن کے ایوارڈ یافتہ انٹر ٹینمنٹ سسٹم  ’ice‘  پر دستیاب  ایمریٹس کے فوڈ چینلز سے بھی لطف اندوز ہو سکتے ہیں۔ 

Read this news in English


کوئی تبصرے نہیں:
Write comments

نوٹ: ٹائمزآف چترال کی انتظامیہ اور اداراتی پالیسی کا بلاگر کے خیالات سے متفق ہونا ضروری نہیں ہے۔ اگر آپ بھی چاہتے ہیں کہ آپ کا نقطہ نظر پاکستان اور دنیا بھر کے ناظرین تک پہنچے توآپ بھی قلم اٹھائیے اور 400 سے 700 الفاظ پر مشتمل اپنی تحریر تصویر، مکمل نام، فون نمبر، سوشل میڈیا آئی ڈیز اور اپنے مختصر مگر جامع تعار ف کے ساتھ ہمیں ای میل کریں ای میل ایڈریس timesofchitral@outlook.com آپ اپنے بلاگ کے ساتھ تصاویر اور ویڈیو لنک بھی بھیج سکتے ہیں۔

اپنے فیس بک آئی ڈی سے بھی آپ ویب سائیٹ پر کسی نیوز
یا بلاگ پر کومنٹ کرسکتے ہیں۔

تازہ ترین

مشہور اشاعتیں

loading...

تازہ ترین خبریں