پیٹرول کی قیمت بڑھے تو سمجھ جاؤ وزیراعظم چور ہے؛ سابق وزیرخزانہ، ایک ماہ میں 3 بار قیمت بڑھائی گئی

پیٹرول کی قیمت بڑھے تو سمجھ جاؤ وزیراعظم چور ہے؛ سابق وزیرخزانہ، ایک ماہ میں 3 بار قیمت بڑھائی گئی

کراچی (این این آئی 1 فروری 2021) پٹرولیم مصنوعات کی قیمتوں میں اضافے پر مسلم لیگ (ن) کے رہنما اور سابق وزیرخزانہ مفتاح اسماعیل نے کہا ہے کہ عمران خان کہتے تھے کہ پیٹرولیم مصنوعات کی قیمتوں میں اضافہ ہو تو سمجھ جاؤ کہ وزیراعظم چور ہے۔ اپنے بیان میں انہوں نے کہا کہ کچھ ماہپہلے پیٹرولیم مصنوعات کی قیمت میں اضافہ ہوتا تو ٹی وی چینل ایک ہینڈسم لیڈر کے پرانے ٹوئٹ نکال کر دکھایا کرتے تھے جن میں عمران خان نے پیٹرولیم مصنوعات کی قیمتوں میں اضافے کو مسترد کیا ہوتا تھا مگر اب پی ٹی آئی باربار پیٹرولیم مصنوعات کی قیمتیں بڑھا رہی ہے مگر ٹی وی چینل خاموش ہیں۔

دریں اثنا نائب صدر پیپلز پارٹی سینیٹر شیری رحمان نے کہا ہے کہ دو ماہ میں پیٹرولیم مصنوعات کی قیمتوں میں 5 مرتبہ اضافہ کیا گیا ہے۔ اپنے بیان میں سینیٹر شیری رحمن نے کہاکہ ملک چلانا اس نااہل اور نالائق ٹولے کے بس کی بات نہیں، گزشتہ دو ماہ میں تیل کی قیمتوں میں 16 روپے اضافہ کیا گیا ہے۔ 

انہوں نے کہاکہ صرف جنوری میں حکومت نے تیل کی قیمتوں میں 12 روپے کا اضافہ کیا ہے، قیمتوں میں عدم توازن سے ظاہر ہوتا ہے حکومت غیر مستحکم ہے۔ شیری رحمن نے کہاکہ کل ہی وزیر اعظم نے مہنگائی میں کمی کا اعلان کیا تھا، وزیراعظم کو غلط معاشی اشارے بتائے جاتے ہیں، پیٹرول کی قیمتوں متعلق وزیر اعظم کے ماضی کے بیانات موجود ہیں۔ شیری رحمن نے کہاکہ اب حکومت بتائے پیٹرول کی مد میں پیسے کیا وزیراعظم کے جیب میں جا رہے؟

Post a Comment

Thank you for your valuable comments and opinion. Please have your comment on this post below.

Previous Post Next Post