-->
اپنے فیس بک آئی ڈی سے بھی آپ ویب سائیٹ پر کسی نیوز یا بلاگ پر کومنٹ کرسکتے ہیں۔
اپنے فیس بک آئی ڈی سے بھی آپ ویب سائیٹ پر کسی نیوز یا بلاگ پر کومنٹ کرسکتے ہیں۔

1 ستمبر، 2021

ایمریٹس نے پاکستان کے لئے محمد النہاری الہاشمی کو وائس پریذیڈنٹ تعینات کردیا

ایمریٹس نے پاکستان کے لئے محمد النہاری الہاشمی کو وائس پریذیڈنٹ تعینات کردیا

کراچی :  ایمریٹس نے پاکستان کے لئے محمد النہاری الہاشمی کو وائس پریذیڈنٹ تعینات کرنے کا اعلان کیا ہے۔ انہوں نے یکم ستمبر سے اپنے فرائض کی انجام دہی کا آغاز کیا ہے۔ محمد النہاری الہاشمی اس مارکیٹ میں قائدانہ انداز سے ایئرلائن کے آپریشنز اور ایمریٹس کی موجودگی برقرار رکھنے کے ذمہ دارہوں گے۔ ان سے قبل، محمد سرحان ایمریٹس پاکستان کے وائس پریذیڈنٹ کے طور پر خدمات سرانجام دے رہے تھے،جو اب بھارت کے لئے ایمریٹس کے وائس پریذیڈنٹ کے طور پر نئی ذمہ داری ادا کریں گے۔ 

پاکستان کے لئے ایمریٹس کے وائس پریذیڈنٹ محمد النہاری الہاشمی نے کہا، "میں پاکستان میں ایمریٹس کے آپریشنز کی قیادت کرنے کے لئے پْرجوش ہوں۔ میں اپنی باصلاحیت مقامی ٹیم کے ساتھ بھرپور انداز سے کام کرنے اور خطے میں ایئرلائن کی ترقی کو آگے بڑھانے کے لئے پرامید ہوں۔" 

اپنی نئی ذمہ داریوں کی انجام دہی کے ساتھ محمد النہاری الہاشمی خطے بھر میں ایئرلائن کے کمرشل آپریشنز اور اہم اقدامات کے انتظام کی نگرانی کریں گے۔ اس سے قبل وہ ایمریٹس کے ساتھ 18 سال سے مختلف فرائض کی انجام دہی کے سلسلے میں منسلک رہے ہیں جن میں کویت، انڈونیشیا، شام، متحدہ عرب امارات میں مینجمنٹ کی ذمہ داریوں کی ادائیگیاں ہیں جبکہ ابھی حال ہی میں وہ سعودی عرب کے لئے وائس پریذیڈنٹ کے طور پر فرائض سرانجام دے رہے تھے۔ 

اس حالیہ تعیناتی کے ساتھ ایئرلائن مغربی ایشیاء، افریقہ، خلیجی ممالک اور وسطیٰ ایشیائی ممالک میں کمرشل لیڈرشپ سے متعلق اعلانات کررہی ہے۔ ان تمام اعلانات کے سلسلے میں اہم عہدوں پر باصلاحیت اماراتی افراد کی تعیناتی شامل ہے جنہیں یا تو ادارے میں پروموشن دی جارہی ہے یا پھر پورٹ فولیو کے ذریعے دوسری اہم ذمہ داریاں تفویض کی جارہی ہیں جس سے متحدہ عرب امارات کے شہریوں کے کیرئیر کی ترقی سے متعلق عزم کی اہمیت اجاگر ہوتی ہے۔ 

ایمریٹس کے پاکستان کے ساتھ سال 1985 سے مستحکم تعلقات ہیں اور ایئرلائن بدستور ملک میں اپنے طویل المیعاد کمرشل حکمت عملی کے لئے پرعزم ہے۔ ایمریٹس کراچی، اسلام آباد، لاہور، سیالکوٹ، اور پشاور سمیت پاکستان کے پانچ شہروں سے مسافروں کو سفری خدمات فراہم کررہا ہے جنہیں براستہ دبئی دنیا کے 120 سے زائد مقامات سے جوڑنے کی سہولت فراہم کی جارہی ہے۔

29 اگست، 2021

افغانستان سے پاک فوج کی سرحدی چوکی پر حملہ، دو جوان شہید ، پاک فوج کی جوابی کارروائی میں 4 دہشتگرد ہلاک

افغانستان سے پاک فوج کی سرحدی چوکی پر حملہ، دو جوان شہید ، پاک فوج کی جوابی کارروائی میں 4 دہشتگرد ہلاک

باجوڑ (ویب ڈیسک) افغانستان کی حدود سے دہشتگردوں کی فائرنگ کے نتیجے میں پاک فوج کے دو جوان شہید ہوگئے۔

پاک فوج کے شعبہ تعلقات عامہ (آئی ایس پی آر) کے مطابق پاک افغان بارڈر پر باجوڑ کے علاقے میں دہشتگردوں نے افغانستان کی حدود سے پاک فوج کی سرحدی چوکی پر حملہ کیا جس کے نتیجے میں پاک فوج کے دو جوان شہید ہوگئے۔ شہید ہونے والے 28 سالہ سپاہی جمال کا تعلق مردان اور 21 سالہ ایاز  کا تعلق چترال سے ہے۔

آئی ایس پی آر کا کہنا ہے کہ دہشتگردوں کی فائرنگ کا پاک فوج نے بھرپور جواب دیا اور تین دہشتگردوں کو ہلاک اور چار کو زخمی کردیا۔ پاکستان کی جانب سے افغان سرزمین سے دہشتگردی کی کارروائی پر افغانستان سے شدید احتجاج کیا گیا ہے۔

مولانا رومی ؒ کے اقوال

مولانا رومی ؒ کے اقوال 
    • 👈 اچھی اور بری بو آسمانوں پر پہنچتی ہے۔ ہماری تکبر کی بو، غصہ کی بو، حرص کی بو، پیاز کی بو کی طرح س سانس کے ساتھ ہونے کی وجہ سے پہچانی جاتی ہے اگر تو انکار کرے گا تو وہ تیرے خلاف گواہی دے گی۔ 
    • 👈 گناہوں کی وجہ سے ہماری دعائیں مردود ہو جاتی ہیں۔
    • 👈 تیرا غم اور خوشی جو کچھ ہر وقت تیرے دل میں موجود رہتے ہیں تیرے لیے طوفانوں و کشتی ہیں۔
    • 👈 جاؤ اس محبوب حقیقی کی ذات کی تجلیات میں فنا ہوجاؤ۔ جاؤالف کی طرح بسم اللہ میں درج ہو جاؤ۔
    • 👈 طلب رزق داخل فطرت ہے لیکن جب طلب رزق میں کوئی ایسا طریقہ اختیار کر لینا جس سے خداوند تعالیٰ کا بھی خیال نہ آئے تو ایسے رزق سے بھوکے مر جانا اچھا ہے۔



