اپنے فیس بک آئی ڈی سے بھی آپ ویب سائیٹ پر کسی نیوز
یا بلاگ پر کومنٹ کرسکتے ہیں۔

31 جولائی، 2019

جوبلی لائف انشورنس اور نیشنل بینک آف پاکستان اسلامی بنکاری گروپ اعتماد کے مابین بنکا تکافل کیلئے معاہدہ

جوبلی لائف انشورنس اور نیشنل بینک آف پاکستان اسلامی بنکاری گروپ اعتماد  کے مابین بنکا تکافل کیلئے معاہدہ 

جوبلی لائف انشورنس نے نیشنل بینک اعتماد کے ساتھ بنکا تکافل کا معاہدہ کیا ہے جس کے تحت ملک بھر میں نیشنل بینک کے اسلامک برانچ نیٹ ورک کے ذریعے بنکا تکافل کو متعارف کیا جائے گا۔ اس معاہدے پر جوبلی لائف کے منیجنگ ڈائریکٹر و سی ای او جاوید احمد اور نیشنل بینک آف پاکستان کے پریذیڈنٹ و سی ای او عارف عثمانی نے دستخط کئے۔ اس موقع پر دونوں اداروں کے اعلیٰ حکام بھی موجود ہیں۔ 


کراچی، 30جولائی، 2019۔ نیشنل بینک آف پاکستان کے اعتماد اسلامک بینکنگ گروپ (اے آئی بی جی) نے ملک میں نجی شعبے کے صف اول کے انشورنس ادارے جوبلی لائف انشورنس ونڈو تکافل آپریشنز کے ساتھ بنکا تکافل کا معاہدہ کیا ہے۔ اس معاہدے پر دستخط کی تقریب این بی پی کے ہیڈ آفس میں منعقد ہوئی۔ اس موقع پر تقریب میں نیشنل بینک آف پاکستان کے سی ای او اور پریذیڈنٹ عارف عثمانی، جوبلی لائف انشورنس کے سی ای او اور ایم ڈی جاوید احمد، نیشنل بینک کے اے آئی بی جی کے گروپ چیف فواد فرخ، جوبلی لائف انشورنس کے گروپ ہیڈ ریٹیل آپریشنز، ایکچوریل اینڈ انویسٹمنٹس شان ربانی، جوبلی لائف انشورنس کے ہیڈ آف بنکا شورنس کے سربراہ سید رضوان عزیز سمیت دونوں اداروں کے سینئر حکام موجود تھے۔ 

نیشنل بینک آف پاکستان کے پریذیڈنٹ عارف عثمانی نے اسلامی مالیاتی شعبے کی ترقی میں تکافل کی اہمیت پر زور دیتے ہوئے کہا کہ نیشنل بینک کا جوبلی لائف انشورنس کے ساتھ طویل عرصے سے کاروباری تعلق ہے اور اس اشتراک کے ذریعے صف اول کی انشورنس کمپنیوں میں شامل ادارے کی مہارت کے ساتھ نیشنل بینک کے وسیع برانچ نیٹ ورک بھی شامل ہوجاتا ہے جو صارفین کو باسہولت انداز کے ساتھ تکافل کی خدمات پیش کرتا ہے۔ 

فواد فرخ نے بتایا کہ نیشنل بینک کے اعتماد اسلامک بینکنگ گروپ اور جوبلی لائف انشورنس ونڈو تکافل آپریشنز نے بنکا تکافل کا معاہدہ کیا ہے جس کے تحت نیشنل بینک کے اعتماد اسلامک بینکنگ برانچ نیٹ ورک ریفرل ماڈل پر جوبلی لائف ونڈو تکافل آپریشنز کے ذریعے تکافل مصنوعات فراہم کرے گا۔ انہوں نے کہا کہ اس ادارے سے معاہدے کے ذریعے طویل عرصے تک باہمی تعلق کا رجحان متعارف ہوگا۔ اس اتحاد سے این بی پی اعتماد کے کلائنٹس کی بچت اور حفاظتی ضروریات کی تکمیل کی جائے گی۔ انہوں نے مزید کہا کہ این بی پی اپنے صارفین کے لئے سہولت اور بامعنی اہمیت پیدا کرنے کے ساتھ جدت انگیز مالیاتی خدمات کی فراہمی پر یقین رکھتا ہے۔ 

