-->
اپنے فیس بک آئی ڈی سے بھی آپ ویب سائیٹ پر کسی نیوز یا بلاگ پر کومنٹ کرسکتے ہیں۔

1 اپریل، 2021

ایس ای سی پی نےکمپنیوں اور سٹارٹ اپ کو پراپرٹی اور دیگر اثاثوں کے عوض سرمائے حاصل کرنے کی اجازت دے دی

 

ایس ای سی پی نےکمپنیوں اور سٹارٹ اپ  کو پراپرٹی اور دیگر اثاثوں کے عوض سرمائے حاصل کرنے کی اجازت دے دی

اسلام آباد :  پاکستان میں چھوٹے کاروبار اور سٹارٹ اپز کے لئے  کاروبار ی مقاصد کے لئے سرمائے کے حصول کو سہل بنانے کے پیش نظر ، سکیورٹیز اینڈ ایکسچینج کمیشن آف پاکستان نے کمپنیوں کو اپنے شراکت داروں سے پراپرٹی اور دیگر اثاثہ جات کی صورت میں سرمایہ کاری وصول کرنے کی اجازت دے دی ہے۔   اس سلسلے میں کمیشن نے سرکلر جاری کر دیا گیاہے۔

ایس ای سی پی کی جانب سے  جاری سرکلر میں کہا گیا ہے کہ  پرائیویٹ کمپنیاں اپنا  ورکنگ کپیٹل میں اضافے ، نئی  پراڈکٹ کے اجراء،  خدمات  اورٹیکنالوجی کے حصول کے لئے  اپنے موجودہ شراکت داروں کے علاوہ دیگر  افراد و سرمایہ کاروں سے بھی فنڈز  و سرمایہ کاری حاصل کر سکتی ہیں۔  اس سہولت سے کمپنیوں کے لئے سرمائے کا حصول آسان ہو گیا ہے  اور وہ  اب  نقد رقم ( کیش) کے علاوہ دیگر صورتوں جیسے کہ اثاثہ جات اور پراپرٹی  کی صورت میں بھی سرمایہ کاری وصول کر سکیں گی۔ اس سہولت سے خاص طور پر ایسوسی ائیشن آف پرسنز کو  کمپنی تشکیل دینے میں آسانی ہو گی اور وہ اپنے اثاثہ جات کمپنی کو منتقل کر سکیں گی ۔  ایس ای سی پی کی جانب سے جاری سرکلر کے ذریعے کمپنیز ایکٹ 2017 کے سیکشن 83 کی وضاحت کر دی گئی ہے۔ 

اس وضاحت کے مطابق تمام پرائیویٹ اور پبلک کمپنیاں کیش یا نقد رقم کے علاوہ دیگر اثاثہ جات و پراپرٹی کے عوض بھی  شئیر ہولڈروں کو رائٹ ایشو کر کے  سرمایہ حاصل کر سکتیں ہیں، تاہم اس کے لئے ایکٹ کے سیکشن 70 میں دی گئی شرائط کو پوا کرنا ہو گا۔   یہ سہولت سٹارٹ اپ اور چھوٹی کمپنیوں کو کاروبارکو فروغ دینے کے لئے دنیا میں کی جانے والی ریگولیٹری آسانیوں کے مطابق ہے۔ حال ہی میں ملائشیا اور نیوزی لینڈ نے اس آسانی کی فراہمی سے کاروباری آسانیوں کی درجہ بندی میں نمایاں بہتری حاصل کی۔   ایس ای سی پی پاکستان میں زیادہ سے زیادہ سرمایہ کاری اور کاروبار کو فروغ دینے کے لئے تسلسل کے ساتھ اصلاحات کر رہا ہے۔

کوئی تبصرے نہیں:
Write comments

نوٹ: ٹائمزآف چترال کی انتظامیہ اور اداراتی پالیسی کا بلاگر کے خیالات سے متفق ہونا ضروری نہیں ہے۔ اگر آپ بھی چاہتے ہیں کہ آپ کا نقطہ نظر پاکستان اور دنیا بھر کے ناظرین تک پہنچے توآپ بھی قلم اٹھائیے اور 400 سے 700 الفاظ پر مشتمل اپنی تحریر تصویر، مکمل نام، فون نمبر، سوشل میڈیا آئی ڈیز اور اپنے مختصر مگر جامع تعار ف کے ساتھ ہمیں ای میل کریں ای میل ایڈریس timesofchitral@outlook.com آپ اپنے بلاگ کے ساتھ تصاویر اور ویڈیو لنک بھی بھیج سکتے ہیں۔

اپنے فیس بک آئی ڈی سے بھی آپ ویب سائیٹ پر کسی نیوز
یا بلاگ پر کومنٹ کرسکتے ہیں۔

تازہ ترین

www.myvoicetv.com

مشہور اشاعتیں

loading...

تازہ ترین خبریں