    مولانا رومی ؒ کے اقوال

    مولانا رومی ؒ کے اقوال 
    • 👈اپنے اندر تبدیلی کی کوشش کرنی چاہیے اولیاء اللہ کی صحبت اختیار کر تاکہ  تیرے اندر تبدیلی پیدا ہو جائے گی۔
    • 👈 اگر تو راحت کی تمنا میں بھاگے گا تو اُس طرف سے بھی مصیبت  تیرے سامنے تیرا استقبال کرے گی۔ 
    • 👈 تم صورت کو دیکھا سیرت سے تو غافل رہا ہے سیپ سے موتی چن اگر تو سمجھ دار اور عقل رکھتا ہے ۔
    • 👈 آدمی اگر پیشگی ہی اپنا عیب دیکھ لیتا تو کب اپنی اصلاح سے کمزور رہ سکتا تھا۔ 
    • 👈 یاد رکھنا ہر صورت فنا ہو جائے گی اور باطن کی دنیا قائم رہے گی۔ 
    • 👈 انسان کی خیر اور راحت و سکون صرف اس کی زبان میں پوشیدہ ہے۔ 
    • 👈 خدایا رحم کرمجھ پر پریشاں و حال خستہ ہوں - بنے اسباب میری گردشوں کے کارِصد عصیاں۔




    عشیرت کے قریب ٹرک کے حادثے میں ڈرائیور اور شاگرد جان بحق

    عشیرت کے قریب ٹرک کے حادثے میں ڈرائیور اور شاگرد جان بحق 

    لوئر چترال (ٹائمزآف چترال نیوز ڈیسک) لوئر چترال عشیرت کے قریب ٹرک کے حادثے میں ڈرائیور اور شاگرد جان بحق ہوگئے ہیں۔ سامان سے لدا ٹرک چترال جارہا تھا۔ لواری ٹنل دونوں اطراف حادثات میں اضافہ ہوا ہے۔ جس کی وجہ ٹنل سے رابطہ سڑکوں کی غلط ڈیزائننگ بتائی جاتی ہے۔ راستے خطرناک ہوگئے ہیں کیونکہ ان کو بناتے وقت ٹریفک کے نظام اور حادثاتی عوامل کو سامنے نہیں رکھا گیا ہے۔ سردیوں میں برف باری کے باعث یہ راستے اور خطرناک ہوجاتے ہیں۔

    چترال دروش کے ہوٹل میں حملے میں 2 افراد شدید زخمی ہوگئے ہیں

    چترال دروش کے ہوٹل میں حملے میں 2 افراد شدید زخمی ہوگئے ہیں

    دروش (نیوز ڈیسک) تفصیلات کے مطابق چترال دروش کے ایک مقامی ہوٹل میں ہفتے کی رات ایک حملے کے نتیجے میں 2 افراد زخمی ہوئے ہیں۔ ذرائع کے مطابق حملے سے قبل تین گاڑیاں دروش کے شاہنگر ایریا میں واقع نصراللہ نامی ہوٹل پہنچیں اور گاڑیوں میں موجود افراد نے ہوٹل کے عملے پر کیمیکل سپرے کئے۔ اور انہوں نے ہوٹل کے مالک نصراللہ کے بیٹوں ضااللہ ، حماد کو تشدد کا نشانہ بنایا۔ اور موقع پر موجود ایک اور شخص کو بھی تشدد کا نشانہ بنایا۔ نصراللہ اور ان کے بیٹے یہ ہوٹل کرایہ پر چلارہے رہیں۔ زخمیوں پر اتنی تشدد کی گئی ہے کہ انہیں علاج کے لئے پشاور لے جانا پڑا ہے۔

    تشدد کا نشانہ بننے والے افراد نے الزام لگایا ہے کہ بلڈنگ کے مالک سردار حسین ولد سردار الملک نے ان پے حملہ کروایا ہے۔ ان کا کہنا ہے کہ کرایہ کے تنازع پر ہوٹل بلڈنگ کے مالک نے ان پے حملہ کروایا ہے۔



    28 اگست، 2021

    پرامن اور مستحکم افغانستان، پاکستان اور خطے کے لیے اہم ہے ، پاکستان افغانستان میں جامع سیاسی تصفیے کے لئے کردار ادا کرے گا ۔ سفیر ظہیر اے جنجوعہ کا خطاب

    پرامن اور مستحکم افغانستان، پاکستان اور خطے کے لیے اہم ہے ، پاکستان افغانستان میں جامع سیاسی تصفیے کے لئے کردار ادا کرے گا ۔ سفیر ظہیر اے جنجوعہ کا خطاب

    اسلام آباد (اے پی پی): یورپی یونین ، بیلجیئم اور لکسمبرگ میں پاکستان کے سفیر ظہیر اے جنجوعہ نے کہاہے کہ پرامن اور مستحکم افغانستان، پاکستان اور خطے کے لیے انتہائی اہمیت کا حامل ہے، پاکستان افغانستان میں جامع سیاسی تصفیے کے لیے تعمیری کردار ادا کرتا رہے گا ۔ انہوں نے یہ بات بیلجیئم اور لکسمبرگ میں مقیم پاکستانیوں کے لئے آٹھویں ماہانہ آن لائن کھلی کچہری کے موقع پرگفتگو کرتے ہوئے کہی۔

    پاکستان کے سفیرنے شرکا کو افغانستان کی صورتحال سے آگاہ کیا اور اس بات پر زور دیا کہ پرامن اور مستحکم افغانستان، پاکستان اور خطے کے لیے انتہائی اہمیت کا حامل ہے۔ انہوں نے اس عزم کا اظہار کیا کہ پاکستان افغانستان میں ایک جامع سیاسی تصفیے کے لیے تعمیری کردار ادا کرتا رہے گا ۔ انہوں نے کہاکہ پاکستان علاقائی اور بین الاقوامی شراکت داروں کے ساتھ قریبی رابطے میں ہے۔

    حالیہ اعلیٰ سطح کے رابطوں کی تفصیلات بتاتے ہوئے انہوں نے کہا کہ وزیر اعظم عمران خان کو صدر یورپی کونسل چارلس مشیل اور بیلجیئم کے وزیر اعظم الیگزینڈر ڈی کرو کی کالیں موصول ہوئیں جبکہ وزیر خارجہ مخدوم شاہ محمود قریشی نے یورپی یونین کے اعلی نمائندے جوزف بوریل اور بیلجیئم کی نائب وزیراعظم اور وزیر خارجہ سوفی ولیمز سے بھی اس حوا لے سے گفتگو کی۔

    ِ پاکستان کے سفیر نے سفارتی اور بین الاقوامی اداروں کے عملے ، صحافیوں اور دیگر کو افغانستان سے نکالنے کے لیے پاکستان کی کوششوں پر بھی روشنی ڈالی۔ جشنِ آزادی کے موقع پربیلجیئم اور لکسمبرگ میں مقیم پاکستانیوں کی تقریبِ پرچم کشائی میں کثیر تعداد میں شرکت کرنے پر سفیرِ پاکستان نے پاکستانی کمیونٹی کو سراہا اور شکریہ ادا کیا۔ انہوں نے مزید کہا کہ سفارت خانہ پاکستان اِس نوعیت کی دیگر تقریبات کا انعقاد بھی کرتا رہے گا۔