جوبلی لائف انشورنس کے ایم ڈی و سی ای او جاوید احمد نے اس موقع پر اظہار خیال کرتے ہوئے کہا، "بنکا تکافل شریعت سے مطابقت رکھنے والی مارکیٹ میں ایک نئے باب کا آغاز ہے اور اس انڈسٹری میں بہترین انداز سے شمولیت کے ساتھ اس نے پاکستان میں بھرپور ترقی کا مشاہدہ کیا ہے۔ ہم پراعتماد ہیں کہ نیشنل بینک کے اعتماد گروپ کے ساتھ ہماری اعلیٰ معیار کی خدمات کے ذریعے نئے قائم شدہ پلیٹ فارم سے طویل عرصے تک کاروباری مواقع پیدا ہوں گے۔" 

نیشنل بینک آف پاکستان ملک کا سب سے بڑا سرکاری مالیاتی ادارہ ہے جس نے سال 2006 میں اسلامی بنکاری کا آغاز کیا۔ اسلامی بنکاری کی مصنوعات اور خدمات کو مزید بہتر انداز سے متعارف کرانے کے لئے نیشنل بینک نے اپنی مستحکم برانڈ شناخت سے فائدہ اٹھانے کا منصوبہ بنایا ہے۔ اس نے اسلامی بنکاری کو سال 2013 میں اعتماد کے برانڈ نام کے ساتھ دوبارہ متعارف کرایا۔ اعتماد اعلیٰ معیار اور کم لاگت کی اسلامی بنکاری کی مصنوعات اور خدمات قوم کو فراہم کرتا ہے۔  

این بی پی کے اعتماد اسلامک بینکنگ نے اپنی اسلامی بنکاری برانچ کے نیٹ ورک میں غیرمعمولی ترقی کرلی ہے۔ سال 2012 میں اسلامی بنکاری کا برانچ نیٹ ورک 8 برانچز سے پھیل کر اب سال 2019 میں 190 برانچز تک بڑھ گیا ہے۔ یہ 85 سے زائد شہروں میں مستحکم انداز سے اپنی خدمات پیش کرتا ہے جن میں وہ علاقے بھی شامل ہیں جہاں کوئی دوسرا بینک موجود نہیں ہے۔ 

جوبلی انشورنس آغا خان فنڈ فار اکنامک ڈیولپمنٹ (AKFED)کا ایک عالمی برانڈ ہے جو ایشیا اور مشرقی افریقہ کی مارکیٹوں میں زندگی، صحت اور جنرل کے شعبوں میں مختلف بیمہ پالیسیاں پیش کرتا ہے۔ جوبلی لائف زندگی و صحت کے بیمہ اور ونڈو تکافل آپریشنز کے ساتھ پاکستان میں نجی شعبہ کی سب سے بڑی انشورنس کمپنی ہے۔ جوبلی لائف منفرد ترتیب دئیے گئے زندگی و صحت انشورنس کے منصوبے پیش کرتا ہے جو صارفین کے مختلف طبقات کی ضروریات کو پورا کرتے ہیں جن میں ریٹائرمنٹ، بچوں کی تعلیم، شادی، بچت اور تحفظِ زندگی، خواتین کیلئے خاص بیمہ زندگی پالیسیاں، دیہی علاقوں کیلئے بیمہ پالیسیاں اور ملک کے کم مراعات یافتہ طبقے کے لئے زندگی اور صحت کی پالیسیاں شامل ہیں۔ 




کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

نوٹ: ٹائمزآف چترال کی انتظامیہ اور اداراتی پالیسی کا بلاگر کے خیالات سے متفق ہونا ضروری نہیں ہے۔ اگر آپ بھی چاہتے ہیں کہ آپ کا نقطہ نظر پاکستان اور دنیا بھر کے ناظرین تک پہنچے توآپ بھی قلم اٹھائیے اور 400 سے 700 الفاظ پر مشتمل اپنی تحریر تصویر، مکمل نام، فون نمبر، سوشل میڈیا آئی ڈیز اور اپنے مختصر مگر جامع تعار ف کے ساتھ ہمیں ای میل کریں ای میل ایڈریس timesofchitral@outlook.com آپ اپنے بلاگ کے ساتھ تصاویر اور ویڈیو لنک بھی بھیج سکتے ہیں۔

اپنے فیس بک آئی ڈی سے بھی آپ ویب سائیٹ پر کسی نیوز
یا بلاگ پر کومنٹ کرسکتے ہیں۔

تازہ ترین

مشہور اشاعتیں

loading...

تازہ ترین خبریں