-->

اپنے فیس بک آئی ڈی سے بھی آپ ویب سائیٹ پر کسی نیوز
یا بلاگ پر کومنٹ کرسکتے ہیں۔

19 مارچ، 2020

پاکستان پاورٹی ایلیوئیشن فنڈ (پی پی اے ایف) نے دیہی علاقوں میں کورونا وائرس کے بارے میں آگہی فراہم کرنے کی مہم کا آغاز کر دیا ہے۔

 

پاکستان پاورٹی ایلیوئیشن فنڈ (پی پی اے ایف) نے دیہی علاقوں میں کورونا وائرس کے بارے میں آگہی فراہم کرنے کی مہم کا آغاز کر دیا ہے۔ 



اسلام آباد: کرونا وائرس کی عالمی وباء  پاکستان میں صحت عامہ کیلئے ایک واضح چیلنج بن گیا ہے اور لوگوں کے تحفظ کو یقینی بنانے کیلئے تمام ممکنہ اقدامات کئے جا رہے ہیں۔ اس بیماری کے بارے میں زیادہ سے زیادہ لوگوں کو آگاہی فراہم کرنے کیلئے خصوصاََ دیہی آبادی کو، پاکستان پاورٹی ایلیوئیشن فنڈ(پی پی اے ایف) نے ایک آگاہی مہم شروع کی ہے جس کے تحت ادارہ اس وائرس کے  بارے میں معلومات مقامی زبانوں سندھی، بلوچی اور پشتو میں فراہم کرے  گا۔ 

اس اقدام کا مقصدیہ ہے کہ آبادی کو ترجیہی بنیادوں پر کرونا وائرس کے بارے میں معلومات فراہم کر کے ان کی اس بیماری سے موثر انداز میں مقابلہ کر نے میں معاونت کی جائے۔ 

مقامی زبانوں میں معلومات فراہم کرنے کے پی پی اے ایف کا منفراد اقدام پاکستان کے دیہی علاقوں کے ان لوکوں کیلئے معاون ثابت ہوگا جن کی مادری زبان اردو نہیں ہے۔اس کاوش کی بدولت یہ لوگ اس بیماری کے اثرات کو بہتر انداز میں سمجھتے ہوئے خود کو اس جان لیوا مرض سے محفوظ رکھنے کے اقدامات کر سکیں گے۔ 

کروناوائر س کی علامات، اس سے تحفظ اور  اس کے علاج سے متعلق معلومات کو مختلف زرائع سے تقسیم کیا جائے گا۔ پی پی اے ایف کے پارٹنر اداروں کے مقامی نمائندے ان علاقوں میں بیماری سے بچاؤ کے لئے درکار اقدامات کا عملی مظاہرہ کر کے دکھائیں گے۔ مقامی سطح پر آگاہی کے لئے اقدامات کرنے کے ساتھ ساتھ تمام معلومات پی پی اے ایف کی آفیشل ویب سائٹ اور تمام سوشل میڈیا پلیٹ فارمز پر دستیاب ہوں گی کیونکہ اپنے پارٹنر اداوروں اور مقامی لوگوں کا تحفظ اور ان کی خوشحالی پی پی اے ایف کی نمایاں ترجیحات میں شامل ہے۔

ایک رپورٹ کے مطابق پاکستان کی 63فیصد آبادی دیہی علاقوں میں رہتی ہے اور ان میں سے زیادہ تر کی تعلیم، انٹرنیٹ یا اسمارٹ ڈیوائس تک رسائی ممکن نہیں ہے اس لئے ان کی معلومات انتہائی کم ہے۔ ان لوگوں کو حالات کے بارے میں آگاہی فراہم کرنے کیلئے یہ ضروری ہے کہ بیماری کے بارے میں   تمام معلومات سمجھنے میں آسان ہونے کے ساتھ ساتھ مقامی زبان میں دستیاب ہو۔

ملک میں ضرورت مند افرچ پر اخراجات کرنے والے بڑے زرائعوں میں شامل پاکستان پاورٹی ایلیوئیشن فنڈ پاکستان میں غربت کے خاتمے کے لئے کام کرنے والا ایک صف اول کا ادارہ ہے۔ یہ ادارہ پبلک پرائیوٹ پارٹنر شپ کے جذبے کو اُجاگر کرتے ہوئے غربت کے کثیر الجہتی مسئلے کو حل کرتے ہوئے ملک میں معاشی اور معاشرتی تبدیلی کے اہداف کو حاصل کرنے کیلئے کوشاں ہے۔ پی پی اے ایف کے پاس پورے پاکستان میں رسائی موجود ہے۔ 130 ادارے  پی پی اے ایف  پارٹنر ہیں جو 100,000سے زائد دیہاتوں / قصبوں  میں 133,000 کمیونٹی اداروں کے ساتھ جبکہ 137 تحصیلوں میں نچلی سطح پر 440,000 کریڈٹ / کامن انٹرسٹ گروپس کے تعاون سے خدمات فراہم کر رہے ہیں 




کوئی تبصرے نہیں:
Write comments

خبروں اور ویڈیوز کے لئے ہماری ویب سائیٹ وزیٹ کیجئے: پوسٹ پر تبصرہ کرنے کے لئے شکریہ۔ آپ کا تبصرہ جائزے کے بعد جلد پیج پر نمودار ہوجائے گا۔ شکریہ

نوٹ: ٹائمزآف چترال کی انتظامیہ اور اداراتی پالیسی کا بلاگر کے خیالات سے متفق ہونا ضروری نہیں ہے۔ اگر آپ بھی چاہتے ہیں کہ آپ کا نقطہ نظر پاکستان اور دنیا بھر کے ناظرین تک پہنچے توآپ بھی قلم اٹھائیے اور 400 سے 700 الفاظ پر مشتمل اپنی تحریر تصویر، مکمل نام، فون نمبر، سوشل میڈیا آئی ڈیز اور اپنے مختصر مگر جامع تعار ف کے ساتھ ہمیں ای میل کریں ای میل ایڈریس timesofchitral@outlook.com آپ اپنے بلاگ کے ساتھ تصاویر اور ویڈیو لنک بھی بھیج سکتے ہیں۔

اپنے فیس بک آئی ڈی سے بھی آپ ویب سائیٹ پر کسی نیوز
یا بلاگ پر کومنٹ کرسکتے ہیں۔

تازہ ترین

www.myvoicetv.com

مشہور اشاعتیں

loading...

تازہ ترین خبریں