    پاکستانی کمیونٹی کی تعریف کرتے ہوئے انہوں نے کہا کہ بیلجیئم میں مقیم پاکستانیوں کی طرف سے بھجوائی جانے والی ترسیلات زر رواں مالی سال کے پہلے مہینے میں 18.3 فیصد اضافے کے ساتھ 25.5 ملین رہیں۔

    تقریب کا انعقاد وزیراعظم عمران خان کے بیرون ملک مقیم پاکستانیوں سے قریبی رابطے برقرار رکھنے کے وژن کے مطابق کیا گیا تھا تاکہ بیرونِ ملک مقیم پاکستانیوں کو خدمات تک فعال انداز میں رسائی حاصل ہو۔ آن لائن کھلی کچہری میں مختلف شعبہ ہائے زندگی سے تعلق رکھنے والے افراد نے شرکت کی۔ کمیونٹی ممبران نے سفارت خانے کی کوششوں کو سراہا۔

    پاکستان میں مقامی سطح پرتیار کردہ موبائل فونز کی تعداد درآمدی موبائل فونز سے زیادہ ہو گئی ، جکہ ایک بڑی کامیابی ہے

    پاکستان میں مقامی سطح پرتیار کردہ موبائل فونز کی تعداد درآمدی موبائل فونز سے زیادہ ہو گئی ، جکہ ایک بڑی کامیابی ہے

    اسلام آباد (این این آئی) مقامی سطح پر موبائل سازی کی صنعت نے موبائل فون کی در آمدات کی شرح کو پیچھے چھوڑ دیا ہے۔ جنوری تا جولائی 2021 کے دوران،پاکستان میں موبائل بنانے والے اداروں نے ایک کروڑ با ئیس لاکھ ستر ہزار (12.27ملین) موبائل فون تیار کئے جبکہ اسی عرصے میں درآمد شدہ موبائل فون کی تعداد بیاسی لاکھ نوے ہزار (8.29 ملین) ریکارڈ کی گئی۔یہ رجحان پی ٹی اے کے موبائل ڈیوائس مینوفیکچرنگ (ایم ڈی ایم) اجازت ناموں سے متعلق ریگولیٹری نظام کی مثبت عکاسی ہے جس کو متعارف کروانے کے پہلے ہی سال کے 7 ماہ کے عرصہ میں ایک کروڑ با ئیس لاکھ ستر ہزار (12.27 ملین) موبائل فون تیار ہو ئے جن میں اڑتالیس لاکھ ستر ہزار(4.87 ملین) 4 جی سمارٹ فونز بھی شامل ہیں۔

    موبائل مینوفیکچرنگ پالیسی سمیت سازگار حکومتی پالیسیوں کی بدولت اور ڈیوائس آئیڈینٹی فکیشن رجسٹریشن اینڈ بلاکنگ سسٹم (ڈی آئی آر بی ایس) کے کامیاب نفاذ کے بعدپاکستان میں مقامی سطح پر موبائل بنانے کے لیے سازگار ماحول پیدا ہوا۔ اس سے پاکستان کے موبائل فون تیاری کے نظام پر بھی مثبت اثرات مرتب ہوئے جس کی بدولت جعلی ڈیوائس مارکیٹ کا خاتمہ اور تجارتی اداروں کو برابرمواقع میسر آئے جبکہ ہر قسم کی ڈیوائس کی درآمدات کے لیے یکساں قانونی ذرائع کی موجودگی سے صارفین کے اعتماد میں بھی اضافہ ہوا۔ واضح رہے کہ حکومت پاکستان کی جانب سے مینوفیکچررز کو پاکستان میں اپنے یونٹ کے قیام کے حوالے سے ایک جامع موبائل مینوفیکچرنگ پالیسی متعارف کرائی گئی۔اس پالیسی کی روشنی میں پی ٹی اے نے 28 جنوری 2021 کوموبائل ڈیوائس مینوفیکچرنگ (ایم ڈی ایم) ریگولیشنز جاری کیں جس کے تحت اب تک 26 کمپنیوں کو موبائل تیار کرنے کا اجازت نامہ جاری کیا گیا ہے۔ ان کمپنیوں میں مشہور برانڈز جیسا کہ سام سنگ، نوکیا، اوپو، ٹیکنو، انفینکس، ویگوٹل، کیو موبائل وغیرہ شامل ہیں۔

    وزیر موسمیاتی تبدیلی سرتاج گل نے کوکا۔کولا بیوریجز پاکستان کی صاف و سرسبز مہم کا افتتاح کیا

    وزیر موسمیاتی تبدیلی سرتاج گل نے کوکا۔کولا بیوریجز پاکستان کی صاف و سرسبز مہم کا افتتاح کیا 




    فیصل آباد، 27 اگست، 2021۔ کوکا۔کولا بیوریجز پاکستان لمیٹڈ (سی سی آئی پاکستان) کی جانب سے وزیر مملکت برائے موسمیاتی تبدیلی زرتاج گل کی موجودگی میں فیصل آباد کے پروڈکشن پلانٹ میں 'صاف و سرسبز 'مہم 2021کا آغاز کیا گیا۔ اس سلسلے میں رواں سال کے اوائل میں دونوں اداروں کے مابین مفاہمتی یاد داشت پر دستخط ہوئے جس کے تحت سی سی آئی پاکستان نے ملک کے بڑے شہروں میں 50 ہزار پودوں کی شجرکاری کا اعلان کیااور افتتاحی تقریب کے دوران اسکی پہلی مہم میں 10 ہزار سے زائد پودے عطیہ کئے گئے۔ تقریب میں وزیر مملکت زرتاج گل کے ہمراہ اعلیٰ سرکاری حکام اور سی سی آئی پاکستان ٹیم کے سینئر اراکین نے شرکت کی۔ 

    تقریب میں وزارت موسمیاتی تبدیلی کو مختلف اقسام کے مالٹے، ارجن اور زیتون کے پودے پیش کئے گئے۔ اس اقدام کو سراہتے ہوئے وزیرموسمیاتی تبدیلی زرتاج گل نے کہا، "سی سی آئی پاکستان کی جانب سے 'صاف و سرسبز 'مہم دراصل وزیر اعظم پاکستان کے سرسبز پاکستان ویژن کا حصہ ہے۔ اس ویژن کے حصول کے لئے پاکستان کے ہر شہری کو اپنا کردار ادا کرنا چاہیئے۔ پاکستان میں 50 ہزار درختوں کی شجرکاری کے اپنے عزم کی تکمیل کے لئے سی سی آئی پاکستان نے اپنے آپکو ایک ذمہ دار کاروباری ادارہ ثابت کیا ہے۔" 

    اس موقع پر اظہار خیال کرتے ہوئے سی سی آئی پاکستان کے جنرل منیجر احمت کرساد ارتن نے کہا، "سی سی آئی پاکستان سماجی و ماحولیاتی طور پر پاکستان کا ایک باشعور کاروباری ادارہ ہے۔ ہم قدرتی حیاتیاتی تنوع کی بحالی میں تعاون کی اپنی سماجی ذمہ داری کو محسوس کرتے ہیں اور پاکستان کے پاس موسمیاتی تبدیلی کے تباہ کن چیلنجز سے نمٹنے کا یہی ایک حل ہے۔" 

    یہ تقریب سی سی آئی کے جدید ترین پروڈکشن پلانٹ کے دورے کے ساتھ اختتام پذیر ہوئی جس کے دوران کمپنی کی جانب سے صاف و سرسبز پاکستان کی حکومتی کاوشوں میں تعاون کے عہد کا اعادہ کیا گیا۔

    27 اگست، 2021

    یوفون نے چین میں پری پیڈ رومنگ سروس پر سب سے کم ترین نرخ متعارف کرادیئے

    چین میں پاکستانیوں کے لئے اپنے ہم وطنوں سے رابطے کی بڑی خبر 

    اسلام آباد، 27 اگست، 2021۔ پاکستانی ٹیلی کام آپریٹر یوفون نے چین میں اپنی رومنگ سروسز کے چارجز میں سب سے زیادہ کمی لانے کا اعلان کردیا ہے۔ اس اقدام کی بدولت یوفون صارفین ملک سے باہر بھی اپنے پیاروں سے بوقت ضرورت رابطہ میں رہ سکیں گے۔ یوفون کی جانب سے اس حالیہ آفر سے طالب علم، سیاح، کاروباری افراد اور سفارتی حلقہ پاکستان کے پڑوسی و گہرے دوست ملک چین میں مستفید ہوگا جس کے ذریعے وہ اعلیٰ معیار کی آواز اور ڈیٹا خدمات استعمال کرسکیں گے۔  

    ٹیلی کام انڈسٹری میں یوفون کی جانب سے وطن جیسی رومنگ خدمات سب سے کم ترین نرخوں پر پیش کی جارہی ہیں جن میں ان کمنگ اور آؤٹ گوئنگ کالز اور انٹرنیٹ 5 روپے فی 30 سیکنڈز اور 5 روپے فی ایم بی بالترتیب شامل ہیں۔ یہ سروس یوفون کے تمام پری پیڈ نمبروں پر صارفین کی سہولت کے لئے پہلے سے ہی فعال ہے۔ مزید براں، چین میں یوفون کے ڈیٹا رومنگ کی بدولت صارفین کو تمام سوشل میڈیا ایپس کے ساتھ کسی پریشانی اور رکاوٹ کے بغیر باآسانی رسائی حاصل ہوگی۔ یہ ڈیٹا سروس *506# ڈائل کرکے اور ذیلی ہدایات پر عمل کرکے فعال کی جاسکتی ہے۔ 

    اس اقدام کی بدولت چین میں کاروباری، تعلیمی، تفریحی یا کسی بھی مقصد سے سفر کرنے والے یوفون صارفین کو سہولت حاصل ہوگی۔ دونوں ممالک کے درمیان رابطوں میں تیزی آئے گی جس سے سماجی و معاشی ترقیاتی اہداف کے مشترکہ طور پر حصول کا دائرہ کار مزید وسیع ہوگا۔ 

    یوفون ہمیشہ سے اپنے صارفین کو بہتر انداز سے سہولت کی فراہمی میں پیش پیش رہا ہے اور اس کا یہ حالیہ اقدام اسکا منہ بولتا ثبوت ہے۔ صارفین کو مرکزی اہمیت دینے والی کمپنی کے طور پر یوفون نے اپنی مصنوعات اور خدمات کے پورٹ فولیو میں بہتری لانے کا عمل جاری رکھا ہے تاکہ اپنے صارفین کے لئے معیاری نیٹ ورک اور ڈیٹا خدمات میں وسعت لائی جاسکے۔ 

    افغان طالبان نے قندھا ر میں خیبر ٹیلی ویژن کے معروف پاکستانی صحافی کو کیمرہ مین سمیت گرفتار کرلیا

    افغان طالبان نے قندھا ر میں  خیبر ٹیلی ویژن کے معروف پاکستانی صحافی کو کیمرہ مین سمیت گرفتار کرلیا

    کابل (ویب ڈیسک ، این این آئی 26 اگست 2021) نجی ٹی وی خیبر نیوز سے منسلک صحافی متین خان کو قندھار میں طالبان کی جانب سے گرفتار کرلیا گیا ۔میڈیا رپورٹس کے مطابق صحافی کے اہل خانہ کا کہناہے کہ متین خان چمن میں خیبر نیوز سے منسلک ہیں اور گزشتہ روز رپورٹنگ کیلئے قندھار گئے تھے اور ان کے ساتھ کیمرا مین بھی تھا۔ انہیں طالبان کی جانب سے گرفتار کر لیا گیاہے ، صحافیوں کو کنٹینرز میں بند کیا گیاہے ، ایک بار واٹس ایپ پر رابطہ ہواہے ۔

    دوسری جانب طالبان انفارمیشن دفتر کا کہناہے کہ پاکستانی صحافی کو گزشتہ روز بغیر اجازت کوریج پر حراست میں لیا گیاہے ، صحافی اور کیمرا مین سے تفتیش جاری ہے ۔ پریس کلب نے بیان جاری کرتے ہوئے کہا کہ متین خان اور کیمرا مین کی گرفتاری قابل مذمت ہے ، حکومت پاکستان واقعے کا نوٹس لے اور صحافی کو بازیاب کروائے۔دریں اثنا افغان طالبان کے ترجمان ذبیح اللہ مجاہدنے کہا ہے کہ میڈیا کو افغانستان میں کام کرنے کی مکمل اجازت ہے۔میڈیارپورٹس کے مطابق افغانستان کے دارالحکومت کابل میں موجود غیر ملکی صحافیوں سے ملاقات کے دوران گفتگو کرتے ہوئے افغان طالبان کے ترجمان ذبیح اللہ مجاہد نے یہ بات کہی۔ذبیح اللہ مجاہد کے ساتھ عبدالقہار بلخی، سردار شکیب اور مولوی سعدالدین بھی موجود تھے جن کے ہمراہ انہوں نے صحافیوں کے مسائل بھی سنے۔اس موقع پر افغان طالبان کے ترجمان ذبیح اللہ مجاہد نے کہا کہ جب حکومت بن جائے گی تو صحافیوں کو نقل و حرکت کی سہولت دیں گے۔انہوں نے کہا کہ صورتِ حال ابھی واضح نہیں ہے، آپ لوگ محتاط ہو کر فلم بندی کریں۔ترجمان طالبان نے مزید بتایا کہ صحافیوں کی سہولت کے لیے 3 رکنی ٹیم بھی تشکیل دے رہے ہیں۔ذبیح اللہ مجاہد کا یہ بھی کہنا تھا کہ صحافی دنیا کو افغانستان کی اصل تصویر دکھائیں، 10 دن پہلے کی سیکیورٹی کی صورتِ حال کا آج سے موازنہ بھی کریں۔

    26 اگست، 2021

    چترال یارخون اپریل 2017 میں قتل ہونے والے نوجوان اسلم بیگ کے قاتلوں کو 5 سال عمر قید کی سزا اور 5 -5 لاکھ جرمانہ کی سزا، ٹائمز آف چترال کی بھرپور کوریج نے مقتول کو انصاف دلانے میں کردار ادا کیا۔

    چترال یارخون  اپریل 2017 میں قتل ہونے والے نوجوان اسلم بیگ  کے قاتلوں  کو 5 سال  بعد  عمر قید کی سزا اور 5 -5 لاکھ جرمانہ کی سزا، ٹائمز آف چترال کی بھرپور کوریج نے مقتول کو انصاف دلانے میں کردار  ادا کیا۔




     اپریل 2017 میں بے گناہ  قتل ہونے والے نوجوان اسلم بیگ کے قتل کا ایف آئی آر مستوج تھانے میں مقتول کی بیوی اور آشنا کے خلاف درج  ورثاء نے درج کرائی تھی۔  اس کیس میں بڑے داؤ پیچ آئے اور بلاآخر انصاف کی فتح  ہوگئی۔  اسلم بیگ قتل کے خلاف مقتول کو انصاف دلانے اور قاتلوں کو سزا دلوانے کے لئے ٹائمز آف چترال نے بھر پور کردار ادا کیا۔ اور مظلوموں کی آواز بن کر آگے آگے رہا۔  کیس کی تمام خبروں کے لنکس درجہ ذیل میں دیئے گئے ہیں۔



    کیس کا فیصلہ آگیا ہے  جس کے مطابق اسلم بیگ  کے قاتلوں یعنی اس کی سابق اہلیہ اور اس کے آشناء کو  عدالت نے عمر قید کی سزا سنا دی ہے ۔ عدالت سید زاہد شاہ ایڈیشنل سیشن جج اپر چترال نے بریپ یارخون  اسلم بیگ قتل کیس میں مرکزی ملزمان  مقتول کی اہلیہ ذاکرہ بی بی   اور اس کے مبینہ آشنا شہاب الامین  کو عمر قید کی سزا سنا دی ہے۔ اور  دونوں مجرمان کو 5-5 لاکھ روپے کی جرمانے کی سزا بھی سنائی  ہے۔


    ایڈیشنل سیشن جج اپر چترال نے ملزم سید شہاب الامین اور ملزمہ ذاکرہ بی بی کوزیر دفعہ  302 (b)  تغیرات پاکستان کے تحت عمر قید کی سزا سنا دی ہے ۔  دونوں مجرمان کو دفعہ  544(a) کے تحت 3-3 لاکھ روپے مقتول کے ورثاء کو فوجداری ادا کرنے کا حکم دیا ہے ۔دونوں ملزمان کو حراست میں لیکر نائب کورٹ کو حوالہ کیا گیا ہے۔   اس کیس کو منطقی انجام تک پہنچانے میں اپر چترال کے معروف قانون دان گل مراد ایڈووکیٹ اہم کردار ادا کیا ہے وہ اس کیس کے وکیل تھے۔

    یہ بھی پڑھیں :  

    25 اگست، 2021

    آر آئی سی ہسپتال میں سنگدل ماں نے اپنے ہی اپنے کم سن بچے کو قتل کرنیکی کوشش کی

     
    آر آئی سی ہسپتال میں سنگدل ماں نے اپنے ہی  اپنے کم سن بچے کو قتل کرنیکی کوشش کی

     
    راولپنڈی (آئی این پی) راولپنڈی انسٹی ٹیوٹ آف کارڈیالوجی میں ماں نے اپنے ہی بچے کو جان سے مارنے کی کوشش کی تاہم ہسپتال انتظامیہ نے خاتون کی کوشش ناکام بنادی۔راولپنڈی انسٹیٹیوٹ آف کارڈیالوجی میں ماں نے اپنے کم سن بچے کے قتل کی کوشش کی تاہم ہسپتال انتظامیہ نے فوری کارروائی کرتے ہوئے خاتون کی کوشش ناکام بنادی۔ وزیر اعلی پنجاب کی اسپیشل کوآرڈینیٹر سارہ احمد نے واقعہ کا نوٹس لے لیا ہے۔چیئر پرسن سارہ احمد کے مطابق چائلڈ پروٹیکشن بیورو نے کم سن بچے کو تحویل میں لے لیا جبکہ بچے کا علاج ومعالجہ بھی جاری ہے۔ آر آئی سی کا کہنا ہے کہ واقعے کی سی ٹی وی فوٹیج ثبوت کے طور پرموجود ہے۔

    فیس بک اور زندگی ٹرسٹ کا بچوں کے آن لائن استحصال سے نمٹنے کے لئے اشتراک

    فیس بک اور زندگی ٹرسٹ کا بچوں کے آن لائن استحصال سے نمٹنے کے لئے اشتراک 


    کراچی، 23اگست، 2021۔ فیس بک اور زندگی ٹرسٹ نے پاکستان میں بچوں کے آن لائن استحصال اور مناسب طریقوں سے انکی اطلاع دینے سے متعلق آگہی مہم کا آغاز کیا ہے ۔  اس مہم میں فیس بک، نیشنل سینٹر فار مسنگ اینڈ ایکسپلائیٹیشن چلڈرن (این سی ایم ای سی) اور جنسی حملہ آوروں سے متعلقہ دنیا کی مایہ ناز کلینیکل سائیکالوجسٹ پروفیسر ایتھل کوائل پرو کی جانب سے مرتب کردہ تحقیق کی روشنی میں سمجھایا جائے گا کہ لوگ بچوں کے استحصال سے متعلق مواد کیوں شیئر کرتے ہیں۔ 

    محقیقین نے 150 افراد سے تحقیقات کیں جنہوں نے فیس بک پر جولائی اور اگست 2020 اور جنوری 2021 میں بچوں کے استحصال سے متعلق مواد شیئر کیا۔ فیس بک پر ان افراد کے رویوں کا تفصیلی جائزہ لینے کی بنیاد پر بچوں کی حفاظت سے متعلق ماہرین اس بات پر یقین رکھتے ہیں کہ 75 فیصد زائد افراد کا بچوں کو نقصان پہنچانے کا ارادہ نہیں تھا۔ اسکے بجائے، وہ بچوں کے استحصال سے متعلق مواد دیگر وجوہات کی بناء پر شیئر کرتے نظر آئے جیسے انہیں غصہ آنے یا پھر گھٹیا مذاق۔

    ان جائزوں کی بنیاد پر کمپنی نے بچوں کی حفاظت کا کام کرنے والے پارٹنرز جیسے زندگی ٹرسٹ کے ساتھ مل کر خصوصی مہم تیار کی تاکہ لوگوں کو بچوں سے جنسی زیادتی کے مواد کی اطلاع دینے کی حوصلہ افزائی کی جائے اور ایسا مواد شیئر نہ کیا جائے۔ اس مہم میں لوگوں کو یاد دہانی کی جاتی ہے کہ وہ ایسا مواد دوبارہ شیئر مت کریں ، کیونکہ اسے شیئر کیا جارہا ہے چاہے اس کا کوئی پس منظر ہو، چاہے اسکی رسائی ہو، یا گھٹیا مذاق ہو۔ بچوں کے استحصال سے منسلک کسی بھی طرح کے مواد کی شیئرنگ بچوں کو مزید نقصان پہنچاتی ہے اور یہ غیرقانونی عمل ہے۔ 

    زندگی ٹرسٹ کے بانی، شہزاد رائے نے کہا، "یہ دیکھنا خوش آئند ہے کہ فیس بک بچوں کے آن لائن استحصال کی روک تھام کے لئے اقدام کررہا ہے۔ ہمیں یہ لازمی سمجھنے کی ضرورت ہے کہ ہر مقام پر بشمول ڈیجیٹل دنیا میں بچے کے تحفظ کی ضرورت ہے۔ سرکاری پالیسی میں تبدیلی کے لئے آواز اٹھا کر ہم نے  اسکولوں میں جسمانی سزا پر پابندی، لائف اسکلز بیسڈ ایجوکیشن (ایل ایس بی ای) کو متعارف اور اساتذہ کی کارکردگی کے جائزہ کے لئے اصلاحات میں تعاون فراہم کیا ہے۔ اب ہم سائبر کرائم سے بچوں کے تحفظ کے سلسلے میں موثر پالیسی تجاویز کے لئے آواز بلند کریں گے۔ تاہم یہ سرکاری اداروں اور سوشل میڈیا کمپنیوں کے لئے انتہائی اہم بات یہ ہے کہ وہ اس ڈائیلاگ میں شامل رہیں اور اقدام اٹھائیں۔" 

    اس اشتراک کے بارے فیس بک میں پبلک پالیسی منیجر سحر طارق نے کہا، "بچوں کے آن لائن جنسی استحصال کی روک تھام اور خاتمہ کے لئے پوری انڈسٹری کو ساتھ ملانے کی ضرورت ہے، اور فیس بک اپنی ایپس پر وقتا فوقتا بچوں کی حفاظت کے لئے اپنے کردار کی ادائیگی کے لئے پرعزم ہے۔ ہم موثر حل کی تیاری کے لئے تحقیق و آگہی پر مبنی طریقہ کار اختیار کررہے ہیں جس سے بچوں کے استحصال سے متعلق مواد کی شیئرنگ معطل ہوگی۔ ہم اس مہم میں زندگی ٹرسٹ کے پارٹنر بننے پر خوش ہیں جس کے پاس بچوں کے تحفظ کی اصلاحات پر کام کے وسیع تجربہ کی شکل میں نمایاں خوبی ہے۔" 

    زندگی ٹرسٹ کے پروگرام آفیسر، علی آفتاب نے کہا، "پاکستان میں بچوں سے زیادتی سے متعلق شیئر ہونے والا مواد اکثر ایسے کیپشنز کے ساتھ سامنے آتا ہے جس پر قانون نافذ کرنے والے ادارے باآسانی نوٹس لے سکیں اور کارروائی کرسکیں۔ ہماری مہم میں لوگوں کی جانب سے متعلقہ حکام کو براہ راست اطلاع دینے کے طریقے اجاگر کرنے پر بھی توجہ دی جائے گی۔ ہم فلاحی اداروں، قانون نافذ کرنے والوں اور سرکاری اداروں  کے ساتھ بھی کام کریں گے تاکہ موجودہ نظام کی کارکردگی میں بہتری آئے جس سے بچوں اور انکے گھرانوں کو بروقت انداز سے تعاون مل سکے گی۔ "

    یہ مہم ویڈیوز کی شکل میں چلائی جائے گی اور یہ ہدایات اور معلومات پر مشتمل ہوں گی جن کے ساتھ ساتھ اہم اسٹیک ہولڈرز سے پالیسی ڈائیلاگ ہیں۔ ان ڈائیلاگ کا مقصد ایسی پالیسی تجاویز کی نشاندہی کرنا ہے جنہیں متعلقہ سرکاری اداروں کے ساتھ ساتھ فیس بک کو بھی فراہم کیا جاسکے ۔ تاہم، معاشرے کے اندر نمایاں نتائج کے حصول کے لئے ہر ایک کو اپنا کردار ادا کرنے کی ضرورت ہے۔ 

    24 اگست، 2021

    ٹیکنالوجی کمپنی رئیل می (realme) کے فین فیسٹ کا آغاز، بے شمار مصنوعات پر پرکشش ڈسکاؤنٹ 30 اگست تک جاری رہے گا

    ٹیکنالوجی کمپنی رئیل می (realme) کے فین فیسٹ کا آغاز، بے شمار مصنوعات پر پرکشش ڈسکاؤنٹ 30 اگست تک جاری رہے گا 



    لاہور:  معروف ٹیکنالوجی کمپنی رئیل می (realme) کے لئے اگست کا پورا مہینہ دلچسپ خبروں سے بھرپور ہے۔ سب سے پہلے، اس نے اپنی تیسری سالگرہ کے موقع پر اپنی عالمی سیلز کے ساتھ 100 ملین ڈیوائسز کی فروخت کا سنگ میل عبور کیا جو پوری اسمارٹ فون انڈسٹری میں سب سے تیزرفتار ہے۔ مزید یہ کہ پاکستان میں رئیل می کی جانب سے رئیل می فان فیسٹ 2021 کے آغاز کے موقع پر اسکے فروخت ہونے والے اسمارٹ فونز کی تعداد اتفاقیہ طور پر 2 ملین ہوگئی۔ اس فین فیسٹ میں نہ صرف رئیل می کی بہت ساری مصنوعات پر دلچسپ ڈسکاؤنٹ ہے بلکہ اسکی انتہائی جاندار سی سیریز کا اسمارٹ فون رئیل می سی 25 ایس (realme C25s)، کمپنی کا پہلا لیپ ٹاپ (realme Book) اور بہترین انداز سے 2021 کا تیارکردہ فلیگ شپ اسمارٹ فون رئیل می جی ٹی ماسٹر ایڈیشن (realme GT Master Edition)بھی متعارف کرائے گئے ہیں۔ 

    رئیل می فین فیسٹ میں تمام صارفین کے لئے کم قیمت ڈیوائس بھی متعارف کرائی جارہی ہے۔ یہ رئیل می سی 25ایس ہے جس کی قیمت 20,999 روپے ہے۔ اس میں میڈیا ٹیک ہیلیو جی 85 گیمنگ پروسیسر اور 6 ہزار ایم اے ایچ بیٹری ہے۔ یہ رئیل می سی سیریز کی سب سے طاقتور ڈیوائس قرار دی جاتی ہے جو ٹی یو وی رہین لینڈ ریلائیبلیٹی سرٹیفکیشن اور 48 میگا پیکسل کا اے آئی ٹرپل کیمرے سے آراستہ ہے۔ اس فون میں 18Wکوئیک چارج کے ساتھ انتہائی طاقتور خصوصیات ہیں۔ یہ فون 26 اگست 2021 بروز جمعرات سے دستیاب ہے۔ 
     
    دوسری جانب، رئیل می فین فیسٹ دراز ڈاٹ پی کے (Daraz.pk) اور سامان ڈاٹ پی کے (Saamaan.pk) سے 23 اگست سے لائیو موجود ہے جس میں رئیل می کی مختلف پسندیدہ مصنوعات رعائتی قیمتوں پر دستیاب ہیں۔ 

    دراز ڈاٹ پی کے (Daraz.pk) پر رئیل می کے پرستار یہ مصنوعات رعایتی قیمت پر حاصل کرسکتے ہیں: 
    رئیل می نارزو 30 جس کے ساتھ 6 پلسGB 128 اسٹوریج اور 5000 ایم اے ایچ بیٹری ہے۔ اسکی قیمت 34 ہزار 999 روپے کے 
    بجائے 32 ہزار 999 روپے ہے۔ 
    رئیل می بڈز کیو 5 ہزار 999 روپے سے کم ہوکر 2999 روپے پر دستیاب ہے۔ 
    رئیل می بینڈ 3499 روپے سے کم ہوکر 2499 روپے میں دستیاب ہے۔ 
    رئیل می بڈز وائرلیس 3999 روپے سے کم ہوکر 2999 روپے میں دستیاب ہے۔
    رئیل می بڈز وائرلیس 3999 روپے سے کم ہوکر 2999 روپے میں دستیاب ہے۔ 
    رئیل می بڈز کلاسیک 1199 روپے سے کم ہوکر 899 روپے میں دستیاب ہے۔ 

    سامان ڈاٹ پی کے (Saamaan.pk) پر صارفین ان یہ مصنوعات حاصل کرسکتے ہیں:
    رئیل می بڈز کلاسیک 1199 روپے سے کم ہوکر 899 روپے میں دستیاب ہے۔ 
    رئیل می بڈز ایئر 2 9999 روپے سے 2 ہزار روپے کم ہوکر 7999 روپے میں دستیاب ہے۔ 
    رئیل می بڈز ایئر 2 نیو 7999 روپے سے کم ہوکر 5999 روپے میں دستیاب ہے۔ 
    رئیل می بڈز کیو 2 5999 روپے سے کم ہوکر 3999 روپے میں دستیاب ہے۔ 
    رئیل می موشن ایکٹی ویٹڈ نائٹ لائٹ 2999 روپے سے کم ہوکر 2499 روپے میں دستیاب ہے۔ 
    رئیل می پاور بینک 2 کی قیمت 3499 روپے سے کم ہوکر 1999 روپے ہوگئی۔
    رئیل می اسمارٹ واچ 11ہزار 999 روپے سے کم ہوکر 8 ہزار 999 روپے میں دستیاب ہے۔ 

    اس فیسٹ میں کمپنی کا پہلا لیپ ٹاپ رئیل می بک (realme Book)انتہائی پتلا 14.9 ایم ایم میٹل باڈی پر مشتمل ہے اور بلیو اور گرے رنگوں میں دستیاب ہے۔ اسکے فیچرز میں 14 انچ 2Kفل ویژن ڈسپلے، 400 نٹس پیک برائٹنس، روایتی 16:9اسکرینز کے مقابلے میں 3:2اسکرین ریشو سے مائیکروسافٹ آفس سافٹ ویئر کی مزید معلومات ظاہر ہوسکتی ہیں۔ رئیل می بک میں 11 واں جنریشن انٹیل کور پروسیسر ہے اور ڈوئل فین اسٹارم کولنگ سسٹم  گیمز کو روانی سے بڑھانے کو یقینی بناتا ہے۔ اس میں GB 16 ڈوئل چینل (LPDDR4x) ریم،GB 512 پکلے ایس ایس ڈی اسٹوریج کے ساتھ 65Wسپر فاسٹ چارج ٹیکنالوجی کی بدولت 11 گھنٹے تک کی بیٹری لائف فراہم ہوتی ہے۔ 

    رئیل می کی جانب سے ایک دوسری پروڈکٹ جو متعارف کرائی گئی ہے وہ رئیل می جی ٹی ماسٹر ایڈیشن (realme GT Master Edition) ہے۔ خوبصورت نفیس ڈیزائن اور تکنیکی خصوصیات سے آراستہ رئیل می جی ماسٹر ایڈیشن میں نوجوانوں کی صلاحیتوں میں اضافے اور انہیں کم قیمت میں جدید ترین ہینڈ سیٹ سے بااختیار بنانا بلاشبہ ایک بے مثال قدم ہے۔ اسے معروف انڈسٹریل ڈیزائنر ناؤٹو فوکاساوا کی جانب سے ڈیزائن کیا گیا۔ یہ جی ٹی ایکسپلورر ماسٹر ایڈیشن کوالکم اسنیپ ڈریگن 870 پروسیسر سے آراستہ ہے جس میں GB 12 ریم ہے۔ جی ٹی ماسٹرایڈیشن میں GB 8 ریم کے ساتھ اسنیپ ڈریگن 778 جی 5Gپروسیسر استعمال کرتا ہے۔ رئیل می جی ٹی ماسٹر ایڈیشن سیریز میں 32 میگا پکسل کا سونی سیلفی کیمرا بھی ہے جبکہ جی ٹی ایکسپلورر ایڈیشن میں OISکے ساتھ 50 میگا پکسل کا سونی (IMX766) کا مین کیمرا ہے۔ اسی طرح جی ٹی ماسٹر ایڈیشن میں 64 میگا پکسل کا مین کیمرا ہے۔ 

    realmeکا تعارف 
    رئیل می ایک کنزیومر ٹیکنالوجی کمپنی ہے جو جدید ترین ٹیکنالوجیز کو زیادہ قابل رسائی بناکر اسمارٹ فون اور اے آئی او ٹی (AIoT) مارکیٹ میں نت نئی پیش قدمی کر رہی ہے۔ یہ نوجوان صارفین میں نئے رجحان قائم کرنے والے ڈیزائنز، اعلیٰ معیار کے سامان، معیار اور کم لاگت کے ساتھ اسمارٹ فونز اور لائف اسٹائل ٹیکنالوجی ڈیوائسز کی وسیع رینج فراہم کرتا ہے۔  
    سال 2019 میں اسکائی لی کی جانب سے قائم اور بڑے کارنامے سرانجام دینے کے جذبہ کے ساتھ رئیل می دنیا کی ساتویں اسمارٹ فون بنانے والی کمپنی ہے۔ سال 2021 کی دوسری سہ ماہی تک رئیل می چین، جنوب مشرقی ایشیاء، یورپ، روس، آسٹریلیا، مشرق وسطیٰ، افریقہ، اور لاطینی امریکہ سمیت دنیا کی 61 مارکیٹوں میں داخل ہوچکا ہے اور اسکے صارفین کی تعداد 10 کروڑ سے تجاوز کرچکی ہے۔ 

    مزید معلومات کے لئے برائے کرم اسکی ویب سائٹ (http://www.realme.com/pk) وزٹ کریں یا پھر رابطہ کریں: 
    خان محمد اسامہ شوکت 
    ہیڈ آف پبلک ریلیشنز اینڈ مارکیتنگ
    ای میل ایڈریس: osamashaukat@realme-pk.com 

    22 اگست، 2021

    تورکہو کے عوام سڑک اور پُل کی تعمیر میں تاحیر پر سراپا احتجاج۔تورکہو تریچ روڈ فورم کا حکومت کو دس دن کا الٹی میٹم۔

    تورکہو کے عوام سڑک اور پُل کی تعمیر میں تاحیر پر سراپا احتجاج۔تورکہو تریچ روڈ فورم کا حکومت کو دس دن کا الٹی میٹم۔


    چترال(گل حماد فاروقی)ضلع اپر چترال کے علاقہ تورکہو کے عوام سڑک اور پل کی تعمیر میں غیر ضروری تاحیر پر سراپا احتجاج ہیں۔ تورکہو تریچ روڈ فورم کے زیر اہتمام علاقے بھر کے لوگوں نے تورکہو میں ویر کوپ کے مقام پر احتجاجی جلسہ کیا۔ہزاروں لوگوں نے سڑک پر آکر مظاہرہ کیا۔ جلسہ سے خطاب کرتے ہوئے مقررین نے کہا کہ اس سڑک اور پُل کی حستہ حالی کی وجہ سے اس پر کئی حادثات پیش آئے جس میں کئی قیمتی جانیں ضائع ہوگئی ہیں مگر محکمہ کمیونیکیشین اینڈ ورکس C&W کے کان پر جو تک نہیں رینگتی اور ان کو اتنے لوگوں کی اموات کا احساس تک نہیں ہے۔ مقررین نے الزام لگایا کہ ماضی میں بھی تورکہو سڑک محکمہ سی اینڈ ڈبلیونے کاغذات میں تارکولی ظاہر کیا تھا مگر حقیقت یہ ہے کہ یہ سڑک ابھی تک کچا ہے۔ سڑک کی بیچ میں بڑے بڑے کھڈوں اور دریا کی جانب حفاظتی دیوار نہ ہونے کی وجہ سے اس سڑک پر آئے روز حادثات پیش آتے ہیں۔ 
    جلسہ میں سی ڈی ایم کے چئیرمین وقاص ایڈوکیٹ، تحریک حقوق عوام اپر چترال کے نمائندہ پرویز لال، تحریک کے بانی پیر محتار، ذاکر ذحمی، طاہر الدین شادان اور دیگر نے بھی حصوصی طور پر جلسہ میں شرکت کرکے اظہار حیال کیا۔ 
    مقررین نے کہا کہ علاقے کے عمائدین نے کئی بار منتحب نمائندوں اور متعلقہ اداروں کے ساتھ ضلعی انتظامیہ کو بھی خبردار کیا ہے کہ اس سڑک کی تعمیر میں مزید تاحیر نہ کی جائے مگر اس کے باوجود حکومت اس پر کام شروع نہیں کرواتا۔ مظاہرین نے متنبہ کیا کہ اگر اس سڑک اور پل کی تعمیر پر فوری کام شروع نہ ہوا تو تاحیر کی صورت میں عوام ایک بار پھر سڑکوں پر نکل آئیں گے اور ضلع اپر چترال اور تورکہو کا روڈ بلاک کریں گے۔ مظاہرین نے حکومت کو دس دن کا الٹی میٹم دیا جس کے بعد وہ ایک بار پھر سڑکوں پر نکلنے پر مجبور ہوں گے۔ احتجاجی جلسہ میں چترال سے منتحب رکن قومی اسمبلی مولانا عبد الاکبر چترالی اور رکن صوبائی اسمبلی مولوی ہدایت الرحمان نے بھی شرکت کی۔ منتحب نمائندگان نے عوامی اجتماع سے خطاب کرتے ہوئے مواصلاتی ادارے پر کڑی تنقید کی۔ انہوں نے یقین دہائی کرائی کہ اگر اس سڑک اور پل پر فوری کام شروع نہ ہوا تو وہ بھی عوام کے ساتھ احتجاجی دھرنا میں بیٹھیں گے۔ جلسہ میں طاہرالدین شادان اور ذاکراللہ زحمی نے ایک المناک حادثے کی طرف عوام کا توجہ مبذول کروایا جس میں ذاکر زحمی کے گھر کے کئی افراد ایک المناک حادثے میں جاں بحق ہوئے تھے۔ واضح رہے کہ استارو پل کی تعمیر کیلئے مشنری پہنچ چکی ہے مگر عوام کا کہنا ہے کہ صرف مشینری پہنچانا کافی نہیں ہے بلکہ اس پر جلدی کام شروع کروایا جائے تاکہ سردیاں آنے سے پہلے یہ مکمل ہوسکے کیونکہ موسم سرما میں اس علاقے میں شدید برف باری کی وجہ سے تعمیری کام نہیں ہوسکتا۔ مظاہرین نے کہا کہ سردیوں میں سڑک پر برف اور پانی جم جانے سے اس پر سفر کرنا نہایت مشکل ہوتا ہے۔ انہوں نے کہا کہ سڑک کا نقشہ کئی بار بدل دیا گیا مگر اس کی تعمیر میں تاحیری حربے استعمال کیے جاتے ہیں جس کی وجہ سے یہاں کے ہزاروں عوام نہایت مشکلات سے دوچار ہیں۔ 
    احتجاجی جلسہ میں ہزاروں نے لوگوں نے شرکت کی اس موقع پر متعلقہ اداروں کے حلاف نعرہ بازی بھی کی گئی اور حکومت کو متنبہ کیا کہ اگر ان کا جائز مطالبہ پورا نہیں ہوا تو وہ مجبورً ا چترال تک لانگ مارچ کریں گے اور ڈپٹی کمشنر اور سی اینڈ ڈبلیو کے دفاتر کے ساتھ دھرنا بھی دیں گے۔ احتجاجی جلسہ دعائیہ کلمات کے ساتھ احتتام پذیر ہوا۔

    نوٹ: ٹائمزآف چترال کی انتظامیہ اور اداراتی پالیسی کا بلاگر کے خیالات سے متفق ہونا ضروری نہیں ہے۔ اگر آپ بھی چاہتے ہیں کہ آپ کا نقطہ نظر پاکستان اور دنیا بھر کے ناظرین تک پہنچے توآپ بھی قلم اٹھائیے اور 400 سے 700 الفاظ پر مشتمل اپنی تحریر تصویر، مکمل نام، فون نمبر، سوشل میڈیا آئی ڈیز اور اپنے مختصر مگر جامع تعار ف کے ساتھ ہمیں ای میل کریں ای میل ایڈریس timesofchitral@outlook.com آپ اپنے بلاگ کے ساتھ تصاویر اور ویڈیو لنک بھی بھیج سکتے ہیں۔

    اپنے فیس بک آئی ڈی سے بھی آپ ویب سائیٹ پر کسی نیوز
    یا بلاگ پر کومنٹ کرسکتے ہیں۔

    تازہ ترین

    www.myvoicetv.com

    مشہور اشاعتیں

    loading...

    تازہ ترین خبریں